2 Webena 18:30 - mzwDBL

³⁰ Dɛ Siiria kooro do o laa sitɔɔla baa dɛ nyiŋi torɔɡore baa vɔwa pɛl jaɡre la be ŋɔ, “He bɛ nomɛlbwa ka yo ka ja Israel kooro ɡbo nɛ.”

2 Webena 18:30 ပူးပေါင်းရင်းမြစ်များ

Mumpar 19:11

Asɛ ba ɡel nɛra baa cheɡɛ baŋ la bwa piɡri nyoŋe, ba ta wone na buse la doonyoa bɔr kpa.

1 Koranar 20:42

Belaa Korowii keame la ŋɔ o be ŋɔ, “Waa Korowii aa dɛ bol laanee kɛŋɔ, ‘Haa ɡela baa maa kpɔɔ do he nɔn ta ŋɔ o chɛ kpoe, asɛ he ɡel o dɔ bɔr chwa dɛ dɔ o nyu nomanta, hɛɛ kpɔ he nyuu charɛ o kon, ásɛ he laa tena ɡe kpɔ ba nyuune charɛ o laa tena nyuune.’ ”

1 Koranar 22:31

Dɛ Siiria kooro do o laa sitɔɔla fifraatoro dɛ banɛ baa dɛ nyiŋi torɔɡore baa vɔwa pɛl jaɡre la ŋɔ, “He bɛ nomɛlbwa ka yo ka ja Israel kooro ɡbo nɛ.”

2 Webena 15:13

Nomɛlbwa, bechala kɛɛ nomoa, haah kɛɛ baa waa wola Korowii Israel tena aa dɛ tomɛ la nɛɛ teŋɛ la, a chɛ kɛ bá kpoo.

2 Webena 18:29

Israel Kooro Ahab ŋɔ Kooro Jehosafat be ŋɔ, “Mɛɛ beɡre n tenee dɛ́ ka ja laa tena nɔ nɛ, kɛ he te, do he koolaala.” Anomanta, Kooro Ahab beɡre o te, dɛ kaa laa la ta.

2 Webena 18:31

Laa sitɔɔla la aa na Kooro Jehosafat la, ba liiro ŋɔ Israel kooroo, asɛ ba laa berɛ ŋɔ bá ka yoo. Kɛ waa dɛ dooɡe lɔŋɔre la, Korowii chao dɛ ɡel ba laa berɛ kaa.

Mmarare 1:17

he bɛ nɛra siebɔr dɛɛ nyiŋi. Hɛ́ɛ no nomɛlbwa waa kɛrɛdɛ. Bechale ne nomonome bwa, hé nyiŋi ba bwa waa bini kɛrɛdɛ. He bɛ nomɛlbwa siebɔr ɔmɛ, Korowii ɛɛ che he nɛɛ dɛ́ pa bole. Dɛ waane bola kpeɡri tɛ heya aa, bá ba a ne n sie ásɛ n bola.’