2 Webena 15:15 - mzwDBL

¹⁵ Juda tena la bwa sie lɛo dɛɛ hɛɡre, dɛkalkɛ ba ŋwɛɛ ntam bambile bwa ne. Ba nyin Korowii sibeɡra ne, asɛ dɛ nao. Anomanta, Korowii tɛɛ ba deŋnesɔɔhna le ba dɔma nɔn ta.

2 Webena 15:15 ပူးပေါင်းရင်းမြစ်များ

2 Koranar 23:3

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne, ɡɛ tɔn la bini fɔo waa la aa dɛ baɡle la. Asɛ nɛra la bwa baɡɛ nyoa kɛŋɔ baa dɛɛ teŋɛ fɔo la taa.

1 Webena 16:10

Hé ɡel he sie lɛ o sɔn waa do ɡoroŋ la ta, nɛra haa dɛ tomɔ, hé ɡel he sie lɛ.

2 Webena 11:16

Nɛra baa le Israel deene bwa bini dɛ le ba bambile bini ŋɔ, baa tomɛ Korowii Israel tena aa dɛ tomɛ la teŋɛ Lewi dea tena nɛɛ ba Jerusalam, dɛ ba kpoo kwaa ɛ sarahare tɛ Korowii ba naawa aa toma.

2 Webena 14:6

O bere saŋ, o ma danjwɛkpeɡa bar Juda harɛ bwɛjena, dɛ laa toole harɛ la ta kpa, dɛkalkɛ Korowii tɛo deŋnesɔɔhna.

2 Webena 14:7

Kooro Asa ŋɔ Juda tena be ŋɔ, “Hé ɡel ya ma danjwɛkpeɡa bar bwɛjena nɔ, dɛ́ ma dejaŋa dɛ́ do bune a nyoo, dɛɛ kaɡra bune ne. Harɛ la ɛ ya kon. Yaa ɛ waa Korowii yaa dɛ tomɔ la aa dɛ nyin la waa o ɡel ya dɔ deŋnesɔɔhna la.” Anomanta, ba ɛ ɡɛ asɛ a do wer tɛɛ ba.

2 Webena 15:12

Juda tena la baɡɛ nyoa ŋɔ, baa tomɛ Korowii ba naawa fa aa tomɔ la ba bambile ne ba liire bwa nee.

2 Webena 15:14

Ba do lɔŋɔ kohona dɛ hoh bɛle, ne pee nyeɡle bɛle, dɛ ŋwɛɛ ntam baɡle Korowii ŋɔ, baa teŋɛ fɔo la taa.

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

2 Webena 15:4

Kɛ wenaale aa ba ba nɛɛ la, ba ɡaaɡe Korowii Israel tena aa dɛ tomɔ la bɔr, asɛ o ɡel ba nao.

2 Webena 15:6

Harɛre nɛra yon dɛɛ yo dɔŋa, bwɛjena ɡe ɛɛ yo dɔŋa, dɛkalkɛ dɛ Korowiirii kpɔ wenaale baa ta ba nɛ harɛre la ta.

2 Webena 19:3

Kɛ he ɛ wedɛɛɡa tama ane, dɛkalkɛ he teŋni voɡ Asera daa nɛra aa dɛ tomɛ le he harɛ ta, dɛɛ teŋɛ waa Korowii aa dɛ nyin ta.”

2 Webena 20:30

Anee ɡela Kooro Jehosafat dɔ deŋnesɔɔhna o harɛ waa dɛ di kora o ta, dɛkalkɛ Korowii waa dɛ tomɔ ja o nɛ ŋwɛnɛ bɛlbwa ta.

2 Webena 29:10

Anomanta, men Kooro Hɛsɛkea kpɔ liire kɛŋɔ n ne Korowii Israel tena aa dɛ tomɔ la fɔwɛ fɔo, ásɛ o baah bɛ ya nɛɛ di kohona.

2 Webena 29:36

Kooro Hɛsɛkea ne nɛra la bwa sie lɛo, Korowii chae waa cha ba ba ɛ a ɡɛ waa la bwa warane la.

2 Webena 34:31

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne.

Nehemia 8:9

Ate, Nehemia waa ɛ harɛ la ta nomoa, ne sɔfo Ɛsra waa ɛ tɔnjereme, dɛ Lewi dea tena baa baɡle waa la bini tɛ nɛra la ŋɔ, “Fini tɔpere do ɡoroŋ tɛ Korowii haa dɛ tomɔ, he bɛ wi.” Dɛkalkɛ nɛra la aa dɛ no waa la, dɛ ba dɛ wi.

Job Tɔn 34:29

Kɛ dɛ Korowii helɔ aa, umee dɛ won pwaoh wɔ? O kpɔ sie sɔh aa, umee dɛ nao wɔ? Kɛ o dɛ nyiŋi nɛmbeŋkpoŋ ne nɛra baa lɔ harɛ nɔ ta bwa kɛrɛdɛ,

Yela 119:10

N dɛ tomɛ n bambile bwa ne. Bɛ ɡel n vɛh waa haa do mɛ a ta la ta teŋa.

Yela 119:106

N ŋwɛɛrɔ kɛrɛdɛ kɛŋɔ mɛɛ teŋɛ he Mmarare aa toɡra la taa.

Yela 119:111

He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.

Yela 32:11

He nɛra he wa aa toɡra, hé ɡel he sie lɛ hɛɛ hɛɡre, waa Korowii aa ɛa la wa. Nɛra haa dɛ teŋɛ o waa ta la, hé do lɔŋɔre silɛɛ ne.

Kaala 24:3

Mosis aa la nɛra la be dɛ ka bol Korowii waa ne o Mmarare bwa ba be la, ba bwa kpɔ taa beŋkpoŋ sɛh ŋɔ, “Wobɛlbwa Korowii aa bol la, yaa ɛɔ.”

Sɛɡla 3:17

O ɡelɔ he soɡa bini ɛɛ do wer, dɛ́ berɛ ɡel hɛɛ dɔ bosɔɔhna.

Aesaya 26:8

Ya sie dawɛ he nɛɛ yaa teŋɛ he Mmarare ta, he ɡbosoo ya bambile lawɛ.

Aesaya 45:19

N ta wobɛlbwa bolɛ sɔh, kɛɛ dɛ che biro ta bol waa harɛ nɔ ta bobɛlbwa. N ta Israel tena be ŋɔe ŋɔ, ‘Hé nyin n bɔr pɛɛpɛɛ.’ Menee Korowii, Kasinteŋ ɡboo n bwa, waa aa wera dɛ toɡre ɡboo mɛɛ bol.”

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Mmarare 26:11

Ásɛ he ne Lewi dea tena ne hɔɔhra baa lɔ he baah la sie lɛ kondɛɛɡa Korowii haa dɛ tomɔ nɔ aa kpɔa tɛ he ne he dem tena la wa.

Felepae 1:23

N chinchaŋo. N dɛ nyin kɛ n sewɛ dɛ́ ka so Yeesu Kristo be. A bɔ kohona kɛ maa soɡe bonɔ.

Josua 23:1

Korowii baa ɡel Israel tena dɔ ba te ba dɔma nɔn ta biɡri, dɛ Josua hwɛɛhrɔ kɛrɛdɛ,

Josua 24:25

Awola tɔpere la, Josua ne Israel tena la fɔwɛ fɔo Sɛkem bela baa chema la, asɛ o berɛ kpɔ mmarare ane báa dɛɛ teŋɛ a ta tɛɛ ba.