2 Webena 15:8 - mzwDBL

⁸ Kooro Asa aa no Korowii waa Ɔdɛd bibaa Korowii keame Asaria aa bola la, a tɛo kpeɡri bɛl. O le voɡa aa ɛ kii kwaa la bwa ne, Juda ne Bɛnjamen deene harɛre ta, ne anɔ la aa lɔ bwɛjena bwa waa yoa dɛ pɔ a nɛra nɛɛ Efrem deŋɡarere ta la. O berɔ kwaa kon baa dɛ ɛ saraha o ta o do Korowii Dea pato sie la.

2 Webena 15:8 ပူးပေါင်းရင်းမြစ်များ

1 Koranar 11:5

Kooro Solomɔn kaa teŋɛ Sidon voɡhaah Astɔrɛt dɛ Amɔn tena voɡ Molɛk aa ɛ kii kwaa la nɛ.

1 Koranar 11:7

Kooro Solomɔn do dea bwe bɛl ta Jerusalam wee leebɔr, dɛ kwaa bɔr baa dɛɛ tomɛ Moab tena voɡ Kemɔs ne Amɔn tena voɡ Molɛk aa ɛ kii kwaa la.

1 Koranar 15:9

Kooro Jɛroboam aa di kora Israel harɛ ta bene fifraanɛ taa Kooro Asa di kora Juda harɛ ta.

2 Koranar 16:14

Dɛ ɛ ayaawa kon baa dɛ ɛ saraha o ta, dɛ kpɔ do Korowii nɔn ta, o che saraha konfale la ne Korowii Dea la baah ta. Anomanta, Kooro Ahas kaa kpɔ ombene la ka cheɡ onfale la weekaŋle nyunduabɔr.

2 Koranar 18:22

Asiiria nomoa la berɛ ŋɔ, “Kɛ, hɛɛ ŋɔɔ Korowii haa dɛ tomɔ la nɛɛ hɛɛ hwɛɡɛ aa? Saraha kwaa baa kpoo kwaa a ta dɛɛ tɛ Korowii la laa on Kooro Hɛsɛkea chɔɡ, dɛ ŋɔ Juda ne Jerusalam tena bwa be ŋɔ, báa tomɛ Jerusalam bonɔ ɡbo la aa?

2 Koranar 23:13

Kooro Josia chɔɡ saraha kwaa Kooro Solomɔn aa maa cheɡ Jerusalam wee leebɔr, ne Ɔlevere Bwejen weekaŋle harɛbɔr baa tomɛ voɡhaah Astɔrɛt, Sidon tena aa dɛ tomɛ, dɛ Moab tena voɡ Kemɔs, dɛ Amɔn tena voɡ Molɛk a bwa aa ɛ kii kwaa la.

2 Webena 13:19

Kooro Abija ti Kooro Jɛroboam laa tena, dɛ ka lɛ ba bwɛjena Bɛtel ne Jesana dɛ Efron, ne a bwɛjeɡre aa bara cheme bwa.

2 Webena 17:2

O kpɔ laa tena ka so Juda harɛ bwɛjena baa ma danjwɛkpeɡa bara bwa, ne bwɛɛre bwa ta, dɛ bwɛjena a fa aa lɔ Kooro Asa lɔɡa Efrem harɛ ta bwa.

2 Webena 19:11

Sɔfonomoa Amariaa dɛɛ ba he sie tɔe Korowii waa bwa ta, ásɛ Ismael bibaa Sebadia waa ɛ Juda dea nomoa la chɔ waa aa ɛ kooro waa nyoa, ásɛ Lewi dea tena la ɡe ɛɛ cha heya. Hé ɛa bambile bwa ne, Korowiirii dɛ ja banɔ la baa ɛa kɛrɛdɛ la nɛ.”

2 Webena 19:4

Dɛ Kooro Jehosafat soɡe Jerusalam, kɛ o yon ir la harɛ la nɛra be, le Beɛseeba waa lɔ weekaŋle harɛbɔr, ne Efrem deŋɡarere harɛ waa lɔ weekaŋle nyunduabɔr, dɛ charɛ ba liire le Korowii ba naawa aa tomɔ la be.

