2 Webena 18:31 - mzwDBL

³¹ Laa sitɔɔla la aa na Kooro Jehosafat la, ba liiro ŋɔ Israel kooroo, asɛ ba laa berɛ ŋɔ bá ka yoo. Kɛ waa dɛ dooɡe lɔŋɔre la, Korowii chao dɛ ɡel ba laa berɛ kaa.

2 Webena 18:31 ပူးပေါင်းရင်းမြစ်များ

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

2 Webena 13:14

Juda tena laa tena nao kɛŋɔ Israel laa tena la bar ba cheme, belaa ba do lɔŋɔ yerɛ Korowii. Asɛ sɔfore la hoh bɛle,

2 Webena 13:15

asɛ Juda laa tena la do laa lɔŋɔ, asɛ Kooro Abija tɔ ba sie ba ka yoo ba. Korowii ɡelɔ ba pɔ Kooro Jɛroboam ne Israel tena nɛ.

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

2 Webena 18:30

Dɛ Siiria kooro do o laa sitɔɔla baa dɛ nyiŋi torɔɡore baa vɔwa pɛl jaɡre la be ŋɔ, “He bɛ nomɛlbwa ka yo ka ja Israel kooro ɡbo nɛ.”

2 Webena 18:32

Laa sitɔɔla la nao kɛŋɔ Israel kooro laa, anomanta, ba ɡel o nɛɛ teŋa.

2 Webena 26:7

Korowii chao o pɔ Filisti tena ne Arab tena baa soɡe Gur Baal, dɛ Meuni tena nɛ.

Ɛsra 1:1

Koojen Saeros baa di kora Pɛɛsea harɛ ta. O kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Koojen Saeros chwerɛ tɔne kaa o harɛ bwa ta.

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Yela 118:13

Ba baa yoo mɛ, a ka tama ba fee pɔ n nɛ, kɛ Korowii cha mɛ.

Yela 34:7

Korowii nyundua torome dɛ daah nɛra baa dɛ tomɛ Korowii, dɛɛ lɛɛ ba.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 56:10

Hen Korowiirii mɛɛ kpɛɛ, he waa laanee mɛɛ duu.

Yela 94:17

Dɛ Korowii laa cha mɛ naa, n fe sewɔ warane kaa lalabwɛ.

Kaala 14:10

Kooro ne o laa tena aa dɛ bɛn ba asɛ Israel tena ke nyiŋi la, ba nao kɛŋɔ Ijipt tena puu ba tonɛ. Asɛ ɔmee kohona nomanta, ba wi dɛɛ yerɛ Korowii ŋɔ ó ba cha ba.

Sɛɡla 16:7

Dɛ nɛn waa dɛ su Korowii siwi aa, o ɡelɔ deŋnesɔɔhna ɛɛ ba o ne o dɔma kwaraa baah ta.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.