2 Webena 20:23 - mzwDBL

²³ Amɔn ne Moab laa tena pɛo, dɛ yo Edom laa tena dɛ kpoo ba bwa kwaraa. Baa kpoo ba tonɛ la, ba berɛ sie dɔŋa be dɛɛ kpoo dɔŋa, ka tel kɛŋɔ ba bwa aa tona.

2 Webena 20:23 ပူးပေါင်းရင်းမြစ်များ

Mumpar 14:6

Ba yo nɛra bane ɡe baa dɛ yer ba Hɔr tena baa lɔ deŋɡarere harɛ Sɛɛ ta, dɛ kpɔ ka le bwɛɛ Ɛlparan waa bɛne pua hɛŋle ɡbo harɛ bɛl ta, dɛ pɔ ba nɛ.

2 Webena 20:24

Juda laa tena la baa tel bobɛl o sie aa chaɡɛ pua hɛŋle ɡbo harɛ la ta, asɛ dɛ ha sie nyiŋi, dɛ na kɛŋɔ laa tena damanta la bwa serewɔ chɔ. Beŋkpoŋ kwaraa ta kae.

2 Webena 21:8

Kooro Jehoram aa di kora saŋee Edom harɛ tena pere ba te le Juda tena nɛ, dɛ ka chiɡ ba kooro.

Aesaya 19:2

Korowii ŋɔ, “Mɛɛ kpɔ naɡraa ta Ijipt tena nɛ ba ɡbo yo dɔŋa, dɔɔ ne nime yo, chamena ne o chamenate yo, bwɛjen ne o bwɛjen dɔŋ yo, ásɛ koranar ɡe yo dɔŋa.

Ɛsekeɛl 38:21

Wenaale bɛlbwa soo siwii mɛɛ ba kpɔe ba ta nomonjen Gɔɡ nɛ. Ba bini bɛlbwa ɛɛ berɛ o keree ba o dɔŋ nɛɛ dɛ́ kpoo. Men Nemenɛ Korowiirii bola.

Haɡae 2:22

Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

Mmarare 2:5

He bɛ yoi kpɔ puu ba, maa ɡel he dɔ ba harɛ la naɡale del ɡba. N dɔɔ kpɔ bela tɛ Esɔ naanar.

Josua 24:4

asɛ Aesek lolɛ Jekɔb ne Esɔ. N kpɔ Edom deŋɡarere harɛ tɛ Esɔ, asɛ Jekɔb te ne o bibaala kaa Ijipt harɛ ta.

Sitɔɔla 7:22

Nɛra lafraatoro la aa hoh ba bɛle la, Korowii ɡelɔ Midian tena baa lɔ ba sobɔr la bwa la ɡbaɡba ɛɛ kpoo dɔŋa. Asɛ ba bini laa tena baa kaa la chwa kpɔ sie chaɡɛ Sɛrɛra dɛ kaa Bɛt Sita dɛ kpoŋe kaa Ebel Mehola jwɛh waa bɛne Tabat la ta.

1 Samoɛl 14:20

Ate, Kooro Sɔɔl ne o laa tena la bwa cheme, dɛ kaa laa la ta. Ba kaa pu Filisti tena la kɛŋɔ ba wilo kohona, dɛ berɛ sie ta dɔŋa nɛɛ dɛɛ kpoo.