2 Webena 20:26 - mzwDBL

²⁶ Tɔpenaarɛ wee la, ba kaa cheme Bɛraka Fɛlembɔjen ta ɡo yela, dɛ kpɛɛ Korowii a wa. A waa baa yerɔ Bɛraka Felembɔjen ba le fini la.

2 Webena 20:26 ပူးပေါင်းရင်းမြစ်များ

Mumpar 28:19

Dɛ pa bela sɔn Bɛtel. Wubwa la dɛ o sɔne Lus.

Mumpar 32:20

Hé berɛ ɡel ó jemɛ kɛŋɔ o bonɔɔ Jekɔb ɡe lɔ habɔɔ dɛɛ ba. Dɛ ń tɔ sie, dɛ́ kpɔ koŋkɛɛla nɔ ba tɛɛ, ásɛ mɔɔ o tel he be. Ásɛ dɛ he nao waa, he ken ɛɛ kpɔɔ kɛɔ.”

2 Samoɛl 22:1

Kooro Devid ɡo yel kpɛɛ Korowii ɡɛ saŋ waa lɛo le Kooro Sɔɔl ne o dɔma bwa nɔn ta.

1 Webena 12:3

Ba sitɔɔla sɔne Ahiesa ne Joas, ba mɛɛ Sɛmaa, o le Gebea. Laa tena baa jaa la ɡee, Asmavɛt bibaala Jesial ne Pɛlɛt, ne Bɛraka dɛ Jehu waa le Anatɔt,

2 Webena 20:25

Ate, Kooro Jehosafat ne o laa tena la ka pa ba laala kɛŋɔ laa ta kwa. Ba na nae ne dɔmkwa dɛ suuɡaswɛm koŋkwaare a yoɡ aa kpeɡa warɛ taeh. Tɔpera atoroo ba won kpɔ boa a bwa nyoa, kɛ ba ta wone kpɔ a bwa, dɛkalkɛ dɛ a warɔ kɛrɛdɛ.

2 Webena 20:27

Ate, Kooro Jehosafat tɔ o laa tena sie, asɛ ba berɛ ba Jerusalam silɛɛ ne, dɛkalkɛ Korowii ɡelɔ ba pɔ ba dɔma nɛ.

2 Webena 5:9

Daa aa suuɡi o ta la jaŋne nomanta, dɛ nɛn cheɡɛ Korowii Dea la bini, Boɡoroŋ Tenten bela aa, o dɛ naa. Haa won che bobɛlbwa ɡe dɛ naa, a ta lɔ bela ba le fini.

Kaala 17:15

Mosis ɛ kon waa ɛ saraha o ta dɛɛ tɛ Korowii bela, dɛ pa o sɔn ŋɔ, “Korowiirii yoa dɛɛ tɛ mɛ.”

Aesaya 62:4

Baa hen ‘Bwɛɛ baa ɡelo’, kɛɛ he harɛ ‘Dimɡbia’ yerɛ kpa. Sɔnfale baa dɛ ba he yera laanee ‘Hɛpseba’ dɛɛ yerɛ he harɛ ɡe ‘Biula’ dɛkalkɛŋɔ Korowii sie lɛ he nɛ, ásɛ o do kɛŋɔ jaa tɛ he harɛ.

Amanesoma Luk Aa Chwera Tɔn 1:68

“Hé ɡel ya kpɛɛ Korowii Israel tena aa dɛ tomɔ, dɛkalkɛŋɔ o cha o nɛra dɛ lɛ yaa le wahala ta.

We-ɛɛla 1:19

Jerusalam tena bwa no o seo la wa. Anomanta, ba pa a ɡɛ harɛ la sɔn ba wobol ta Akɛldama. O munii Chal Harɛ.

1 Samoɛl 7:12

Ate, Samoɛl kpɔ bwe bɛl pa Mispa ne Sɛn baah ta. Dɛ pa o sɔn Ɛbɛneesa dɛ ŋɔ, “Bonɔɔ Korowii cha yaa ya ba tel.”