2 Webena 16:7 - mzwDBL

⁷ A ɡɛ saŋ la, Korowii keame Hanani ba Kooro Asa be dɛ ŋɔ, “Haa kpɔ he te dawɛ Siiria kooro nɛɛ dɛ vɛh he te kpɔe dɛ dawɛ Korowii haa dɛ tomɔ nɛɛ nomanta, Siiria kooro laa tena la le he habɔɔ.

2 Webena 16:7 ပူးပေါင်းရင်းမြစ်များ

1 Koranar 15:19

Kooro Asa ŋɔ, “N dɛ nyin kɛ n ne he fɔwɛ fɔo, ɡɛ ya naawa fa aa ɛa la. N kpɔ koŋkɛɛla aa ɛ suuɡapoŋa ne suuɡaswɛm nɔ dɛɛ tɛɛ, á ɛ fɔo dɛ́ chɔɡ he ne Israel Kooro Baasa fɔo la taraken, ásɛ o ne he laa tena le n harɛ nɔ ta kaa.”

1 Koranar 16:1

Ate, Korowii bol waa o keame bɛl baa dɛ yerɔ Jehu be, o mɛɛ sɔne Hanani ŋɔ ó bol Kooro Baasa be ŋɔ,

1 Koranar 16:7

Anɔ bwa habɔɔ la, dɛ Korowii cheɡɛ o keame bɛl baa dɛ yerɔ Jehu nɛɛ bol wa, Hanani bibaalee on. Keame Jehu baa bol Korowii wa Kooro Baasa ne o dem tena be, wechɔɡa waa ɛa dɛ muɡli on Korowii baah kɛŋɔ Kooro Jɛroboam aa ɛa, ne kpoe waa kpo o ne o dem tena bwa la wa.

2 Koranar 18:5

Dɛ Korowii Israel tena aa dɛ tomɛ la nɛɛ Kooro Hɛsɛkea kpɔ o te dawɛ. Juda harɛ ta koranar la bwa bini, banɔ la baa di kora mɔɔ Kooro Hɛsɛkea ba di, ne banɔ la waa dia mɔɔ ba ba di la, dɛ o dɔŋ toole.

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

2 Webena 13:18

Gɛɛ Juda tena pɔ Israel tena nɛ, dɛ sɔɔh ba nyoa, dɛkalkɛ ba kpɔ ba te dawɛ Korowii ba naawa aa tomɔ nɛ.

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

2 Webena 16:6

Belaa Kooro Asa do Juda tena bwa ŋɔ bá la, dɛ́ ka che bwea ne daa Kooro Baasa aa kpɔa dɛɛ ma danjwɛɛ Rama la. Anee Kooro Asa kpɔ ma danjwɛkpeɡ bar bwɛjena Geba ne Mispa.

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

2 Webena 20:32

Kooro Jehosafat ɛ ɡɛ o mɛɛ Kooro Asa aa ɛa wobɛlbwa ta, o ta an ɡelɛ. O ɛ waa aa toɡra Korowii be.

2 Webena 20:34

Waane ɡe Kooro Jehosafat aa ɛa, le mumpar ba a jaɡa, ba chwera ja Hanani bibaa Jehu bwara waa aa lɔ Israel Koranar Waa Tɔne bini.

2 Webena 24:24

Dɛ Siiria laa tena aa kanɛ, kɛ Korowii ɡelɔ ba yo, dɛ pɔ Juda laa tena baa wara kohona nɛ, dɛkalkɛ ba vɛh Korowii ba naawa aa dɛ tomɔ la. Gɛɛ a do Kooro Joas dɔ o deŋnetɛra.

Aesaya 31:1

Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Aesaya 39:3

Ate, Korowii keame Aesaya la ka bɔɔ Kooro Hɛsɛkea ŋɔ, “Leperaa ɡɛ nɛra nɔ leɔ? Dɛ́ ba amaneɛ ɔ?” Anee Kooro Hɛsɛkea ŋɔ, “Ba le bojaŋ harɛ bɛl baa dɛ yerɔ Babelɔn ta.”