2 Webena 16:3 - mzwDBL

³ Kooro Asa ŋɔ, “N dɛ nyin kɛ n ne he fɔwɛ fɔo, ɡɛ ya naawa fa aa ɛa la. N kpɔ koŋkɛɛla aa ɛ suuɡapoŋa ne suuɡaswɛm nɔ dɛɛ tɛɛ, á ɛ fɔo dɛ́ chɔɡ he ne Israel Kooro Baasa fɔo la taraken, ásɛ o ne o laa tena le n harɛ nɔ ta kaa.”

2 Webena 16:3 ပူးပေါင်းရင်းမြစ်များ

Yela 15:4

nɛn waa hah wechɔɡ-ɛɛra, kɛ dɛɛ duu nɛra baa dɛ ɔmɛ Korowii, dɛ teŋɛ o nyobaɡa ta, hale dɛ a kpeɡri tɛo kwaaraa noo,

2 Timoti 3:3

Ba chal aa dɔŋa nɛɛ doe ba, baa wechɔɡaa kpɔ dɛɛ kɛ dɔŋa. Baa dɛɛ haŋɛ dɔŋa nyooree, baa haŋraa dɔ ba pɛla kwaa ta, baa dɛɛ ɛ ɡaeeh, baa hah wedɛɛɡaa.

2 Kɔrent 6:16

Voɡa ɛɛ wonoo che Korowii Dea a maɡre aa? Ya bwadabii nɔɔ Korowii waa lole saŋ bɛlbwa la dea. Anee Korowii ɡbabir bol la. O bolɔ ŋɔ, “Mɛɛ ba so n nɛra bee, dɛ́ do ba baah, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

2 Webena 18:3

Asɛ Israel Kooro Ahab bɔɔ Juda Kooro Jehosafat ŋɔ, “Hɛɛ ja n nɛɛ yá ka yo Ramɔt Gelead tena aa?” Kooro Jehosafat ŋɔ, “N sɛh ɡɛ, n ne he bwa ɛ beŋkpoŋ. N nɛra ɛ he nɛra, yaa ja he nɛɛ dɛ́ ka yo.”

2 Samoɛl 21:2

Kooro yerɛ Gebeɔn tena baa kaa la, dɛ bol waa baɡ ba. Dɛ Gebeɔn tena la ta Israel tena ɛɛ. Ba ɛ Amɔre tena bane Israel tena aa baɡ ba nyoa ŋɔ baa ban kpoo. Kɛ Kooro Sɔɔl siwi beɡrɔ wɛɛ nyin ba dɛ́ kpo, Israel ne Juda tena wa.

Sitɔɔla 2:2

N ŋɔ he ne nɛra baa lɔ harɛ la ta la bɛ fɔo bɛlbwa fɔwɛ, dɛ́ kuuɡi kwaa baa dɛ ɛ saraha a ta dɛɛ tɛ ba voɡa la. Kɛ he ta waa maa do heyaa a ta la noɛ. Ɛrɛɛ he ɛ ɡɛ nɔɔ?

Kaala 32:21

O bɔɔ Arɔn ŋɔ, “Ɛrɛɛ nɛra nɔ ɛɛ asɛ he ɡel ba ɛ a ɡɛ wechɔɡ damanta nɔɔ?”

1 Koranar 15:16

Dɛ yoi lɔ Kooro Asa ne Israel Kooro Baasa baah ba kora dii saŋ bwa ta.

2 Webena 16:2

Kooro Asa kpɔ suuɡapoŋa ne suuɡaswɛm cheɡ deene baa kpɔ kwaa a yoɡ aa kpeɡa dɛɛ cheɡ a bini Korowii Dea la, ne anɔ la aa lɔ o koodem bela, dɛ tomɛ ba kpɔ ka tɛ Siiria Kooro Bɛn Hadad, dɛ o soɡe Damaskɔs waa ɛ harɛ la bwɛjen tenten ta dɛɛ di kora.

2 Webena 16:4

Kooro Bɛn Hadad no Kooro Asa be dɛ tomɛ o laa sitɔɔla ne ba laa tena ŋɔ, bá ka yo Israel harɛ bwɛɛre. Ba pɔ Ijon ne Dan dɛ Ebel Bɛt Maaka bwɛɛre, dɛ Naftale dea harɛ bwɛjena baa dɛ cheɡ laala a bini bwa.