2 Webena 14:8 - mzwDBL

⁸ Dɛ Kooro Asa dɔ laa tena kaɡboŋa lafraatoro Juda dea ba kpoŋe kwaa baa kpɔa dɛɛ tɔ ɡbemɡbe laa ta anjena ne lampeare. Dɛ berɛ dɔ laa tena kaɡboŋa lafraanɛ fifraanuatoro baa kpoŋe kwaa baa kpɔa dɛɛ tɔ ɡbemɡbe anjeɡre laa ta, ne tori le Bɛnjamen dea. Dɛ ba bwa ɛ banyoola kɛrɛdɛ!

2 Webena 14:8 ပူးပေါင်းရင်းမြစ်များ

1 Koranar 10:16

Kooro Solomɔn loɡɛ kwaa baa kpɔa dɛɛ tɔ ɡbemɡbe laa ta anjena lafraanɛ. Suuɡaswɛm aa bɔle bɛlbwa ta tɔɡre lɔ kilore anuanɛ.

1 Webena 8:40

Ulam bibaala waa lol ba ɛ banyoola dɛ jemɛ to ne yoi kɛrɛdɛ. Ba dɔ bibaala ne naanar taeh, ba lɔ nɛra lafa fifraanue. Bɛnjamen naanaree ba nɔ bwa.

2 Webena 11:1

Kooro Rɛhoboam aa tel Jerusalam la, o boa Juda ne Bɛnjamen deene tena baala baa jemɛ yoi nyoa nɛra kaɡboŋa lafa fifraanuatoro ŋɔ, bá ka yo Israel deene aa lɔ weekaŋle nyunduabɔr, ásɛ o won di kora harɛ la bwa ta.

2 Webena 11:8

ne Gat ne Maresa dɛ Sif,

2 Webena 12:2

Kooro Rɛhoboam aa di kora bene anue ta la, Ijipt harɛ Kooro Sisak baa yo Jerusalam tena, ba deŋnekpeɡ baa ɛa dɛ vɛh Korowii la wa.

2 Webena 12:3

O kpɔ kwaa aa do kɛ torɔɡore kaɡboŋ lafraanɛ, ne nɛra baa soɡe jaɡre ta kaɡboŋa fifraanumɛl, dɛ laa tena baa wola won kur ba, le Lebya ne Itiopia ne Suk tena ja o nɛɛ le Ijipt harɛ.

2 Webena 13:3

Kooro Abija kpɔ laa tena baa jemɛ yoi kaɡboŋa lafraanaarɛ, asɛ Kooro Jɛroboam ɡe kpɔ laa tena baa jemɛ yoi kaɡboŋa lafraanuatoro, ba ka cheme dɔŋa.

2 Webena 16:8

Itiopia tena ne Lebya laa tena fa ta warɛ taeh dɛ dɔ kwaa aa do kɛŋɔ torɔɡore, ne nɛra baa dɛ so jaɡre ta naa? Kɛ haa kpɔ he te dawɛ Korowii nɛɛ la, o ɡelɔ he pɔ ba nɛ aa?”

2 Webena 20:1

A habɔɔ la, Moab ne Amɔn dɛ Meuni tena vɔrɔwe laa, dɛ́ ba yo Juda Kooro Jehosafat ne o nɛra.

2 Webena 25:5

Kooro Amasea boa baala bwa baa lɔ Juda ne Bɛnjamen deene, dɛ le ba nomonnyuune ba chɔ laa tena kaɡboŋa ne lafare nyoo ba deene ta. Baala baa di bene fifraanɛ kɛɛ dɛ ɡwaa lɔ nɛra kaɡboŋa lafraatoro. Banee ba le ba kpɔ ba te dɛ jemɛ lampeare ne kwaa baa kpɔa dɛɛ tɔ ba te ɡbemɡbe laa ta ne yoi kɛrɛdɛ.