2 Webena 16:10 - mzwDBL

¹⁰ Kooro Asa baah di Korowii keame Hanani nɛɛ kohona, asɛ dɛ lawɔ do dea. Dɛ berɛ le ɡɛ saŋ dɛɛ kaa la, Kooro Asa pa mun dɛɛ ɛ nɛra la bane hɔhɔrɔwa kohona.

2 Webena 16:10 ပူးပေါင်းရင်းမြစ်များ

2 Samoɛl 11:4

Ate, kooro tomɛ toroma ba ka kpɔɔ ba. Waa bala la, kooro lawɔ chɔ. Dɛ o bochɔɡa leɔ doŋa bɛlbwa toole o nɛɛ kpa. Asɛ o berɛ kaa dem.

2 Samoɛl 12:13

Ate, Kooro Devid ŋɔ Netan be ŋɔ, “N ɛ wechɔɡa dɛ jo Korowii nɛ.” Asɛ Netan ɡe chaŋo ŋɔ, “Korowii kpɔ he wechɔɡa kɛɛ, haa sewɛ.

2 Samoɛl 12:31

asɛ dɛ lawɛ nɛra baa lɔ bwɛjen la ta, dɛ ɡel baa peɡri daa dɛɛ loɡɛ para ne kpanfɛre, dɛ ɡel baa teŋe berekese ɡe. Gɛɛ o ɛ Amɔn bwɛɛre la bwa ta, asɛ o ne o laa tena la bwa berɛ kaa Jerusalam.

1 Koranar 13:4

Kooro Jɛroboam aa no waa Korowii keame la aa bola la, o cheɡɛ kon la bɔr dɛ tɛr o nɔn pa Korowii keame la nɛɛ dɛ ŋɔ, “Hé lawɔ.” Buɡ la ta, nɔn waa tɛra pa Korowii keame la nɛɛ la ka ɡɛ, o ta wone ba o ne harɛ kpa.

1 Koranar 22:27

dɛ́ ka ŋɔ ba be ŋɔ, n ŋɔ bá lawɔ do dea, dɛɛ tɛo paanoo ne nee ɡbo ka tel kɛŋɔ maa ba jo sɔnɔnɔɔ.”

2 Webena 16:11

Kooro Asa aa di kora le mumpar kaa a jaɡa la, ba chwera do Juda Koranar ne Israel Koranar Waa Tɔn bini.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

2 Webena 18:26

dɛ́ ka ŋɔ ba be ŋɔ, n ŋɔ ba lawɔ do dea, dɛɛ tɛo paanoo ne nee ɡbo ka tel kɛŋɔ maa ba jo sɔnɔnɔɔ.”

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

2 Webena 26:19

Dɛ Kooro Ussia cheɡɛ Korowii Dea bela, kon baa dɛ fuh daawiile a sɔɔh aa soma o ta la jwɛh, dɛ kpoŋe kon baa kpɔa dɛɛ fuh konsɔɔhsoma. O baah di sɔfore la nɛ, asɛ buɡ la ta, bwadabii weechɔɡa ane ba le o tile ta.

Job Tɔn 20:19

dɛkalkɛ ba fiiɡi nyaara dɛ vɛɛh ba, dɛ lɛ deene ba laa maa.

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

Aesaya 51:23

Mɛɛ kpɔɔ do nɛra baa dɛ fiiɡi heyaa la nɔn ta. Banee yon ŋɔ, ‘Hé chɔ harɛ, ásɛ ya valɛ he nyaŋ ta.’ He chɔ harɛ ba kpɔ he nyaŋ berɛ ŋwɛnɛ dɛɛ tiɡri he nɛ.”

Jeremia 20:2

o ɡelɔ ba lɔɔ mɛ, dɛ do mɛ jɔɡrɔre. Bela bɛne Bɛnjamen Doonyoa nyunduabɔr, Korowii Dea bela.

Jeremia 26:21

Kooro Jehoiakim ne o laa tena dɛ o nomonome bwa aa no waa Uria aa bola la, dɛ o dɛ nyinu dɛ́ kpo. Kɛ Uria noɔ kɛ kooro dɛ nyinu dɛ́ kpo, asɛ dɛ kpɔ ɔmee chwa kaa Ijipt harɛ ta.

Jeremia 29:26

“Korowii lee sɔfo he ba chiɡ Jehoiada naa ta, dɛɛ nyiŋi o Dea la ta. Henee chɛ kɛ he nyiŋi dɛ́ lawɛ nomɛlbwa waa dɛ we choɡla, dɛɛ ɛ o te kɛ Korowii keamee on la, dɛ́ doo bune jɔɡrɔre ne bune kwaa o baŋa ta.

Jeremia 37:15

Ba baah di n nɛɛ kɛrɛdɛ dɛ ŋɔ bá lɔɔ mɛ, dɛ kpɔ mɛ ka do koodem karake Jonatan dea. Dɛ ba beɡre o dea la dɛ lawɛ nɛra dɛɛ do o bini.

Jeremia 51:34

Jerusalam tena ŋɔ, “Babelɔn kooro chɔɡ ya Jerusalam tena dɛ kpoo yaa, o ɡelɔ ya do kɛŋɔ loŋ komɛlbwa aa wola toole o bini ken. O do kɛ harɛkon dɛ lawɛ yaa lile ya ola do o som o tea su, dɛ berɛ uɡe yaa ta.

Wiile 3:34

Nɛra tiɡri nɛra baa laɡ ba do dea do harɛ,

Amanesoma Luk Aa Chwera Tɔn 3:20

Gɛ waa nɔ Jɔn aa bol o be la nomanta, o ɡelɔ ba lawɔ do dea dɛ den do anam kwara.