2 Webena 2:16 - mzwDBL

¹⁶ Ásɛ ya teŋe daa haa dɛ nyin la bwa le Lɛbanɔn dɛ́ vɔrɔwa, ásɛ dɛ taɡa kpɔ mpo sie ba tɛɛ Jopa waa lɔ mpo nyoa, he ba kpɔ kaa Jerusalam.”

2 Webena 2:16 ပူးပေါင်းရင်းမြစ်များ

1 Webena 22:2

Anomanta, Kooro Devid ɡelɔ ba boa hɔɔhra baa lɔ Israel harɛ nyoa, asɛ o le ba bini bane baa dɛɛ peɡri bwea baa kpɔ ma Korowii Dea la.

2 Webena 30:25

Anomanta, Juda tena baa cheme bela sie lɛo kohona, ba ne sɔfore ne Lewi dea tena, dɛ Israel tena baa ba bela bwa, ne hɔɔhra baa le Israel ne Juda harɛre ta bwa.

2 Webena 8:7

Nɛra baa kaa dɛ le Hiti ne Amɔre, ne Pɛrɛs ne Hivi, dɛ Jebus tena bini, ba ta Israel tena ɛɛ la,

2 Webena 8:8

ba naanaree kaa Israel tena aa wola kpoorɛ, ɡɛ saŋ baa doŋi nɛra baa tɔ sie so bela la. Banee Kooro Solomɔn ɛɛ ba yoma baa ɛ tomkpeɡa Israel harɛ ta ba le fini.

Ɛsra 3:7

Ate, nɛra la tɛ suuɡa baa kpɔ bɔ tom-ɛɛra baa dɛ peɡri bwea ne kapenta tena, dɛ berɛ kpɔ kondikwaa ne sen dɛ ɔleve noo ŋɔ, bá kpɔ ka tɛ bwɛjena Sidon ne Taaya tena, ásɛ ba kpɔ ka charɛ peleme daa le Lɛbanɔn, ásɛ dɛ taɡa kpɔ mpo sie ba Jopa, ɡɛ Pɛɛsea Koojen Saeros aa bola la.

Jona 1:3

Anee Jona vɛh Korowii toma waa dɛ tomɔ Niniwe la, dɛ chwa dɛɛ kaa Taases. Anomanta, o la Jopa, bela stiimaere aa dɛ chuɡe, asɛ dɛ ka dɔ bɛl waa dɛ kaa Taases. O bɔ o suuɡa dɛ jo dɛ fe ɛɛ kaa Taases ásɛ Korowii bɛ on na.

Amanesoma Jɔn Aa Chwera Tɔn 1:3

O nɛɛ Korowii che dɛ ta komɛlbwa. Kontaale bɛlbwa toole waa wola o nɛɛ cheɡɛ dɛ tao.

We-ɛɛla 10:32

Tomɛ nomɛl Jopa baa bɛl baa dɛ yerɔ Seemɔn Pita la be ó ka yerɔ ba. O ɛ hɔɔh dɛ do ɡbansaba te bɛl waa soɡe mpo nyoa baa yerɔ Seemɔn la dem.’

We-ɛɛla 9:36

Dɛ haah bɛl lɔ Jopa dɛ ɛ asɔre te baa yerɔ Tabita. Grik tena ɡe dɛ yerɔ Dɔkas. Dɛ haah la dɛ ɛ wedɛɛɡa taeh dɛɛ cha nyaara.

We-ɛɛla 9:38

Dɛ Jopa ne Leda aa jaŋɛ, anomanta, asɔre tena baa lɔ Jopa la aa noa kɛŋɔ Pita lɔ Leda la, ba tomɛ baala banɛ o be dɛ ŋɔ bá ka ŋɔ o be ŋɔ ba dɛ soŋo kɛ ó ɡel wobɛlbwa dɛ́ ba ba be warane.

We-ɛɛla 9:42

A ɡɛ waa nɔ perɛ Jopa bwa, asɛ nɛra kɛrɛdɛ che a ta dɛ yarada Yeesu waa la.

We-ɛɛla 9:43

A habɔɔ la, Pita soɡe Jopa bela biɡri. Dɛ ɡbansabate bɛl baa dɛ yerɔ Seemɔn la deaa o do.

Josua 19:46

ne Me Jaakɔn ne Rakon, dɛ kpoŋe ka le Jopa harɛ ta bwa.

Josua 9:27

Le awola tɔpere la ba le fini, ɡɛɛ Gebeɔn tena ɛɛ teŋni daa, dɛ che nee dɛɛ tɛ Israel tena, dɛ kpɔ ane dɛɛ la saraha kon la ta bobɛlbwa Korowii aa baɡ ba.