2 Webena 29:18

Ate, Lewi dea tena la la Kooro Hɛsɛkea be dɛ ka ŋɔ, “N naa kooro, ya laa doŋa kpɔ Korowii Dea la bwa ta o do ɡoroŋ, ne kon baa dɛ fuh saraha kwaa o ta ne o loɡa, ne teebur baa kpɔ paanoo aa do ɡoroŋ dɛɛ dawɛ o ta, dɛ o laala aa jaa bwa ta.

2 Webena 4:1

Kooro Solomɔn ɡelɔ ba kpɔ ayaawa ɛ saraha kon. O jaŋne lɔ naɡale fifraatoro, o paɡri naɡale fifraatoro, asɛ o jaŋne dɛ́ kaa nyundua ɡe naɡale fi dɛ anue.

2 Webena 8:12

Kooro Solomɔn kpoo kwaa dɛ fuah ɛ sarahare tɛ Korowii, saraha kon baa mao cheɡ Korowii Dea pato la sie,

Aesaya 44:14

Peleme daa aa weraa wɛɛ teŋe dɛ́ kpɔ sɛh kwaa la. O dɛ chale daa aa do ɡɛ la, ásɛ a ne daa aa cheɡɛ kɔr baah bwa che dɛ́ kpeɡ. Gɛ laa ɡe aa, o dɛ chɔɔ daa waa do kɛŋɔ a ɡɛ daa nɔ bɛl, ásɛ bwaala yon nɛ do o ta o kpeɡ.

Aesaya 65:4

Ba dɛ la bwebɔɔne bini ne lala huɡribɔr, dɛ ka yerɛ lala jwaana, dɛ́ ka so ŋwama ta dɛɛ were. Ba dɛ chwe parakoo ola, dɛɛ di dɛɛ nyɔ ola baa kpoora tɛ voɡa dɔr, ne kwaa maa kia.

Jeremia 16:18

Dɛ wɛɛ bɔ ba kem bele anɛɛ, ba nyubinikpeɡ ne wechɔɡa baa ɛa la wa, dɛkalkɛ ba teŋɛ voɡare waa kia aa wola mkpa dɔe nɛ, a su harɛ la bwa dɛ kpɔ doŋa kaoh.

Ɛsekeɛl 8:10

Ate, n jo dɛ ka na kwaa aa dɛ tuuɡi tea ta, ne anɔ la aa dɛ huuh, ne ola maa kia bwa, Israel tena voɡa baa ɛa dɛɛ toma bwa dawɛ danjwɛɛre la bwa ta.

Lewi Dea Tena 18:30

Hɛɛ ɛ waa maa dɛ nyin, dɛ bɛ nɛra baa tɔ sie ba so harɛ nɔ ta la we-ɛɛla maa kia la ta teŋɛ, dɛ́ kpɔ doŋa kah he te. Menee Korowii haa dɛ tom mɛ la.”

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.

We-ɛɛla 28:15

Rom asɔre tena aa no ya waa la, ba baa cheme yaa Apius Yawa ta ne bela baa dɛ yerɛ Deene Atoro la bɔr. Pɔɔl aa na ba la, o bambile ba harɛ, asɛ o jam Korowii.

Mmarare 27:15

‘Nomɛlbwa waa sɛh komɛl chaa kɛɛ dɛ sɔh cheɡ voɡ dɛɛ tomɔ la, Kórowii taahno, dɛkalkɛŋɔ o kii.’ Ásɛ Israel tena la ɡe chaŋe ŋɔ, ‘Aamen!’

1 Pita 4:3

Waa nɛra baa wola Korowii tomɛ aa dɛ ɛa asɛ he fa aa ɛa la, he ta a nyoa nae yaa? Dɛ he sie dɛ lɛ jwamane ne pɛlchɔɡa we-ɛɛla ta. Dɛ he dɛ sɔ sen, dɛɛ ɛ saɡasaɡa, dɛ lawɛ dɔŋa dɛɛ nyɔ sennyɔbala. Dɛ he dɛ tomɛ voɡa dɛɛ jo Korowii kii nɛ.

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.