2 Webena 20:1 - mzwDBL

¹ A habɔɔ la, Moab ne Amɔn dɛ Meuni tena vɔrɔwe laa, dɛ́ ba yo Juda Kooro Jehosafat ne o nɛra.

2 Webena 20:1 ပူးပေါင်းရင်းမြစ်များ

1 Webena 4:41

Baala baa chwerɛ ba sɔna la balɔ Juda Kooro Hɛsɛkea bere saŋ. Ba kaa yo Ham tena la ba soŋnibɔra, ne Meuni tena ba ɡe aa lɔ bela, dɛ chɔɡ ba kwaraa. A ɛ danseɛ dɛ ba le fini. Ba kpɔ ba soŋnibɔra la so, dɛkalkɛ ba peera dɔ kondikwaa kohona dɛ́ di bela.

2 Webena 14:8

Dɛ Kooro Asa dɔ laa tena kaɡboŋa lafraatoro Juda dea ba kpoŋe kwaa baa kpɔa dɛɛ tɔ ɡbemɡbe laa ta anjena ne lampeare. Dɛ berɛ dɔ laa tena kaɡboŋa lafraanɛ fifraanuatoro baa kpoŋe kwaa baa kpɔa dɛɛ tɔ ɡbemɡbe anjeɡre laa ta, ne tori le Bɛnjamen dea. Dɛ ba bwa ɛ banyoola kɛrɛdɛ!

2 Webena 19:11

Sɔfonomoa Amariaa dɛɛ ba he sie tɔe Korowii waa bwa ta, ásɛ Ismael bibaa Sebadia waa ɛ Juda dea nomoa la chɔ waa aa ɛ kooro waa nyoa, ásɛ Lewi dea tena la ɡe ɛɛ cha heya. Hé ɛa bambile bwa ne, Korowiirii dɛ ja banɔ la baa ɛa kɛrɛdɛ la nɛ.”

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

2 Webena 19:5

O le nɛra baa bol waa dɛɛ pa bole bwɛjen bɛlbwa baa ma danjwɛkpeɡ baro Juda harɛ ta,

2 Webena 20:10

Taraken, Amɔn ne Moab ne Edom tena balɔ dɛ́ ba yo yaa. Ya naawa fa aa le Ijipt harɛ ta dɛɛ ba la, he ta ɡelɛ ba jo ɡɛ harɛre la ta. Ba valɔ dɛ bar ba, dɛ ɡel ba kpoora.

2 Webena 26:7

Korowii chao o pɔ Filisti tena ne Arab tena baa soɡe Gur Baal, dɛ Meuni tena nɛ.

2 Webena 32:1

Waa Kooro Hɛsɛkea aa ɛa kasinteŋ ne la bwa habɔɔ, Asiiria koojen Senakerib kpɔ o laa tena ba lɔ tɔ Juda harɛ nɛra nɛ. O ɡelɔ o laa tena chɔ bar bwɛjena baa ma danjwɛkpeɡa bara bwa, dɛɛ lii kɛŋɔ wɛɛ won yoo ba dɛ́ pɔ ba nɛ.

Aesaya 16:6

Ya no ɡɛ Moab tena aa dɛ ɛ mbarafo, ɡɛ baa dɛ ɡɔɔ ba te dɛɛ baɡle ba te. Ba dɛ ɛ sikpeɡ dɛɛ maŋkura ba te, kɛ a ɛ wepuu.

Aesaya 7:1

A ɡɛ saŋ, laa chole Juda Kooro Ahas ne koranar banɛ bane baah ta. Koranar la bɛlee Siiria Kooro Resin, bɛl ɡee Israel Kooro Pɛka, o mɛɛ sɔne Remalia. Kooro Ahas ɡe mɛɛ sɔne Jotam, o nabaa ɡee Ussia. Kooro Resin ne Pɛka kpɔ ba laa tena ba Jerusalam dɛ ba yoo ba, kɛ ba ta wone pɔ ba nɛ.

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.

Jeremia 49:1

Gɛ Korowii aa bol Amɔn tena waa laanee nɔ. “Baala toole Israel harɛ ta kpa, dɛ́ kpɔ harɛ la ɛ ba kapɛrɛ kon kɛɛ? Ɛrɛɛ nɛra baa dɛ tomɛ voɡ Molɛk berɛ ba lɛ Gad dea harɛ dɛ so o ta nɔɔ?

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.