2 Webena 16:4 - mzwDBL

⁴ Kooro Bɛn Hadad no Kooro Asa be dɛ tomɛ o laa sitɔɔla ne ba laa tena ŋɔ, bá ka yo Israel harɛ bwɛɛre. Ba pɔ Ijon ne Dan dɛ Ebel Bɛt Maaka bwɛɛre, dɛ Naftale dea harɛ bwɛjena baa dɛ cheɡ laala a bini bwa.

2 Webena 16:4 ပူးပေါင်းရင်းမြစ်များ

Mumpar 14:14

Abram aa noa kɛŋɔ ba lawɛ o lole dɛɛ kaa o ne la, o kpɔ o dem bonɔɔna lafraatoro fi dɛ banuatoro baa dɔ laa wejema dɛ ti ba ka tel bwɛɛ bɛl baa dɛ yerɛ bela Dan.

1 Koranar 15:20

Kooro Bɛn Hadad no Kooro Asa be, dɛ tomɛ o laa sitɔɔla ba ka yo Israel harɛ bwɛɛre. Ba pɔ bwɛɛre baa dɛ yera Ijon ne Dan dɛ Ebel Bɛt Maaka ne harɛ waa chɔa kaa Galilia Moo bwa dɛ Naftale dea harɛ bwɛɛre bwa ta.

1 Koranar 9:19

ne bwɛjena baa do deene dɛɛ cheɡ kwaa a bini ne bwɛɛre kwaa baa vɔwa pɛl jaɡre ne o jaɡre aa dɛ do, ne komɛlbwa o pɛla aa dɔa kɛŋɔ ó ma Jerusalam, ne Lɛbanɔn ne harɛ la bobɛlbwa waa dɛ di o ta kora.

2 Koranar 16:9

Asiiria koojen Tiɡlat Pilesa aa sɛh waa la ta la, o kpɔ o laa tena ba Siiria dɛ ba yo bwɛjen Damaskɔs tena. Dɛ larawe bela tena ka so bwɛɛ bɛl baa dɛ yerɔ Kir, dɛ kpo Kooro Resin.

2 Webena 16:3

Kooro Asa ŋɔ, “N dɛ nyin kɛ n ne he fɔwɛ fɔo, ɡɛ ya naawa fa aa ɛa la. N kpɔ koŋkɛɛla aa ɛ suuɡapoŋa ne suuɡaswɛm nɔ dɛɛ tɛɛ, á ɛ fɔo dɛ́ chɔɡ he ne Israel Kooro Baasa fɔo la taraken, ásɛ o ne o laa tena le n harɛ nɔ ta kaa.”

2 Webena 16:5

Kooro Baasa aa no ɡɛ la, o ɡel danjwɛɛ mae dɛ bar Rama toma la a ka.

2 Webena 17:12

Gɛ taa a che Kooro Jehosafat pa mun dɛɛ do kpeɡri kohona. O ma dekpeɡa aa jaŋa ne deene baa cheɡ kondikwaa a bini bwɛjena Juda harɛ ta,

2 Webena 8:6

ne bwɛjen Baalat ne bwɛjena waa dɛ cheɡ laala a ta bwa, dɛ bwɛjena o jaɡre ne kwaa aa do kɛ torɔɡore ba vɔwɛ dɛɛ pɛl jaɡre aa lole. O berɔ ɡel ba ma komɛlbwa waa dɛ nyin Jerusalam, ne Lɛbanɔn dɛ harɛ waa dɛ di kora o ta bwa.

Kaala 1:11

Anomanta, ba le nomonome ba chɔ ba nyoa, dɛ do ba baa ɛ tomkpeɡa. Dɛ ɡel ba do bwɛjena Petɔm ne Rameses, dɛɛ cheɡ kondikwaa a bini dɛɛ tɛ kooro.

Aesaya 9:1

Kɛ ane abwa, wenaale bɛlbwa toole dɛ ba nɛra ba bwara aa dɛ nyɛɡ nɛ. Saŋ la, Korowii ɡelɔ Sebulon ne Naftale deene tena harɛre sɔn ba harɛ. Kɛ kerekere wɛɛ ɡeloo Galilia harɛ ta bela hɔɔhra aa wara dɛ koo Juu tena bini la bwa dɔ jirima. Harɛ waa lɔ Jɔɔdan Moo la baŋ, dɛ kpɔ dɛɛ kaa moo la nyoa bela bwa.

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.

2 Pita 2:15

Ba ɡel ŋwɛnɛtoɡre la, dɛ nyoɡre. Ba kpɔ Beɔ bie Balam o fa aa ɛ Korowii keame la ŋwɛnɛ la. O sie aa beɡre suuɡa kohona nomanta, o kpɔ ŋwɛnɛchɔɡe ta dɛ nyin suuɡa.

Sitɔɔla 20:1

Israel tena baa soɡe Dan dea harɛ ta dɛ kpoŋe kaa Beɛseeba, dɛ banɔ la baa soɡe Gelead harɛ ta bwa baa cheme Korowii sie Mispa kɛ nɛmbeŋkpoŋ.