2 Webena 14:2 - mzwDBL

² Kooro Asa ɛ waa aa wera dɛ toɡre, Korowii waa dɛ tomɔ la be.

2 Webena 14:2 ပူးပေါင်းရင်းမြစ်များ

1 Koranar 15:11

Kooro Asa ɛ waa aa wera Korowii be, ɡɛ o nabaa Kooro Devid aa ɛa la.

1 Koranar 15:12

O doŋi nɛra baa dɛ bɔ jwamane voɡare mun harɛ la ta, dɛ huɡri voɡa o naawa aa ɛa la bwa ta.

1 Koranar 15:14

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

2 Webena 14:1

Kooro Abija sewɔ ba huɡo o naawa huɡribɔr Jerusalam waa ɛ Kooro Devid Bwɛjen ta. Asɛ o bibaa Asa chiɡ o naa ta dɛ di kora. Kooro Asa bere saŋ la, deŋnesɔɔhna lɔ harɛ la ta bene fi.

2 Webena 14:3

O le harɛre ane kwaa baa dɛ ɛ saraha a ta, ne bela baa dɛ tomɛ voɡa deŋɡarere ta bwa ne. O paɡre bwea baa paaɡa dɛɛ duura, dɛ teŋe voɡhaah Asera dajaŋa ta.

2 Webena 15:16

Kooro Asa ir o naa Maaka haŋkora ta, dɛkalkɛŋɔ o ɛ voɡ Asera daa aa ɛ kii kwaa la. Kooro Asa teŋni daa la, dɛ fuah Kedrɔn Fɛlembɔjen ta.

2 Webena 17:6

O bambile lawɛ Korowii toma kohona, asɛ dɛ chɔɡ bɔra voɡtoroma aa dɛ tomɛ voɡa ne voɡ Asera dajaŋa aa lɔ Juda harɛ ta.

2 Webena 20:32

Kooro Jehosafat ɛ ɡɛ o mɛɛ Kooro Asa aa ɛa wobɛlbwa ta, o ta an ɡelɛ. O ɛ waa aa toɡra Korowii be.

2 Webena 21:12

Korowii keame Elaeja chwerɛ tɔn ka tɛ Kooro Jehoram ŋɔ, “Waa Korowii he naa Devid aa tomɔ aa dɛ bol laanee nɔ, ‘He ta waa he mɛɛ Kooro Jehosafat, kɛɛ he nabaa Kooro Asa aa ɛa ta teŋɛ.

2 Webena 31:1

Baa di tɔpejen la tonɛ la, Israel tena baa lɔ bela la jo Juda harɛ bwɛɛre ta, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. Ba chɔɡ bɔra baa dɛ tomɛ voɡare deŋɡarere ta, ne kwaa baa dɛ ɛ sarahare a ta, Juda harɛ ne Bɛnjamen ne Efrem, dɛ Manasɛ harɛre deene ta bwa. Baa chɔɡ a bwa tonɛ la, asɛ ba bwa berɛ kaa ba bwɛɛre.

2 Webena 31:20

Gɛɛ Kooro Hɛsɛkea ɛ Juda harɛ ta bwa, dɛɛ ɛ waa aa wera dɛ toɡre Korowii waa dɛ tomɔ la be.

2 Webena 34:7

Kooro Josia ɡelɔ ba paɡre kwaa baa kpoo kwaa a ta, dɛ ɛ sarahare dɛɛ tɛ voɡare la, dɛ chɔɡ voɡ Asera dajaŋa Israel harɛ ta bobɛlbwa. O paɡre voɡare la mohooh ken, dɛ paɡre kwaa baa fuh konsɔɔhsoma a ta dɛɛ tɛ voɡare la ɡe, dɛ berɛ laa berɛ kaa Jerusalam.

Kaala 23:24

He bɛ ba voɡare dɛɛ tomɛ a ba ɛ kɛŋɔ hɛɛ dɛɛ teŋɛ ba we-ɛɛla taa. Hé paɡre a ne ba bwea baa paaɡa dɛɛ duura la bwa burbur ken.

Amanesoma Luk Aa Chwera Tɔn 1:75

ásɛ ya ɛ nɛndɛɛɡa ya waa do ɡoroŋ o sie ya soɡa bini bwa.”

Mmarare 12:3

Hé kuuɡi bela baa kpoo kwaa dɛɛ tɛ ba voɡare, dɛ́ paɡre bwea baa paaɡa dɛɛ duura la. Dɛ́ berɛ fuh ba voɡhaah Asera dajaŋa, dɛ́ huɡri voɡa baa ɛa cheɡ dɛɛ toma la, dɛ́ chɔɡ a bwa le bela a waa bwa le kwara.