2 Webena 20:22 - mzwDBL

²² Baa pa mun dɛɛ ɡo yela la, Korowii ɡelɔ Amɔn ne Moab, dɛ Edom laa tena baa dɛ ba ba lɔ tɔ Juda tena nɛɛ dɛ́ yoo ba la wili.

2 Webena 20:22 ပူးပေါင်းရင်းမြစ်များ

2 Samoɛl 22:4

N wio dɛɛ yerɛ Korowii waa chɛ kpɛɛra kohona, on lɛɛ mɛ le n dɔma nɔn ta.

2 Koranar 6:17

Belaa Elaesa soŋe Korowii ŋɔ, “N Naa Korowii, pili o sie ó won dɛɛ na.” Asɛ Korowii ɡel bonɔɔ la sie pili, o na kɛŋɔ jaɡre ne kwaa aa do kɛ torɔɡore, ne niirare su deŋɡarere la ta dɛ bar Elaesa.

2 Webena 13:13

Dɛ Kooro Jɛroboam ɡelɔ o laa tena la bane bar Juda laa tena la dɛ do habɔɔ, asɛ ba bini bane ɡe do ba sie.

2 Webena 13:15

asɛ Juda laa tena la do laa lɔŋɔ, asɛ Kooro Abija tɔ ba sie ba ka yoo ba. Korowii ɡelɔ ba pɔ Kooro Jɛroboam ne Israel tena nɛ.

2 Webena 20:10

Taraken, Amɔn ne Moab ne Edom tena balɔ dɛ́ ba yo yaa. Ya naawa fa aa le Ijipt harɛ ta dɛɛ ba la, he ta ɡelɛ ba jo ɡɛ harɛre la ta. Ba valɔ dɛ bar ba, dɛ ɡel ba kpoora.

2 Webena 21:8

Kooro Jehoram aa di kora saŋee Edom harɛ tena pere ba te le Juda tena nɛ, dɛ ka chiɡ ba kooro.

2 Webena 5:13

Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

Yela 18:4

Seo vɔɡ mɛ bil, asɛ nehɛma aa kpeɡa lɔ dɛɛ kpɔ n nɛ.

Aesaya 19:2

Korowii ŋɔ, “Mɛɛ kpɔ naɡraa ta Ijipt tena nɛ ba ɡbo yo dɔŋa, dɔɔ ne nime yo, chamena ne o chamenate yo, bwɛjen ne o bwɛjen dɔŋ yo, ásɛ koranar ɡe yo dɔŋa.

Ɛsekeɛl 38:21

Wenaale bɛlbwa soo siwii mɛɛ ba kpɔe ba ta nomonjen Gɔɡ nɛ. Ba bini bɛlbwa ɛɛ berɛ o keree ba o dɔŋ nɛɛ dɛ́ kpoo. Men Nemenɛ Korowiirii bola.

Josua 6:16

Baa bara kera anuanɛ ta la, sɔfore la hoh ba bɛle la, asɛ Josua ŋɔ nɛra la be ŋɔ, “Hé do lɔŋɔre! Korowii kpɔ bwɛjen nɔ do he nɔn ta!

Sitɔɔla 7:22

Nɛra lafraatoro la aa hoh ba bɛle la, Korowii ɡelɔ Midian tena baa lɔ ba sobɔr la bwa la ɡbaɡba ɛɛ kpoo dɔŋa. Asɛ ba bini laa tena baa kaa la chwa kpɔ sie chaɡɛ Sɛrɛra dɛ kaa Bɛt Sita dɛ kpoŋe kaa Ebel Mehola jwɛh waa bɛne Tabat la ta.

1 Samoɛl 14:16

Kooro Sɔɔl laa tena baa dɛ daahno dɛ do Bɛnjamen harɛ ta Gebea la na Filisti tena kɛŋɔ baa wila, dɛ chwa sibeɡra ne bobɛlbwa dɛɛ kaa.

1 Samoɛl 14:20

Ate, Kooro Sɔɔl ne o laa tena la bwa cheme, dɛ kaa laa la ta. Ba kaa pu Filisti tena la kɛŋɔ ba wilo kohona, dɛ berɛ sie ta dɔŋa nɛɛ dɛɛ kpoo.