2 Webena 15:3 - mzwDBL

³ Israel tena soɡo la sie baa wola kasinteŋ Korowii tomɛ. Ba ta sɔfore dɔe bá baɡ ba wa, baa Korowii Mmara ɡe jemɛ.

2 Webena 15:3 ပူးပေါင်းရင်းမြစ်များ

2 Webena 17:7

Kooro Jehosafat aa di kora bene atoro ta la, o tomɛ o nomonome ŋɔ bá baɡle Korowii waa Juda harɛ bwɛjena ne bwɛjeɡre bwa ta. Banee, Bɛn Hael ne Obadia ne Sekaria ne Nɛtanɛl dɛ Mikaya.

Nehemia 8:9

Ate, Nehemia waa ɛ harɛ la ta nomoa, ne sɔfo Ɛsra waa ɛ tɔnjereme, dɛ Lewi dea tena baa baɡle waa la bini tɛ nɛra la ŋɔ, “Fini tɔpere do ɡoroŋ tɛ Korowii haa dɛ tomɔ, he bɛ wi.” Dɛkalkɛ nɛra la aa dɛ no waa la, dɛ ba dɛ wi.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Lewi Dea Tena 10:11

ásɛ dɛ chaɡle Israel tena mmarare maa cheɡɛ Mosis nɛɛ dɛ kpɔ tɛɛ ba la bwa ta.”

Lewi Dea Tena 10:8

Korowii ŋɔ Arɔn be ŋɔ,

Emɔs 8:11

Tɔpera ane dɛ ba, ásɛ men Nemenɛ Korowii ɡel lɔr chole harɛ nɔ ta. Kondikwaa kɛɛ nyɔɡre laa, men Korowii waa la bɛ dɔe dɛ́ no la waa. Men Korowiirii bola.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Tɔn Pɔɔl Aa Chwerɛ Rom Tena 2:12

Nɛra baa wola Mmara Korowii aa kpɔa tɛ Mosis la jemɛ dɛɛ ɛ wechɔɡa la, baa sewɔɔ. Kɛ Mosis Mmara la ta laa Korowii ɛɛ ba nyiŋa, dɛ́ bol ba waa dɛ́ pa bole. Banɔ la baa jemɛ Mmara la, Mmara la taa Korowii ɛɛ ba nyiŋa dɛ́ bol ba waa dɛ́ pa bole.

1 Kɔrent 9:21

Gɛ tentenee dɛ n koo nɛŋhɔɔhra baa wola Mosis Mmara la ta teŋɛ nɛ aa, n yon ɛ n te kɛ ban, ásɛ dɛ dɔɔ ba tɛ Korowii. Kɛ aa baɡle kɛ n dɛ vɛh Korowii nyoa wobol. N dɛ teŋɛ ɡɛ Yeesu Kristo aa ŋɔa yá teŋɛ la ta.

Mmarare 33:10

Báa dɛɛ baɡle he nɛra he Mmara ta teŋa taa, dɛ́ kpoo jam kwaa dɛɛ tɛɛ he saraha kon la ta.

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.