2 Webena 17:14 - mzwDBL

¹⁴ Gɛ baa chwerɛ ba sɔna lolanar bini laanee teŋa nɔ, Dɛ le Juda dea, laa sitɔɔla baa chɔ laa tena kaɡboŋa nyoo laanee nɔ. Adna waa ɛ laa sitɔɔ, on chɔ laa tena kaɡboŋa lafraatoro nyoa.

2 Webena 17:14 ပူးပေါင်းရင်းမြစ်များ

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Mumpar 15:5

O nao kɛŋɔ Korowii aa lawɔ le buse dɛ ka ŋɔ, “Ha sie nyiŋi nyundua, dɛ́ na ɡɛ weweela aa wara, hɛɛ won kura aa? Gɛɛ mɛɛ ba ɡela he naanar warɛ.”

2 Webena 11:1

Kooro Rɛhoboam aa tel Jerusalam la, o boa Juda ne Bɛnjamen deene tena baala baa jemɛ yoi nyoa nɛra kaɡboŋa lafa fifraanuatoro ŋɔ, bá ka yo Israel deene aa lɔ weekaŋle nyunduabɔr, ásɛ o won di kora harɛ la bwa ta.

2 Webena 13:3

Kooro Abija kpɔ laa tena baa jemɛ yoi kaɡboŋa lafraanaarɛ, asɛ Kooro Jɛroboam ɡe kpɔ laa tena baa jemɛ yoi kaɡboŋa lafraanuatoro, ba ka cheme dɔŋa.

2 Webena 14:8

Dɛ Kooro Asa dɔ laa tena kaɡboŋa lafraatoro Juda dea ba kpoŋe kwaa baa kpɔa dɛɛ tɔ ɡbemɡbe laa ta anjena ne lampeare. Dɛ berɛ dɔ laa tena kaɡboŋa lafraanɛ fifraanuatoro baa kpoŋe kwaa baa kpɔa dɛɛ tɔ ɡbemɡbe anjeɡre laa ta, ne tori le Bɛnjamen dea. Dɛ ba bwa ɛ banyoola kɛrɛdɛ!

2 Webena 17:13

dɛ dɔ kondikwaa kohona Juda harɛ bwɛɛre ta. O berɔ kpɔ laa tena baa jemɛ yoi kɛrɛdɛ ba so Jerusalam.

2 Webena 17:15

Nɛɛte sɔne Jehohanan, o ɛ sitɔɔ dɛ chɔ laa tena kaɡboŋa lafraanɛ fifraanuatoro nyoa.

2 Webena 26:13

Laa tena kaɡboŋa lafraatoro dɛ banuanɛ lafraanue baa dɛ ba wona yo kooro dɔma tɛo kɛrɛdɛ la lɔ ba lɔɡa.

Nɛra Kura 1:18

asɛ dɛ yerɛ Israel tena bwa cheme korobinɛɛte la tɔpere waa tɔ sie la ta. Nɛra la yerɛ ba deene ne ba lolanar sɔna a baɡle bela baa lea, asɛ ba chwerɛ baala baa di bene fifraanɛ ne a habɔɔ la sɔna beŋkpoŋa beŋkpoŋa,

Nɛra Kura 1:2

“Kure Israel tena bwa. Kure dea bɛlbwa ne ba lolanar, dɛ́ chwerɛ baala bwa sɔna beŋkpoŋa beŋkpoŋa.