2 Webena 20:11 - mzwDBL

¹¹ Na waa taraken baa kpɔa dɛɛ ba ba bɔ yaa kem kɛŋɔ, bá doŋi yaa le harɛ haa kpɔa tɛ yaa o ɛ ya kapɛrɛ kon la ta.

2 Webena 20:11 ပူးပေါင်းရင်းမြစ်များ

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Mumpar 44:4

Baa dɛ kaa baa wola bobɛlbwa tele mɔɔ la, Josef ŋɔ bonɔɔ waa dɛ nyiŋi dem bela la be ŋɔ, “Ɛ warane dɛ́ ti baala la. He kaa puu ba aa, hé bɔɔ ba ŋɔ, ‘Ɛrɛɛ he kpɔ wechɔɡa bɔ wedɛɛɡa kem nɔɔ?

2 Webena 20:12

Henee Korowii yaa dɛ tomɛ. Tɛr ba deŋne, dɛkalkɛ ya ta kpeɡri dɔe dɛ́ won che laa tena baa wara dɛɛ ba ya nɛɛ nɔ sie. Yaa jemɛ ɡɛ yaa ɛ, he siwi taa yaa nyiŋi.”

Yela 35:12

Wechɔɡaa ba kpɔ dɛɛ bɔ mɛ wedɛɛɡa kem, a ɡel n sie aa lɛ, n bambile chɔɡ.

Yela 7:4

dɛ n ɛ nɛn n ne waa soma wechɔɡa, kɛɛ dɛ ɛ nɛn waa cheɡɛ n nɛɛ wechɔɡa pɛɛpɛɛ aa,

Sɛɡla 17:13

He kpɔ wechɔɡa dɛɛ bɔ wedɛɛɡa kem aa, wechɔɡa aa he demii paŋɛ bwa.

Jeremia 18:20

A chɛ kɛ bá kpɔ wechɔɡa bɔ wedɛɛɡa kem aa? Kɛ ba kwi nafuɡe dɛɛ nyin mɛ dɛ́ lawɛ. Lii kɛŋɔ n fa cheɡɛ he sie, dɛ bol ba waa tɛɛ ba ŋɔ, hé laa he bandia kpɔ ba nɛ.

Emɔs 1:11

Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.

Mmarare 4:38

O doŋi nɛra le ba harɛre ta, banɔ la baa kana dɛ do kpeɡri ɡwaa heya, dɛ kpɔ tɛ heyaa kɛŋɔ kapɛrɛ kwa, ɡɛ aa doa fini nɔ.

Josua 1:6

Kɛ che kiŋkiŋ, dɔ bambile, henee dɛɛ ba Israel tena sie tɔe ba ka so harɛ maa kpɔa baɡɛ ba naawa nyoa la ta.