2 Webena 17:5 - mzwDBL

⁵ Korowii ɡelɔ o kora che kiŋkiŋ Juda harɛ, asɛ nɛra la bwa kpɔ koŋkɛɛla baa tɛo, a che a ta o dɔ kondɔɔh ne duure kohona.

2 Webena 17:5 ပူးပေါင်းရင်းမြစ်များ

Mumpar 13:2

Dɛ Abram nɔn bini wer, peera te kɛɛ, boohna kɛɛ nae ɔ? Suuɡapoŋa ne suuɡaswɛm bwa, dɛ o dɔa.

1 Koranar 10:25

Benanyoa bɛlbwa ba dɛ ba o be naa, koŋkɛɛla aa ɛ kwaa baa kpɔ suuɡapoŋa ne suuɡaswɛm ɛa, ne batakaani ne dɔmkwa ne konsɔɔhsoma ne jaɡre, dɛ keeɡoree ba kpɔ baa tɛo.

1 Koranar 10:27

O bere saŋ dɛ suuɡapoŋa ta nyae Jerusalam kɛŋɔ bwea aa wola nyae nɔ. Peleme daa baa kpɔa dɛɛ do deene ɡe bu kɛŋɔ, fiɡ daa aa cheɡɛ Juda harɛ deŋɡarere lɔɡre ken.

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

2 Webena 1:15

O bere saŋ dɛ suuɡapoŋa ne suuɡaswɛm ta nyae Jerusalam kɛŋɔ bwea aa wola nyae nɔ. Peleme daa baa kpɔa dɛɛ do deene ɡe bu kɛŋɔ, pure daa aa cheɡɛ Juda harɛ deŋɡarere lɔɡre ken.

2 Webena 18:1

Kooro Jehosafat dɔ kondɔɔh, asɛ o sɔn ɡe le kohona. O cheɡɛ hahmor ta o ne Kooro Ahab kpɔ darame.

2 Webena 32:23

Nɛra warɔ kpɔ saraha kwaa ba tɛ Korowii Jerusalam pirim, ne koŋkɛɛla a yoɡ aa kpeɡa ba tɛ Juda Kooro Hɛsɛkea. Le bela dɛɛ kaa la, harɛre nɛra bwa kpɔ jirima tɛo kohona.

2 Webena 9:27

O bere saŋ, dɛ suuɡapoŋa ta nyae Jerusalam kɛŋɔ bwea aa wola nyae nɔ. Peleme daa baa kpɔa dɛɛ do deene ɡe bu kɛŋɔ, fiɡ daa aa cheɡɛ Juda harɛ deŋɡarere lɔɡre ken.

Job Tɔn 42:12

Korowii swee andɛɛɡa tɛo dɛ ɡwaa loɡla la. O berɔ dɔ peera kaɡboŋa fi dɛ anaarɛ, nyoɡmare kaɡboŋa anumɛl, nae baa kpɔa dɛɛ parɛ kaɡboŋ, dɛ keeɡore kaɡboŋ.

Yela 127:1

Dɛ Korowii ta chae ba ma dea aa, mamaala koeh bwa ɛ pɛɛ. O ɡbabir ta bwɛɛ daahnɛ aa, nɛra baa dɛ daah la dɛ koh pɛɛ.

Yela 132:12

Dɛ he bibaala baa ba chiɡ he naa ta la ɛɛ teŋɛ fɔo n ne haa fɔwa, ne me Mmarare maa kpɔa dɛɛ tɛɛ ba taa yaa, ba ɡe bii ɛɛ di he kara nɔɔ saŋ bɛlbwa dɛɛ la.”

Yela 68:29

He Dea waa lɔ Jerusalam nomanta, koranar ɛɛ kpɔ koŋkɛɛlaa ba tɛɛ.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Yela 76:11

Hé kpɔ kwaa haa baɡɛ Korowii haa dɛ tomɔ nyoa la ba tɛo. Harɛre nɛra haa bɛna bwa, hé kpɔ koŋkɛɛla ba tɛo, onee chɛ kɛ nɛra bwa ɛɛ ɔmɛ.

Sɛɡla 16:12

Kooro bɛlbwa kii wechɔɡa, waa aa toɡraa ɡela kora ɛɛ che.

Matiu 2:11

Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

1 Samoɛl 10:27

Kɛ nɛnchɔɡa bane ɡe ŋɔ, “Ɛrɛɛ nɛn waa do ken ɡe ɛɛ ba wona lɛ yaa ɔ?” Ba haoh dɛɛ nyiŋi o nyubaah, ba ta on koŋkɛɛla bɛlbwa ba tɛɛ. Sɔɔl ɡe ta ba waa la kpɔe ɛ wobɛlbwa.