2 Webena 17:7 - mzwDBL

⁷ Kooro Jehosafat aa di kora bene atoro ta la, o tomɛ o nomonome ŋɔ bá baɡle Korowii waa Juda harɛ bwɛjena ne bwɛjeɡre bwa ta. Banee, Bɛn Hael ne Obadia ne Sekaria ne Nɛtanɛl dɛ Mikaya.

2 Webena 17:7 ပူးပေါင်းရင်းမြစ်များ

2 Webena 35:3

O ŋɔ Lewi dea tena baa laa doŋa bɛlbwa kpɔ ba nɛɛ, dɛ le ba te cheɡ tɛ Korowii dɛɛ ɛ toma o Dea, dɛɛ baɡle nɛra o Mmarare la be ŋɔ, “Hé kpɔ Korowii Fɔo Daka waa do ɡoroŋ la ka cheɡ Korowii Dea Kooro Devid bibaa Kooro Solomɔn aa doo la bini. He bɛ che dɛɛ ɡaaɡe kpa, dɛɛ tomɛ Korowii ne o nɛra Israel tena.

2 Webena 15:3

Israel tena soɡo la sie baa wola kasinteŋ Korowii tomɛ. Ba ta sɔfore dɔe bá baɡ ba wa, baa Korowii Mmara ɡe jemɛ.

We-ɛɛla 1:1

Nomoa Teɔfelɔs, n tɔn la maa tɔ sie chwerɛ la, n le Yeesu toma la mumpar dɛ baɡle o we-ɛɛla ne o webaɡla waa bwa

Amanesoma Mak Aa Chwera Tɔn 4:2

Belaa o kpɔ sɛɡla dɛ bol waa chaɡ ba ŋɔ,

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Wejereme 1:12

Men maa ɛ wejereme la, dɛ n fa ɛ Israel kooro dɛ so Jerusalam.

Yela 51:13

Ásɛ n baɡle wechɔɡ-ɛɛra he Mmarare la, bá charɛ ba liire, dɛ́ berɛ ba he be.

Yela 34:11

N bii, hé ba dɛ́ ba cheɡ deŋne no n be, mɛɛ baɡle heyaa ɡɛ haa kpɔ duure tɛ Korowii.

Nehemia 9:3

Ba cheɡɛ bela baa cheɡa, dɛ he bɔne tɔpebir bini bɔre anaarɛ naa, ba kpɔ bɔrbeŋkpoŋ kure Korowii baa dɛ tomɔ Mmara Tɔn la bini waa baɡ ba. Asɛ dɛ kpɔ bɔrbeŋkpoŋ ɡe bol ba wechɔɡa, asɛ dɛ tomɛ Korowii baa dɛ tomɔ la.

2 Webena 30:22

Kooro Hɛsɛkea jam Lewi dea tena wejema ne kpɛɛra baa dɔa, dɛ kpɔ cha tɔpejen la dii la. Tɔpera anuanɛ bwa la, ba tɛɛ ba saraha kwaa aa ɛ ba dibɔra la ba di, dɛ ɛ deŋnesɔɔhna sarahare, dɛ kpɛɛ Korowii ba naawa aa tomɔ la.

Mmarare 33:10

Báa dɛɛ baɡle he nɛra he Mmara ta teŋa taa, dɛ́ kpoo jam kwaa dɛɛ tɛɛ he saraha kon la ta.

Mmarare 4:5

Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.

Nɛra Kura 1:8

Isaaka dea, Suar bibaa Nɛtanɛl,

Lewi Dea Tena 14:42

Ásɛ dɛ kpɔ bwefala ba su anɔ la baa cheɡa ka ta la naa ta, dɛ́ kpɔ tefala kwaa maa o bwa.

Ɛsra 7:25

Hen sɔfo Ɛsra, che wejema Korowii haa dɛ tomɔ aa tɛɛ ta, dɛ le nomonome ne banɔ la baa jemɛ waa bola dɛɛ pa bole, ásɛ baa nyiŋi nɛra baa lɔ Yufretis Moo wee cholibɔr harɛ ta nɛ, dɛɛ teŋɛ Korowii haa dɛ tomɔ Mmarare ta. Takapɔ chaɡle banɔ la ɡe baa wola mmarare la jemɛ la.