2 Webena 15:6 - mzwDBL

⁶ Harɛre nɛra yon dɛɛ yo dɔŋa, bwɛjena ɡe ɛɛ yo dɔŋa, dɛkalkɛ dɛ Korowiirii kpɔ wenaale baa ta ba nɛ harɛre la ta.

2 Webena 15:6 ပူးပေါင်းရင်းမြစ်များ

2 Webena 12:15

Kooro Rɛhoboam kora dii le mumpar ba a jaɡa, ne o haahna ne bii wa, ba chwera do Korowii keamere Sɛmaya ne Ido waa dɛ na chaahna waa tɔne bini. Dɛ yoi chɔ Kooro Rɛhoboam ne Kooro Jɛroboam baah ta saŋ bɛlbwa.

2 Webena 13:17

Kooro Abija ne o laa tena kpoo Israel laa tena baa jemɛ yoi taeh, laa tena dɛ ɛ kaɡboŋa lafraanue.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Yela 106:41

He vɛɛh ba tɛ nɛra baa wola hen Korowii tomɛ la, asɛ ba do ba lɔɡa dɛɛ tom ba.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 19:2

Korowii ŋɔ, “Mɛɛ kpɔ naɡraa ta Ijipt tena nɛ ba ɡbo yo dɔŋa, dɔɔ ne nime yo, chamena ne o chamenate yo, bwɛjen ne o bwɛjen dɔŋ yo, ásɛ koranar ɡe yo dɔŋa.

Jeremia 25:32

Waa Koranar Bwa Kooro aa dɛ bol laanee nɔ. “Hé na, wenaale dɛ ba, o le harɛ bɛl nɛra be dɛ kaa bane ɡe be. O do kɛŋɔ peukpeɡ aa taa le harɛ jaɡa ken.”

Emɔs 3:6

Laa bɛla sio bwɛjen bɛl ta naa, o nɛra aa ɔmaa? Wechɔɡa ane chiɡ bwɛjen bɛl nɛra nɛ aa, dɛ Korowii laa ɡela a ba ɡɛ naa?

Haɡae 2:22

Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

Matiu 24:7

Harɛre ane ɛɛ yo dɔŋaa, koranar ɡe yo dɔŋa. Lɔr ɛɛ ba harɛ nɔ ta bobɛlbwaa, ásɛ harɛ ɡe ɛɛ jiɡri bobɛlbwa.

Amanesoma Mak Aa Chwera Tɔn 13:8

Harɛre ane ɛɛ yo dɔŋaa, koranar ɡe yo dɔŋa. Lɔr ɛɛ ba harɛ nɔ ta bobɛlbwaa, ásɛ harɛ ɡe ɛɛ jiɡri bobɛlbwa. Kɛ anɔ bwa do kɛŋɔ haah loltea yon tɔ sie lɔɔ dɛ o lola ta tele mɔɔ la.

Sitɔɔla 2:14

Korowii baah aa di Israel tena nɛɛ la, o ɡelɔ nɛra ba lɔ tɔ ba nɛ, dɛ pa ba laala bwa kaa kɛŋɔ laa ta kwa. O berɔ kpɔ ba do ba dɔma baa soɡa bar ba la nɔn ta, baa di kpeɡri ba nɛ ba lɛ ba te kahonɛ.