2 Webena 20:21 - mzwDBL

²¹ Kooro ne nɛra la bane bol wa, asɛ o le yelɡoola bane ŋɔ bá ɡo yela kpɛɛ Korowii, o ɡoroŋ waa doa dɛ do kan kohona la wa, asɛ ba tɔ laa tena la sie dɛɛ ɡo yela ŋɔ, “Hé kpɛɛ Korowii o nyina waa dɛ nyin yaa lole saŋ bɛlbwa dɛɛ la.”

2 Webena 20:21 ပူးပေါင်းရင်းမြစ်များ

1 Webena 16:29

Hé kpɛɛ Korowii Waa Do Goroŋ, dɛ́ kpɔ jirima aa chɛ o sɔn la tɛo. Hé kpɔ saraha kwaa ba tɛo o Dea. Hé kpɔ jirima tɛ Korowii Waa Do Goroŋ la.

1 Webena 16:34

Hé kpɛɛ Korowii! Hé kpɔ jam tɛ Korowii dɛkalkɛ o wer, o nyina waa dɛ nyin yaa ta jaɡa dɔe.

1 Webena 16:41

Nɛra baa ja ba nɛɛ laanee, Heman ne Jedutun, dɛ banɔ la bwa baa lee ba cheɡ ŋɔ bá ɡo yela dɛɛ jam Korowii, dɛkalkɛ o nyina lole saŋ bɛlbwa dɛɛ la.

2 Webena 30:21

Israel tena aa baa cheme Jerusalam la, ba di Paanoo Iisi Aa Wola Toole a ta Tɔpejen la silɛɛ kohona ne, tɔpera anuanɛ. Asɛ Lewi dea tena ne sɔfore ɡe kpɔ kwaa bwa soo siwi baa kpɔa dɛɛ hɛlɛ lɔ yela, dɛɛ kpɛɛ Korowii kohona tɔpere bɛlbwa, bokpeɡa bwa ne.

2 Webena 5:13

Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

2 Webena 7:3

Israel tena la bwa aa na nii la ne Korowii jirima la, ba ɡuŋo, dɛ kpɔ sie pi harɛ bobɛl baa mao bwea ne o ir nyundua, dɛɛ kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.”

2 Webena 7:6

Baa taa kpɔ Dea la dɛɛ do Korowii nɔn ta la, sɔfore kaa che ba chebɔr, Lewi dea tena ka che ba chebɔr, dɛ kpɔ kwaa baa kpɔa dɛɛ hɛlɛ Kooro Devid aa kpɔa tɛ la, dɛ ɡo kpɛɛra yela dɛɛ kpɛɛ Korowii ŋɔ, “O nyina waa dɛ nyin yaa lole saŋ bɛlbwa dɛɛ la.” Gɛ Kooro Devid aa do ba la. Sɔfore la sie chaɡɛ Lewi dea tena dɛɛ hoh bɛle, asɛ nɛra la kabora ɡe che.

Nehemia 12:27

Baa dɛ ba bwɛjen Jerusalam danjwɛɛ baa maa baro kpɔe dɛ́ do Korowii nɔn ta la, ba yerɛ Lewi dea tena le bobɛlbwa baa soɡa ba. Asɛ ba ba ja, dɛ ɡo jam yela, dɛ kpɔ kwaa bwa soo siwi baa kpɔa dɛɛ hɛlɛ lɔ yela lɛ ba sie.

Yela 106:1

Hé kpɛɛ Korowii! Hé kpɔ jam tɛ Korowii dɛkalkɛ o wer, o nyina waa dɛ nyin yaa ta jaɡa dɔe.

Yela 107:1

Hé kpɔ jam tɛ Korowii, dɛkalkɛ o waa wer, o nyina waa dɛ nyin yaa lole saŋ bɛlbwa dɛɛ la.

Yela 18:4

Seo vɔɡ mɛ bil, asɛ nehɛma aa kpeɡa lɔ dɛɛ kpɔ n nɛ.

Yela 29:2

Hé baɡle kɛŋɔ o sɔn la dɔ jirima kohona, hé tomɛ Korowii Waa Do Goroŋ, dɛ dɔ jirima kohona la.

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

Yela 90:17

N Naa Korowii yaa dɛ tomɛ, swee yaa andɛɛɡa. Gel ya wobɛlbwa do wer tɛ yaa kɛrɛdɛ!

Yela 96:9

Hé kpɔ jirima tɛ Korowii Waa Do Goroŋ la. Harɛ nɔ ta nɛra bwa, hé ɔmɔ!

Sɛɡla 11:14

Dɛ wejerema toole dɛ nyiŋi harɛ bɛl ta naa, o dɛ paɡre. Bela nomondɛɛɡa aa lole la, deŋnesɔɔhna lɔ bela.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”