2 Webena 20:24 - mzwDBL

²⁴ Juda laa tena la baa tel bobɛl o sie aa chaɡɛ pua hɛŋle ɡbo harɛ la ta, asɛ dɛ ha sie nyiŋi, dɛ na kɛŋɔ laa tena damanta la bwa serewɔ chɔ. Beŋkpoŋ kwaraa ta kae.

2 Webena 20:24 ပူးပေါင်းရင်းမြစ်များ

2 Koranar 19:35

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ dɛ ba na ɡɛ nɛra la aa serewa chɔ bobɛlbwa.

1 Webena 5:22

asɛ dɛ kpoo nɛra baa wara keri ne, dɛkalkɛ dɛ Korowiirii yoa dɛɛ tɛɛ ba. Ate, ba so harɛ la ta ka tel kɛŋɔ baa laɡ ba kaa harɛfale ta.

2 Webena 20:23

Amɔn ne Moab laa tena pɛo, dɛ yo Edom laa tena dɛ kpoo ba bwa kwaraa. Baa kpoo ba tonɛ la, ba berɛ sie dɔŋa be dɛɛ kpoo dɔŋa, ka tel kɛŋɔ ba bwa aa tona.

2 Webena 20:25

Ate, Kooro Jehosafat ne o laa tena la ka pa ba laala kɛŋɔ laa ta kwa. Ba na nae ne dɔmkwa dɛ suuɡaswɛm koŋkwaare a yoɡ aa kpeɡa warɛ taeh. Tɔpera atoroo ba won kpɔ boa a bwa nyoa, kɛ ba ta wone kpɔ a bwa, dɛkalkɛ dɛ a warɔ kɛrɛdɛ.

Ɛsra 9:14

Yaa wono teŋɛ dɛɛ koni waa haa dɛ do yaa a ta, ya ne nɛra baa dɛ ɛ waa baa kia nɔ kaa mo dɔŋa bihaahna, kɛɛ bihaahna kaa yalɛ ba bibaala aa? He baah aa ya nɛɛ di kohona he chɔɡ yaa, ya bini bɛlbwa aa wola ka dɛ́ so le kpa aa?

Yela 110:6

Wɛɛ bol harɛre nɛra waa dɛ́ pa bole, ba serewe warɛ chɔ laa ta, dɛ́ kpoo harɛ nɔ ta koranar bwa.

Kaala 14:28

Nee la palɔ dɛ ba tɔ o laa tena la bwa nɛ. Kwaa aa do kɛŋɔ torɔɡo ne nɛra baa soɡe jaɡre ta dɛɛ ti Israel tena la bwa ka mpo la bini, beŋkpoŋ kwaraa ta kae.

Kaala 14:30

Kenii Korowii lɛ Israel tena le Ijipt tena nɔn ta awola tɔpere, asɛ Israel tena na ba kɛ baa serewa dɛ chɔ Mpo la nyoa.

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Jeremia 33:5

Ba ne Babelɔn tena ɛɛ yo laalee, ásɛ ba deene su nɛra n baah aa dia n kpoo ba la. Nɛra baa lɔ bwɛjen nɔ ta wechɔɡa nomanta, n berɛ n habɔɔ kpo ba.