2 Webena 18:5 - mzwDBL

⁵ Anomanta, Kooro Ahab yerɛ Korowii keamere lafraanaarɛ, dɛ kpɔ bil ba sie ŋɔ, “Ń ka yo Ramɔt Gelead tena kɛɛ ń ɡel ɔ?” Ba ŋɔ, “La ka yoo ba, Korowii ɛɛ kpɔ baa do he nɔn taa.”

2 Webena 18:5 ပူးပေါင်းရင်းမြစ်များ

1 Koranar 12:9

Kooro Rɛhoboam kpɔɔ bil ba sie ŋɔ, “Ɛrɛɛ hɛɛ lii kɛŋɔ ń chaŋe nɛra nɔ baa ŋɔ n be ŋɔ ń ɡel ba toma do korokoro nɔ waɔ?”

1 Koranar 18:19

Yerɛ Israel tena, ba bwa ba chem mɛ Kaamɛl Bwejen doa. Yerɛ Baal waa ɛ voɡbaa tena lafraanaarɛ fifraanue, ne voɡhaah Asera tena lafraanaarɛ, ba ne haŋkooro Jɛsɛbɛl pɛ nɔn dɛɛ di kwa o dem la.”

1 Koranar 4:13

Bɛn Gɛba chɔ bwɛjen Ramɔt waa lɔ Gelead harɛ ta nyoa, dɛ Jɛɛ dea tena, o ɛ Manasɛ naa, bwɛɛre aa lɔ bela, ne Aaɡob harɛ waa lɔ Basan. A bwa lɔ bwɛjena fifraanumɛl baa ma danjwɛjena bara, dɛ kpɔ ayaawa kwaa a doonyoo bune.

2 Koranar 3:13

Anee Elaesa ŋɔ Israel Kooro Joram be ŋɔ, “Bɔkwa waa nee he ba dɛɛ nyin ń chae nɔ? La keamere he nya ne he mɛɛ aa la ba be la be.” Kooro Joram ŋɔ, “Akai! Korowiirii yerɛ ya koranar batoro nɔ bonɔ, dɛ kpɔ yaa ba do Moab laa tena nɔn ta.”

2 Webena 18:14

Mikaya aa ba Kooro Ahab be la, kooro pɛɛro ŋɔ, “N ne n dɔŋ Kooro Jehosafat ka yo Ramɔt Gelead tena kɛɛ yá ɡel ɔ?” Mikaya chaŋe ŋɔ, “Hé la ka yoo ba, Korowii ɛɛ ɡeloo hé pɔ ba nɛ.”

2 Webena 18:4

Dɛ berɛ ŋɔ Kooro Ahab be ŋɔ, “Gel ya soŋe le Korowii be mɔɔ.”

2 Webena 18:6

Ate, Kooro Jehosafat bɔɔ ŋɔ, “Amɔ Korowii keame bɛlbwa toole yá che o nɛɛ dɛ́ soŋe le Korowii be naa?”

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Jeremia 23:16

Waa Koranar Bwa Kooro aa dɛ bol laanee nɔ. “He bɛ waa keamere la aa dɛ bol he be la no, ba dɛ chɔɡ he liire, hwɛɡa bɛlbwa toole a ta. Anɔ la baa liira ɡboo ba na chaahna ta dɛɛ baɡle, waa men Korowii aa bola laa.

Jeremia 23:17

Ba teŋɔ dɛɛ bol nɛra baa vɛh n waa ta teŋa be ŋɔ, ‘Korowii ŋɔ, hɛɛ dɔ deŋnesɔɔhnaa.’ Dɛɛ bol deŋnekpeɡ tena ɡe be ŋɔ, ‘Wenaale bɛlbwa aa he nɛɛ ba.’

Jeremia 42:20

he kono kohona, a chɛ kɛ hé sewɛ. He ŋɔ n be ŋɔ ń soŋe Korowii yaa dɛ tomɔ ó nyiŋi he nɛ, dɛ baɡɛ nyoa ŋɔ hɛɛ teŋɛ waa waa do heyaa bwa taa.

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Maeka 2:11

Nɛra nɔ dɛ nyin keame waa teŋe nyosone ŋɔ, ‘Mɛɛ ɡeloo sene bwa soo siwi bu he nyɔ dɛ́ dɛɛ.’

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

2 Timoti 4:3

Tɔpere bɛl ɛɛ bao ásɛ nɛra aa kasinteŋ waa la baɡlaa no, dɛkalkɛ baa an nyin. Baa dɛɛ nyin waa aa dɛ do ba somee dɛ́ no, dɛ́ ka nyin nɛra pirim bá baa chaɡ ba waa ba pɛla aa lɔ a ta la,

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.