2 Webena 2:3 - mzwDBL

³ Kooro Solomɔn kpɔ kala tɛ Taaya Kooro Hiram ŋɔ, “Tɛ mɛ peleme daa ɡɛ haa tɛ n mɛɛ Kooro Devid o do koodem la.

2 Webena 2:3 ပူးပေါင်းရင်းမြစ်များ

2 Samoɛl 5:11

Bwɛjen Taaya Kooro Hiram tomɛ nɛra Kooro Devid be ba kpɔ peleme daa ne kapenta tena, dɛ nɛra baa dɔ bwea kpɔe dɛ́ ma dea wejema, bá ma koodem tɛ Kooro Devid.

1 Webena 14:1

Bwɛjen Taaya Kooro Hiram tomɛ nɛra Kooro Devid be ba kpɔ peleme daa ne kapenta tena, dɛ nɛra baa dɔ bwea kpɔe dɛ́ ma dea wejema, bá ma koodem tɛ Kooro Devid.

2 Webena 13:11

Chɔɔ ne jɔmɔra bwaa ba kpɔ saraha kwaa ba baa fuh, dɛ fuh daawiile a sɔɔh aa soma dɛɛ tɛ Korowii. Ba kpɔ paanoo dɛɛ dawɛ teebur waa do ɡoroŋ doŋa bɛlbwa aa wola toole o ta, dɛ choŋi kandere aa lɔ kandea daa baa kpɔ suuɡaswɛm ɛo jɔmɔra bɛlbwa. Ya dɛ ɛ waa Korowii yaa dɛ tomɔ la aa do yaa, kɛ he te vɛoh.

2 Webena 24:14

Tom-ɛɛra la aa tona la, ba kpɔ suuɡaswɛm ne suuɡapoŋa la kar tɛ kooro ne sɔfo Jehoiada, asɛ ba kpɔ kwaa loɡbaala ne konjeɡre bwa soo siwi baa hiah cheɡ Korowii Dea la bini. Sɔfo Jehoiada bere saŋ, nɛra kpɔ saraha kwaa baa fuah dɛɛ ba Korowii Dea bela saŋ bɛlbwa.

2 Webena 4:19

Kooro Solomɔn berɔ kpɔ suuɡaswɛm ɛ Korowii Dea la bini laala. Anee, suuɡaswɛm kon baa dɛ ɛ saraha o ta, ne teeburre baa kpɔ paanoo baa bil o ta Korowii sie,

2 Webena 8:13

ɡɛ Mosis aa doa ŋɔ baa ɛ sarahare tɔpere bɛlbwa, Ona Tɔpera ne Korobifala Tɔpejena. Dɛ Tɔpejena atoro ane kɛŋɔ, Paanoo Iisi Aa Wola Toole A Ta Tɔpejen, ne Koo Kondikwaa Koma Tɔpejen, dɛ Kukure Tɔpejen dii ta la.

Ɛsra 6:3

Koojen Saeros aa di kora Pɛɛsea harɛ benanyoa beŋkpoŋ ta la, o do mmara Korowii Dea waa lɔ Jerusalam la waa ŋɔ, “Hé berɛ kwaa ma Korowii Dea la ó ɛ bɔr nɛra aa dɛɛ ɛ sarahare bela. Gel ba ma chɔŋɛ Dea la buɡ bene la ta. A chɛ kɛ o jaŋne dɛ́ kaa nyundua ɛ naɡale fifraanuanaarɛ, ásɛ o paɡri ɡe naɡale fifraanuanaarɛ.

Nehemia 10:34

Ya sɔfore ne Lewi dea tena ne nɛra la bwa ta bie, dɛ́ jemɛ dem bɛlbwa tena baa kpɔ damara ba Korowii yaa dɛ tomɔ Dea benanyoa bɛlbwa, bá kpɔ fuh sarahare kwaa la Korowii saraha kon la ta, ɡɛ baa chwera do Korowii Mmara Tɔn bini la.

Kaala 25:30

Kpɔ paanoo haa kpɔ baa tɛ mɛ la dɛɛ dawɛ teebur nɔ ta saŋ bɛlbwa.

Kaala 29:38

Kwaa haa lawɛ ba saraha kon la ta ba ɛ saraha tɛ mɛ tɔpere bɛlbwa laanee pebiiri anɛ, a bɛlbwa aa di benanyoa.

Kaala 29:39

Lawɛ beŋkpoŋ ɛ saraha tɛ mɛ chɔɔ, ásɛ wee aa baa jo la, he kpɔ bɛl la ɡe ɛ tɛ mɛ.

Kaala 29:41

Teŋe penɛɛte la ɡe baŋa ɛ saraha wee aa baa jo la, dɛ́ kpɔ mea saraha ne sen saraha dɛ ɔleve noo ja o ta ɡɛ tenten fuh ɛ saraha tɛ mɛ. A ɛ saraha baa fuh a bwa a sɔɔh ɛɛ do som n be.

Kaala 30:7

Arɔn chɛ kɛŋɔ ó fuh daawiile a sɔɔh aa soma o ta, chɔɔ bɛlbwa waa ba nyiŋi kandere la.

Lewi Dea Tena 23:2

“Anɔɔ ɛ n tɔpejena maa lea cheɡ a chɛ kɛŋɔ hé bwa cheme dɛ́ɛ tom mɛ a ta.

Lewi Dea Tena 9:17

O berɔ kpɔ mea saraha la ɡe ba, dɛ ɛ nɔndel dɛ pɛ fuah kon baa dɛ ɛ saraha o ta la ta, ane saraha kwaa baa dɛ fuah chɔɔ bɛlbwa la bwa.

Nɛra Kura 28:11

Korobie bɛlbwa tɔpeloɡle ta la, hé kpɔ nabali anɛ ne pebal dɛ pebali anuanɛ a bɛlbwa aa di benanyoa, aa wola kirihiah bɛlbwa dii ɛ saraha tɛ Korowii.

Nɛra Kura 28:9

Ona Tɔpere ta, hé kpɔ pebali anɛ bɛlbwa aa di benanyoa, aa wola kirihiah bɛlbwa dii, dɛ́ kpɔ men baa nama a kper kɛrɛdɛ kuruware anɛ koo ɔleve noo ta, á ɛ mea ne sen saraha.