2 Webena 18:4 - mzwDBL

⁴ Dɛ berɛ ŋɔ Kooro Ahab be ŋɔ, “Gel ya soŋe le Korowii be mɔɔ.”

2 Webena 18:4 ပူးပေါင်းရင်းမြစ်များ

2 Samoɛl 2:1

A habɔɔ la, Devid bɔɔ Korowii ŋɔ, “N Naa Korowii, mɛɛ won la ka so Juda bwɛɛre nɔ bɛl ta naa?” Anee Korowii chaŋo ŋɔ “Ɔɔh.” Asɛ Devid berɛ bɔɔ ŋɔ, “Bwɛ besoo ta nɔ?” Anee Korowii ŋɔ, “Ka so Hɛbrɔn.”

2 Samoɛl 5:19

Belaa Kooro Devid ka bɔɔ le Korowii be ŋɔ, “N Naa Korowii, ń la ka yo Filisti tena nɔ naa? Hɛɛ kpɔ baa do n nɔn taa kɛɛ?” Asɛ Korowii chaŋo ŋɔ, “Ir kaa, mɛɛ kpɔ baa do he nɔn taa, ásɛ he pɔ ba nɛ.”

2 Samoɛl 5:23

asɛ Kooro Devid ka bɔɔ le Korowii be ja, asɛ o chaŋo ŋɔ, “Hɛɛ berɛ sie pae dɛ́ kaa ba be. Hé bar ba ka che ba habɔɔ dɛ́ yoo ba daa ane baa dɛ yera balsam sie bela.

2 Webena 18:3

Asɛ Israel Kooro Ahab bɔɔ Juda Kooro Jehosafat ŋɔ, “Hɛɛ ja n nɛɛ yá ka yo Ramɔt Gelead tena aa?” Kooro Jehosafat ŋɔ, “N sɛh ɡɛ, n ne he bwa ɛ beŋkpoŋ. N nɛra ɛ he nɛra, yaa ja he nɛɛ dɛ́ ka yo.”

2 Webena 18:5

Anomanta, Kooro Ahab yerɛ Korowii keamere lafraanaarɛ, dɛ kpɔ bil ba sie ŋɔ, “Ń ka yo Ramɔt Gelead tena kɛɛ ń ɡel ɔ?” Ba ŋɔ, “La ka yoo ba, Korowii ɛɛ kpɔ baa do he nɔn taa.”

2 Webena 34:26

Hé ŋɔ Juda kooro waa tomɛ heyaa ŋɔ hé ka bɔɔ le Korowii be la be ŋɔ waa Korowii Israel tena aa dɛ tomɔ aa bola, waa waa noa dɛ le tɔn la bini laanee nɔ.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Jeremia 21:2

“Bɔɔ le Korowii be tɛ yaa, dɛkalkɛ Babelɔn Kooro Nebukadnesa dɛ ba ba yo yaa. Korowii ken ɛɛ ɛ nyokpo waanee tɛ yaa kɛ saŋ la, ásɛ o berɛ habɔɔ kaa.”

Ɛsekeɛl 20:3

“Nɛwɛnyini bie, ŋɔ Israel nomonome la be kɛŋɔ men Nemenɛ Korowii ŋɔ, ‘He balɔ dɛ́ ba bɔɔ dɛ́ na waa aa le n be kɛɛ? N ŋwɛɛrɔ kɛŋɔ maa lole saŋ bɛlbwa nɔ, maa ɡel he pɛɛ mɛ wobɛlbwa. Men Nemenɛ Korowiirii bola.’

1 Samoɛl 23:2

Asɛ o bɔɔ Korowii ŋɔ, “Ń ka yo Filisti tena nɔ naa?” Anee Korowii chaŋo ŋɔ, “Kaa ka yoo ba, dɛ́ lɛ Keila tena ta.”

1 Samoɛl 23:4

Devid berɔ bɔɔ waa le Korowii be asɛ o chaŋo ŋɔ, “Kaa Keila dɛ́ ka puu ba yo, mɛɛ ɡeloo he pɔ Filisti tena la nɛ.”