2 Webena 14:7 - mzwDBL

⁷ Kooro Asa ŋɔ Juda tena be ŋɔ, “Hé ɡel ya ma danjwɛkpeɡa bar bwɛjena nɔ, dɛ́ ma dejaŋa dɛ́ do bune a nyoo, dɛɛ kaɡra bune ne. Harɛ la ɛ ya kon. Yaa ɛ waa Korowii yaa dɛ tomɔ la aa dɛ nyin la waa o ɡel ya dɔ deŋnesɔɔhna la.” Anomanta, ba ɛ ɡɛ asɛ a do wer tɛɛ ba.

2 Webena 14:7 ပူးပေါင်းရင်းမြစ်များ

1 Pita 3:12

A do ɡɛ, dɛkalkɛ nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa. Kɛ nɛra baa dɛ ɛ wechɔɡa te, o ne baa jo.”

2 Webena 14:6

O bere saŋ, o ma danjwɛkpeɡa bar Juda harɛ bwɛjena, dɛ laa toole harɛ la ta kpa, dɛkalkɛ Korowii tɛo deŋnesɔɔhna.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

Amanesoma Jɔn Aa Chwera Tɔn 9:4

A wer kɛŋɔ bɔr aa chaahna nɔ, ya swɛɛ siwi dɛɛ ɛ Naate waa tom mɛ la toma, dɛkalkɛ bɔr dɛ ba bira nomɛlbwa aa wola won ɛ toma bɛlbwa kpa.

2 Webena 32:5

Kooro Hɛsɛkea ɛ toma taeh, dɛ ɡel ba kwaa ma danjwɛɛ waa bar Jerusalam la bobɛla aa kuuɡa la, dɛ ma dejaŋa chɔŋɛ danjwɛɛ la ta. O berɔ ɡel ba ma danjwɛfale bɛl bar ombene la, dɛ che bwea su harɛ waa ɛ bɔɔ Kooro Devid Bwɛjen la ta. O berɔ ɛ dɔmkwaa ne kwaa baa kpɔa dɛɛ tɔ ɡbemɡbe laa ta warɛ.

2 Webena 14:4

O do Juda tena bwa ŋɔ, baa ɛ waa Korowii ba naawa aa tomɔ la aa dɛ nyin, dɛɛ teŋɛ o Mmarare ne o webaɡla ta.

2 Webena 8:5

O berɔ kwaa vɔrɔwe bwɛjena Bɛt Hɔrɔn waa chɔ nyunduabɔr, ne Bɛt Hɔrɔn waa chɔ harɛbɔr. O ma danjwɛɛre bara, dɛ do ɡbeni a nyoo, dɛɛ kaɡra bune ne,

Josua 23:1

Korowii baa ɡel Israel tena dɔ ba te ba dɔma nɔn ta biɡri, dɛ Josua hwɛɛhrɔ kɛrɛdɛ,

2 Webena 15:15

Juda tena la bwa sie lɛo dɛɛ hɛɡre, dɛkalkɛ ba ŋwɛɛ ntam bambile bwa ne. Ba nyin Korowii sibeɡra ne, asɛ dɛ nao. Anomanta, Korowii tɛɛ ba deŋnesɔɔhna le ba dɔma nɔn ta.

2 Webena 20:30

Anee ɡela Kooro Jehosafat dɔ deŋnesɔɔhna o harɛ waa dɛ di kora o ta, dɛkalkɛ Korowii waa dɛ tomɔ ja o nɛ ŋwɛnɛ bɛlbwa ta.

1 Koranar 15:23

Waa Kooro Asa aa ɛa o kora dii ta, ne bwɛɛre waa ma danjwɛɛ bara, ne laa waa yoa dɛ pɔ nɛra nɛɛ la, ba chwera do Juda Koranar Waa Tɔne bini. O hwɛɛhra bini la, o we nakpaweela ane soo siwi.

2 Webena 17:13

dɛ dɔ kondikwaa kohona Juda harɛ bwɛɛre ta. O berɔ kpɔ laa tena baa jemɛ yoi kɛrɛdɛ ba so Jerusalam.

2 Webena 17:17

Dɛ le Bɛnjamen dea ɡe, Eliada waa jemɛ yoi kohona, o chɔ laa tena kaɡboŋa lafraanɛ baa kpoŋe tori ne hɛma, ne kwaa baa kpɔa dɛɛ tɔ ɡbemɡbe dɛɛ yo laa nyoa.

2 Webena 25:5

Kooro Amasea boa baala bwa baa lɔ Juda ne Bɛnjamen deene, dɛ le ba nomonnyuune ba chɔ laa tena kaɡboŋa ne lafare nyoo ba deene ta. Baala baa di bene fifraanɛ kɛɛ dɛ ɡwaa lɔ nɛra kaɡboŋa lafraatoro. Banee ba le ba kpɔ ba te dɛ jemɛ lampeare ne kwaa baa kpɔa dɛɛ tɔ ba te ɡbemɡbe laa ta ne yoi kɛrɛdɛ.

2 Webena 26:13

Laa tena kaɡboŋa lafraatoro dɛ banuanɛ lafraanue baa dɛ ba wona yo kooro dɔma tɛo kɛrɛdɛ la lɔ ba lɔɡa.