2 Webena 14:4 - mzwDBL

⁴ O do Juda tena bwa ŋɔ, baa ɛ waa Korowii ba naawa aa tomɔ la aa dɛ nyin, dɛɛ teŋɛ o Mmarare ne o webaɡla ta.

2 Webena 14:4 ပူးပေါင်းရင်းမြစ်များ

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

2 Webena 11:16

Nɛra baa le Israel deene bwa bini dɛ le ba bambile bini ŋɔ, baa tomɛ Korowii Israel tena aa dɛ tomɛ la teŋɛ Lewi dea tena nɛɛ ba Jerusalam, dɛ ba kpoo kwaa ɛ sarahare tɛ Korowii ba naawa aa toma.

2 Webena 14:3

O le harɛre ane kwaa baa dɛ ɛ saraha a ta, ne bela baa dɛ tomɛ voɡa deŋɡarere ta bwa ne. O paɡre bwea baa paaɡa dɛɛ duura, dɛ teŋe voɡhaah Asera dajaŋa ta.

2 Webena 14:5

O chɔɡ bela baa dɛ tomɛ voɡa, ne kwaa baa dɛ fuh daawiile a sɔɔh aa soma a ta bwa Juda harɛ bwɛjen bɛlbwa ta, asɛ deŋnesɔɔhna do harɛ la ta o bere saŋ.

2 Webena 29:21

Ba kpɔ nabala anuanɛ ne pebala anuanɛ, ne pebiiri anuanɛ dɛ bombala anuanɛ, dɛ ka ɛ wechɔɡa kpɔe dɛ́ kɛ saraha tɛ harɛ la nɛra bwa, ne Korowii Dea la, dɛ Juda harɛ nɛra ɡe bwa. Kooro do Arɔn naanar baa ɛ sɔfore la ŋɔ, bá kpoo kwaa la kon baa kpoo kwaa ɛ saraha dɛɛ tɛ Korowii la ta.

2 Webena 29:27

Kooro Hɛsɛkea ŋɔ ba kpɔ saraha kwaa baa fuah la ba kon baa ɛ saraha dɛɛ tɛ Korowii o ta la ta. Saraha ɛɛ la aa pa mun la, ba pa mun ɡo yela dɛɛ kpɛɛ Korowii, asɛ bɛle ne kwaa Israel Kooro Devid aa kpɔa dɛɛ lɔ yela ɡe ja.

2 Webena 29:30

Kooro Hɛsɛkea ne o nomonome ŋɔ Lewi dea tena be ŋɔ, bá kpɔ yela Kooro Devid ne o keame Asaf waa dɛ na chaahna aa chwera la kpɛɛ Korowii. Anomanta, ba ɡo kpɛɛra yela silɛɛ ne, dɛ ɡuŋi tomɛ Korowii.

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

2 Webena 30:19

“N Naa Korowii ya naawa aa tomɛ, che he wer haa doa ta dɛ́ kpɔ kɛ nɛra baa dɛ tomɛ bambile bwa ne nɔ, a lole kɛŋɔ ba ta doŋa laa kpɔ ba nɛ.”

2 Webena 33:16

O berɔ ɡel ba kwaa ma kon baa ɛ saraha o ta dɛɛ tɛ Korowii la, asɛ o kpoo kwaa ɛ deŋnesɔɔhna ne jam sarahare o ta. O ŋɔ Juda harɛ nɛra be ŋɔ, bá tomɛ Korowii Israel tena aa dɛ tomɔ la.

Nehemia 13:9

Ate, n ɡel ba ɛ we-ɛɛla a ɡel deene la do ɡoroŋ, asɛ n berɛ kpɔ Korowii Dea laala la bwa ne mea sarahare, dɛ daawiile a sɔɔh aa soma la ka cheɡ o bini.

Yela 119:10

N dɛ tomɛ n bambile bwa ne. Bɛ ɡel n vɛh waa haa do mɛ a ta la ta teŋa.

Emɔs 5:4

Korowii ŋɔ Israel tena be ŋɔ, “Hé berɛ ba n be, ásɛ dɛ dɔ he nyu.

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

1 Samoɛl 3:13

N tɔ sie ɡel o jemɛ kɛŋɔ mɛɛ tɛr o ne o dem tena deŋnee o bibaala waa baa bola yaɡ mɛ la wa, dɛkalkɛ o ta ban kasinteŋ dii.