2 Webena 15:7 - mzwDBL

⁷ Kɛ he Juda tena te, hé che kiŋkiŋ, dɛ bɛ ɡel he bwara hwah, hɛɛ dɔ he kembɔree le teŋa haa dɛ teŋɛ Korowii nɛɛ la ta.”

2 Webena 15:7 ပူးပေါင်းရင်းမြစ်များ

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

1 Webena 28:20

Kooro Devid berɔ ŋɔ o bie Solomɔn be ŋɔ, “Dɔ bambile dɛ́ che kiŋkiŋ, dɛ́ ɛ toma la. Dɛɛ berɛ ɔma, Korowii maa dɛ tomɛ la ja he nɛ. Waa he habɔɔ le bwa ka tel kɛŋɔ Dea la toma bɛlbwa aa tona.

2 Webena 19:11

Sɔfonomoa Amariaa dɛɛ ba he sie tɔe Korowii waa bwa ta, ásɛ Ismael bibaa Sebadia waa ɛ Juda dea nomoa la chɔ waa aa ɛ kooro waa nyoa, ásɛ Lewi dea tena la ɡe ɛɛ cha heya. Hé ɛa bambile bwa ne, Korowiirii dɛ ja banɔ la baa ɛa kɛrɛdɛ la nɛ.”

2 Webena 32:7

“Hé che kiŋkiŋ, hé dɔ bambile. He bɛ ɔmɛ, he bɛ ɡel he bwara yɔr Asiiria koojen ne o laa tena baa wara kohona nɔ wa. Kpeɡri waa ja ya nɛɛ la ɡwaa kpeɡri waa ja ba nɛ.

Yela 19:11

A cheɡɛ a ta men maa ɛ he torome ɛɛ dɔ wejema, dɛɛ dɔ kembɔr a ta teŋa ta.

Yela 27:14

A chɛ kɛ yá kpɔ ya te dawɛ hen Korowii nɛ, dɛ́ lawɛ bambile, dɛ́ che kiŋkiŋ, dɛ́ɛ nyiŋi he siwi ta.

Yela 58:11

Belaa nɛra ɛɛ ba ŋɔe ŋɔ, “Kasinteŋ, nɛra ba wa aa toɡra dɔ ba kembɔr, Korowii lole kpela, dɛ bol nɛra waa dɛɛ pa bole, harɛ nɔ ta.”

Jeremia 31:16

Kenii Korowii ɛɛ bol, “Hé ɡel wii haa dɛ wi la, dɛ́ fee he siniire. Anɔ la haa ɛa tɛ he bii aa pɛɛ ɛɛ ba, hɛɛ dɔ a kembɔree, ba bwa ɛɛ berɔɔ le ba dɔma harɛ taa ba.

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Sekaria 8:9

He banɔ haa lole taraken nɔ, waa haa dɛ no nɔ ɛ waa n keamere fa aa bola ɡɛ saŋ baa pa n Dea la mun la, he do ɡbemba, ásɛ dɛ ma n Dea la.

Matiu 5:12

Hé ɡel he sie lɛ kohona, dɛkalkɛ he kembɔr kan taeh Korowii be. Gɛɛ ba kpɔ ɛ Korowii keamere baa tɔ sie la.

Matiu 5:46

Dɛ he dɛ nyin nɛra baa dɛ nyin heyaa ɡbo aa, kembɔr besoo hɛɛ ba dɔe le Korowii be nɔ? Toɔ lɛɛra baa ɛ wechɔɡ-ɛɛra ɡba dɛ nyin nɛra baa dɛ nyin ba wa.

Matiu 6:1

Yeesu berɔ ŋɔ, “Hé nyiŋi kɛrɛdɛ dɛɛ berɛ he wedɛɛɡa ɛɛ nɛwɛnyini sie ta, ásɛ baa kpɛɛ heya. Dɛ he dɛ ɛ he wedɛɛɡa nɛwɛnyini sie ta naa, hɛɛ paŋɛ he kembɔree he Mɛɛ waa lɔ nyundua la sie.

Matiu 6:18

ásɛ nɛra bɛ jemɛ kɛŋɔ he dɛ vɔwɛ nyoa, nemenɛ he Mɛɛ baa wola on na la ɡbo. Onee dɛɛ na waa haa ɛa dɛɛ sɔh la. Onee dɛ́ bɔ heyaa kem.”

Matiu 6:4

Hé sɔh dɛ́ kɛo, ásɛ he Mɛɛ la waa dɛ na waa haa ɛa dɛɛ sɔh bwa la bɔ heyaa kem.”

Matiu 6:6

Dɛ he te dɛ́ ba Korowii soŋa aa, hé kpɔ he te sɔh mɔɔ dɛ́ soŋe Korowii waa ɛ he Mɛɛ baa wola on na la. Onee dɛɛ na waa haa ɛa dɛɛ sɔh bwa. Onee dɛ́ bɔ heyaa kem.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

1 Kɔrent 16:13

Hɛ́ɛ nyiŋi he te kɛrɛdɛ ásɛ dɛ ta lawɛ waa la bini kiŋkiŋ. Hé dɔ bambile ásɛ dɛ ɡel lawa haa lawɛ waa la bini la do kpeɡri.

1 Kɔrent 3:14

Dɛ nii la jo toma haa ɛa chɔŋɛ dea la mumpar la ta dɛ a ta fueh yaa, Korowii ɛɛ bɔe a kemee.

1 Kɔrent 3:8

Nɛn waa dɛ du kwaa ne onɔ la waa dɛ do nee a ta la te bɛlbwa ta korɛ. Korowii dɛ bɔ bɛlbwa kem ɡɛ aa chɛa.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Kolosi 3:24

He Dɔɔ Yeesu Kristoo he ɛ dɛɛ tɛ. He jemɛ kɛŋɔ o bee hɛɛ ba kembɔr waa kpɔa cheɡ o nɛra la dɔe.

Hibru 10:35

Anomanta, he bɛ ɡel he bambile chɔɡ he yaradae haa dɛ yarada Korowii Bie la. A dɔ kembɔr kohona.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Josua 1:6

Kɛ che kiŋkiŋ, dɔ bambile, henee dɛɛ ba Israel tena sie tɔe ba ka so harɛ maa kpɔa baɡɛ ba naawa nyoa la ta.

Josua 1:7

Che kiŋkiŋ, dɔ bambile kohona. Gel he sie chɔ harɛ hɛɛ teŋɛ mmarare la bwa n bonɔɔ Mosis aa kpɔa tɛɛ la ta. Bɛ sie laa kpɔ a ta dɛ́ dɔ kɛrɛdɛ bela bwa haa kaa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 14:14

Kaleb yarada Korowii Israel tena aa dɛ tomɔ o bambile bwa ne kɛrɛdɛ, anomanta, Korowii kpɔ bwɛjen Hɛbrɔn tɛo. O naanar ta soɡe bela ba le fini.

2 Jɔn 1:8

Hɛ́ɛ nyiŋi he te kɛrɛdɛ, dɛ́ bɛ ɡel he toma ɛ pɛɛ, ásɛ he won dɔ he tɔnɔ bwa dɛ́ le a ta.

Rut Tɔn 2:12

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”