2 Webena 20:20 - mzwDBL

²⁰ Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

2 Webena 20:20 ပူးပေါင်းရင်းမြစ်များ

Amanesoma Jɔn Aa Chwera Tɔn 14:1

Yeesu berɔ ŋɔ, “He bɛ ɡel he bambile chɔɡ! Hɛ́ɛ yarada Korowii ásɛ dɛɛ yarada n ɡe.

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

Amanesoma Jɔn Aa Chwera Tɔn 11:40

Anee Yeesu ŋɔ o be ŋɔ, “N ta ŋɔe ŋɔ dɛ he yarada mɛ naa, hɛɛ na ɡɛ Korowii aa dɔ jirimaa yaa?”

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Amanesoma Luk Aa Chwera Tɔn 16:31

Anee Abraham ŋɔ, ‘Dɛ baa tɔne Mosis ne Korowii keamere la aa chwera la waa no aa, nomɛl iro le seo ta dɛ la ba be kwara noo, baa no.’ ”

Amanesoma Jɔn Aa Chwera Tɔn 13:20

Kasinteŋ, n dɛ ŋɔ he be, nomɛlbwa maa tomɔ ásɛ he lɛo la, dɛ menee he lɛ. Gɛɛ nomɛlbwa waa lɛɛ mɛ la ɡe, dɛ naate waa tom mɛ laanee o lɛ.”

Aesaya 26:3

N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.

Kaala 14:31

Israel tena aa na Korowii kpeɡri kohona waa kpɔa chɔɡ Ijipt tena la, ba ɔmɔ asɛ dɛ yarada Korowii ne o bonɔɔ Mosis.

Aesaya 7:9

Israel harɛ ta bwɛjen laa Samaria aa? Kooro Pɛka ɡee bwɛɛ la nyu te. Onee umeo? Dɛ he ta yarada dɔe dɛ che kiŋkiŋ naa, haa won che kɛrɛdɛ kpa.”

Jeremia 6:1

Bɛnjamen dea tena, hé chwa le Jerusalam dɛ́ dɔ he nyu. Hé hoh bɛla la Tekoa, ásɛ dɛ choŋi nii Bɛt Hakerem ɡe, á baɡle kɛ siswɛm balɔ. Wekpeɡa ne harɛchɔɡ le weekaŋle nyunduabɔr dɛɛ ba.

2 Samoɛl 14:2

Anomanta, o ɡelɔ ba ka kpɔ haah bɛl waa jemɛ waa kohona le Tekoa ba. Haah la aa bala la, o ŋɔ o be ŋɔ, “Saah ɛ he te kɛŋɔ haa lɔ lwe ta ken. Li he lweyal dɛ bɛ toli di. Ɛ he te kɛŋɔ haah waa lɔ lwe ta biɡri.

2 Webena 11:6

Bɛtlɛham ne Etam dɛ Tekoa,

1 Webena 4:5

Asur waa vɔrɔwe Tekoa la mo haahna banɛ. Banee, Hela ne Naara.

2 Webena 20:19

Ate, Lewi dea tena bane baa le Kohat ne Kora deene ta la ir che, dɛ kpɛɛ Korowii Israel tena aa dɛ tomɔ takpeɡ ne.

Jeremia 38:20

Anee men Jeremia chaŋe ŋɔ, “Baa he lee ba dɛ tɛɛ ba. He te ɛɛ teŋɛ waa Korowii aa bola la ta, ásɛ wobɛlbwa kaa kɛrɛdɛ tɛɛ, he dɔ he nyu.

Daneɛl 6:23

Kooro sie lɛo kohona, o ŋɔ bá ka lawɛ Daneɛl le bɔɔ la bini. Asɛ ba la ka lawɔ le bɔɔ la bini, dɛ komɛlbwa ta o bobɛlbwa ɛɛ, dɛkalkɛ o yarada Korowii waa dɛ tomɔ.

Yela 125:1

Nɛra baa kpɔ ba te dawɛ Korowii nɛɛ la do kɛŋɔ Saayɔn Bwejen. Baa yiiɡi bwa, dɛ che kiŋkiŋ saŋ bɛlbwa dɛɛ la.

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.