2 Webena 17:4 - mzwDBL

⁴ O tomɛ Korowii o mɛɛ aa toma la, dɛ teŋɛ waa waa doo ta. O ta waa Israel koranar aa ɛa ta teŋɛ.

2 Webena 17:4 ပူးပေါင်းရင်းမြစ်များ

1 Koranar 12:28

O ja o te, dɛ kpɔ suuɡaswɛm ɛ nabali anɛ. Dɛ ŋɔ Israel tena la be ŋɔ, “He bɛ he te koh dɛɛ la Jerusalam kpa. He voɡa aa cha heyaa he won le Ijipt harɛ ta he naawa bere saŋ ba laanee la.”

1 Koranar 12:30

Gɛ waa nɔ ɡelɔ nɛra ɛ wechɔɡa, ba la Dan ne Bɛtel kaa toma.

1 Koranar 12:33

Korobinuatoro, tɔpera fi dɛ anue waa lea cheɡ ta la, o la Bɛtel ka kpoo kwaa saraha kon la ta. Gɛɛ o cheɡ tɔpejen tɛ Israel tena dɛ la kaa ɛ sarahare bela.

1 Koranar 3:3

Kooro Solomɔn teŋɛ waa o mɛɛ Kooro Devid aa ŋɔa la ta, dɛ baɡle nyina waa dɛ nyin Korowii, kɛ dɛ deŋɡarere baa dɛ tomɛ voɡa doree o ɡe ɛɛ fuh konsɔɔhsoma dɛɛ ɛ sarahare.

1 Koranar 9:4

Dɛ hen Solomɔn tom mɛ kɛrɛdɛ, dɛ teŋɛ me Mmarare ne waa maa doe a ta ɡɛ he mɛɛ Devid aa ɛa la aa,

2 Koranar 17:19

Juda dea tena la ɡe ta wone teŋɛ Korowii baa dɛ tomɔ la mmarare ta. Ba ɡe hweli we-ɛɛla aa wola were Israel tena aa ɛa la.

2 Koranar 8:18

O teŋɛ waa Israel koranar aa ɛa la ta. Dɛ o mo Kooro Ahab bihaah, anomanta, o ɛ wechɔɡa Kooro Ahab ne o dem tena aa ɛa la dɔŋa, dɛ jo Korowii nɛ.

2 Webena 14:6

O bere saŋ, o ma danjwɛkpeɡa bar Juda harɛ bwɛjena, dɛ laa toole harɛ la ta kpa, dɛkalkɛ Korowii tɛo deŋnesɔɔhna.

2 Webena 17:3

Dɛ Korowii ja Kooro Jehosafat nɛ, dɛkalkɛ o teŋɛ waa o nabaa Kooro Devid fa aa ɛa la ta. O ta voɡ Baalre tomɛ.

2 Webena 21:12

Korowii keame Elaeja chwerɛ tɔn ka tɛ Kooro Jehoram ŋɔ, “Waa Korowii he naa Devid aa tomɔ aa dɛ bol laanee nɔ, ‘He ta waa he mɛɛ Kooro Jehosafat, kɛɛ he nabaa Kooro Asa aa ɛa ta teŋɛ.

2 Webena 22:9

O ɡelɔ baa ɡaaɡe Kooro Ahasia bɔr, asɛ o nɛra ka nao bwɛjen Samaria dɛ lawɔ. Ba kpɔɔ ba tɛ Kooro Jehu, asɛ o kpoo. Asɛ ba koh ɡɛ o mɛɛ Kooro Jehosafat aa nyin Korowii o bambile bwa ne waa dɛ huɡo. Anomanta, dɛ nomɛlbwa toole Kooro Ahasia dem, dɛ dɔ kpeɡri dɛ́ won nyiŋi Juda harɛ la ta kpa.

2 Webena 27:6

Kooro Jotam baa do kpeɡri kɛrɛdɛ, dɛkalkɛ o teŋɛ Korowii waa dɛ tomɔ la nɛɛ kasinteŋ ne.

2 Webena 29:2

O ɛ waa aa too Korowii tea kɛŋɔ o nabaa Kooro Devid ken.

2 Webena 34:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

1 Tesalonika 2:12

Ya do heyaa ɡbemba dɛ larawe he bwara dɛ do heyaa ŋɔ hé so sodɛɛɡa, ásɛ he waa lɛ Korowii sie. Onee le heyaa he ba ɛ o bii, dɛ kpɔ o Kora la ne o nyanyini la pera tɛ heya.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.