2 Webena 20:17 - mzwDBL

¹⁷ He laa dɛɛ ba laa nɔ yoi. Hé te ka che he chebɔra dɛɛ kpa. Hé che kiŋkiŋ, ásɛ dɛ na ɡɛ Korowii aa yo tɛ heya, dɛ́ ɡel he pɔ ba nɛ. Juda ne Jerusalam tena, he bɛ ɔmɛ, he bɛ ɡel he bwara yɔr, hé te le ka puu ba kere, dɛ́ na ɡɛ Korowii aa ja he nɛ.’ ”

2 Webena 20:17 ပူးပေါင်းရင်းမြစ်များ

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

2 Webena 32:8

Nɛwɛnyini kpeɡrii ba dɔ, kɛ ya te, Korowii yaa dɛ tomɔ laanee dɛ́ cha yaa, dɛ́ yo tɛ yaa.” Ate, nɛra la dɔ hwɛɡa dɛ le waa Juda Kooro Hɛsɛkea aa bola la ta.

Wiile 3:26

anomanta, a wer kɛŋɔ nɛn lawɛ bambile dɛɛ kpa lɛɛ waa ba lɛ nɛra la.

Nɛra Kura 14:9

He bɛ ɡaeh lɛ Korowii nɛɛ dɛ vɛoh. He bɛ harɛ la ta nɛra ɡe ɔmɛ. Yaa wono pɔ ba nɛ, kwaa baa kpɔ ba te dawɛ a ta la toole kpa. Korowii teŋɛ ya nɛ, he bɛ ban ɔmɛ.”

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Aesaya 30:15

Waa Nemenɛ Korowii, Israel Nɛŋɡoroŋ aa bol nɛra la bee nɔ. “Hé berɛ ba n be, dɛ́ kpɔ he hwɛɡa dawɛ n nɛ, ásɛ n lɛ heya, dɛ́ kpɔ nɔn tɔ he nɛ. Kɛ he vɛoh, he ta balɛ.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Emɔs 5:14

Hé nyin wedɛɛɡa, dɛ́ ɡel wechɔɡa ɛɛ, ásɛ dɛ dɔ he nyu. Anee dɛ́ ɡel Korowii Waa Ɛ Kpeɡri Bwa Dɔɔ ja he nɛ, ɡɛ haa bol o waa la.

2 Timoti 4:22

Yá Dɔɔ ja he nɛ. Ń Naa Korowii sune he nɛ dɛ́ cha he bwa sekwaraa.

Aesaya 30:7

Chae bɛlbwa toole Ijipt harɛ ta, a ɛ wepuu. A waa mɛɛ yerɔ Harɛkpeɡ Waa Wola Kpeɡri Dɔe.”

Kaala 14:25

O ɡelɔ kwaa aa do kɛŋɔ torɔɡore la nakpale chɔɡ a tɛɡra do kpeɡri. Asɛ Ijipt tena la ŋɔ, “Hé ɡel ya ɡel Israel tena nɔ nɛɛ teŋa oo! Korowiirii cha ba dɛɛ yo yaa la.”

2 Webena 20:16

Hé ir ka yoo ba kere, ɡɛ saŋ baa teeh kpɔ ŋwɛnɛ bɛl waa chɔa kaa Sis dɛɛ ba la. Hɛɛ ka chem ba fɛlembɔjen la nyoa Jeruel waa lɔ pua hɛŋle ɡbo harɛ la bɔr.

Kaala 6:1

Belaa Korowii ŋɔ Mosis be ŋɔ, “Taraken n dɛ ba ɡela he jemɛ waa maa dɛ ba kpɔe ɛ Ijipt kooro la. Aa che n kpeɡri taa ó tɛ n nɛra la ŋwɛnɛ bá kaa. Hale dɛ́ ɡel ó doŋ ba le o harɛ ta.”

Mmarare 3:22

He bɛ ban ɔmɛ, Korowii haa dɛ tomɔ nɔ ɡbaɡba ɛɛ yoo tɛ heya.’

Sitɔɔla 7:21

Gedeɔn nɛra la cheɡɔ kiŋkiŋ bar Midian tena sobɔr la, asɛ Midian tena la ɛɛ dooɡe lɔŋɔre dɛɛ chwa.

1 Samoɛl 17:47

Nɛra baa cheme bonɔ bwa ɛɛ jemɔɔ kɛŋɔ kere kɛɛ lampea ne laa Korowii ɛɛ lɛ nɛn, yoi la ɛ Korowii kon, wɛɛ kpɔ he bwaa do ya nɔn ta.”

1 Koranar 20:13

Anɔ bwa la, dɛ Korowii keame bɛl ba Israel Kooro Ahab be dɛ ba ŋɔ o be ŋɔ, “Korowii ŋɔ kɛ he na laa tena baa wara nɔ kenɛ? Mɛɛ kpɔ baa do he nɔn taa fini, ásɛ he jemɛ kɛŋɔ menee Korowii.”

2 Webena 32:7

“Hé che kiŋkiŋ, hé dɔ bambile. He bɛ ɔmɛ, he bɛ ɡel he bwara yɔr Asiiria koojen ne o laa tena baa wara kohona nɔ wa. Kpeɡri waa ja ya nɛɛ la ɡwaa kpeɡri waa ja ba nɛ.

Aesaya 37:6

anee o ŋɔ ba be ŋɔ, “Hé ka ɡel he dɔɔ no kɛŋɔ Korowii ŋɔ, ‘Bɛ Asiiria koojen waa la ɔmɛ kɛŋɔ maa won lɛ heya.