2 Webena 20:3 - mzwDBL

³ Kooro Jehosafat ɔmɔ, dɛ bɔɔ le Korowii be ŋɔ ó baɡlo ɡɛ waa ɛ, asɛ dɛ ŋɔ Juda te bɛlbwa vɔwɛ nyoa, á baɡle kɛ ba dɛ di suna.

2 Webena 20:3 ပူးပေါင်းရင်းမြစ်များ

2 Webena 11:16

Nɛra baa le Israel deene bwa bini dɛ le ba bambile bini ŋɔ, baa tomɛ Korowii Israel tena aa dɛ tomɛ la teŋɛ Lewi dea tena nɛɛ ba Jerusalam, dɛ ba kpoo kwaa ɛ sarahare tɛ Korowii ba naawa aa toma.

2 Webena 19:3

Kɛ he ɛ wedɛɛɡa tama ane, dɛkalkɛ he teŋni voɡ Asera daa nɛra aa dɛ tomɛ le he harɛ ta, dɛɛ teŋɛ waa Korowii aa dɛ nyin ta.”

2 Webena 7:14

asɛ ba charɛ liire dɛ le wechɔɡa baa dɛ ɛ la ta, dɛ wi noo mɛ naa, mɛɛ no ba bee le nyundua, dɛ́ kpɔ ba wechɔɡa kɛ ba dɛ́ berɛ ɡel ba harɛ la do wer.

Nehemia 9:1

Korobinuanɛ la tenten, tɔpera fifraanɛ dɛ anaarɛ ta, Israel tena chemo dɛ vɔwɛ nyoa, dɛ kpɔ lweyale tɔ, dɛ ɛ teera do ba nyuune ta, a baɡle kɛŋɔ ba tea bini chɔɡɔ ba wechɔɡa wa.

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

Jeremia 36:9

Juda Kooro Josia bibaa Jehoiakim aa di kora Juda harɛ bene anue, korobie anuanaarɛ ta la, nɛra baa lɔ Jerusalam ne Juda bwɛɛre ta nɛra bwa vɔwɛ nyoa ba waa dɔ nyɛl Korowii be.

Daneɛl 9:3

Asɛ n kpɔ lweyal tɔ dɛ so tɔɔ ta, a baɡle kɛ n dɛ di suna, dɛ vɔwɛ nyoa dɛɛ soŋe Korowii.

Joel 1:14

Hé yerɛ nɛra bwa ba cheme, bá vɔwɛ nyoa. Hé yerɛ harɛ la nomonome bwa ba Korowii haa dɛ tomɔ Dea, dɛ́ ba wi noo bela.

Emɔs 5:4

Korowii ŋɔ Israel tena be ŋɔ, “Hé berɛ ba n be, ásɛ dɛ dɔ he nyu.

Jona 1:16

Asɛ ɔmee lawɛ nɛra la bwa kohona Korowii wa, ba kpo kwaa ɛ saraha tɛo, dɛ baɡɔ nyoa ŋɔ baa tomɔɔ.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Sitɔɔla 20:26

Asɛ Israel tena la bwa la Bɛtel dɛ ka so Korowii sie dɛ wi noo ja. Ba vɔwɛ nyoa awola tɔpere le chɔɔ ka tel jɔmɔra. Ba fuh kwaa ɛ saraha ne deŋnesɔɔhna saraha tɛ Korowii.

1 Samoɛl 7:6

Ba bwa aa baa cheme Mispa la, ba dɔ nee dɛ fuɡe ta Korowii sie a baɡle wechɔɡa baa ɛa la saraha. Ba vɔwɛ nyoa tɔpebir la bwa, dɛ ŋɔ, “Ya ɛ wechɔɡa dɛ jo Korowii nɛ.” Mispa belaa Samoɛl do dɛ tɔ ba sie, dɛ bol bane ba bala waa dɛɛ tɛɛ ba.