2 Webena 18:2 - mzwDBL

² Bene ane aa baa kaa habɔɔ la, Kooro Jehosafat la bwɛjen Samaria, dɛ ka na Kooro Ahab. Kooro Ahab kpoo peera ne nae kohona tɛ Kooro Jehosafat, ne nɛra baa ja o nɛ, dɛ kpɔ tɛɛ ba jirima, dɛ soŋe Kooro Jehosafat ŋɔ, ó ja o nɛ, bá ka yo Ramɔt Gelead tena.

2 Webena 18:2 ပူးပေါင်းရင်းမြစ်များ

1 Koranar 1:9

Awola bɛl, Adonija laŋɔ dɛ ka kpo peera ne nae dɛ nabiiri aa jea kohona ɛ saraha Sohelɛt Bwe ta, o bɛne Ɛn Roɡel bule ta. O yerɛ o mɛɛ Kooro Devid bibaala baa ɛ o nimanar dɛ Juda baala ba ɡe aa ɛ kooro nomonome bwa.

1 Koranar 17:7

Aa dɛ biɡri bwaala aa wola nɛ la, nee la hweehrɔ.

1 Koranar 4:13

Bɛn Gɛba chɔ bwɛjen Ramɔt waa lɔ Gelead harɛ ta nyoa, dɛ Jɛɛ dea tena, o ɛ Manasɛ naa, bwɛɛre aa lɔ bela, ne Aaɡob harɛ waa lɔ Basan. A bwa lɔ bwɛjena fifraanumɛl baa ma danjwɛjena bara, dɛ kpɔ ayaawa kwaa a doonyoo bune.

2 Koranar 9:1

Awola bɛl, Korowii keame Elaesa yerɛ Korowii keamere bane baa pɛa dɛɛ valɛ la bɛl dɛ ŋɔ o be ŋɔ, “Gbaa he batakaare kaa nyundua dɛ́ vɔwɛ kiriso, dɛ́ kpɔ noo nɔ aa lɔ loŋ nɔ bini nɔ la Ramɔt waa lɔ Gelead harɛ ta.

2 Webena 18:3

Asɛ Israel Kooro Ahab bɔɔ Juda Kooro Jehosafat ŋɔ, “Hɛɛ ja n nɛɛ yá ka yo Ramɔt Gelead tena aa?” Kooro Jehosafat ŋɔ, “N sɛh ɡɛ, n ne he bwa ɛ beŋkpoŋ. N nɛra ɛ he nɛra, yaa ja he nɛɛ dɛ́ ka yo.”

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

Nehemia 13:6

Gɛ waa nɔ bwa aa dɛ ɛ la, dɛ men Nehemia toole Jerusalam, dɛkalkɛ Babelɔn Koojen Atasɛksɛs aa di kora bene fifraatoro dɛ anɛ taa n berɛ kaa o be. A habɔɔ n soŋo ŋwɛnɛ,

Mmarare 4:43

A ɡɛ bwɛjena laanee, Bɛsa waa lɔ pua hɛŋle ɡbo harɛ waa chɔa kaa la ta dɛ le Rubin dea harɛ ta, ne Ramɔt waa lɔ Gelead harɛ ta dɛ le Gad dea harɛ ta, dɛ Golan o ɡe aa lɔ Basan harɛ ta dɛ le Manasɛ dea tena harɛ ta.

Josua 20:8

Jɔɔdan Moo wee leebɔr pera, deŋɡarere dor harɛ waa chɔa kaa bwɛjen Jeriko wee leebɔr ɡe, ba le bwɛjen Bɛsa waa lɔ Rubin dea harɛ ta ne bwɛjen Ramɔt waa lɔ Gelead harɛ, o lɔ Gad dea tena harɛ ta, dɛ bwɛjen Golan waa lɔ Basan harɛ, o ɡe aa lɔ Manasɛ dea tena harɛ ta.