2 Webena 14:14 - mzwDBL

¹⁴ Ate, ba chɔɡ bwɛjeɡre aa bar Gerar la bwa, dɛkalkɛ Korowii ɡelɔ ɔmee kohona chole ba nɛ. Ba jo bwɛjeɡre la ta dɛ pa ba laala, dɛkalkɛ dɛ laala lɔ bela kɛrɛdɛ.

2 Webena 14:14 ပူးပေါင်းရင်းမြစ်များ

Mumpar 35:5

Jekɔb ne o bii aa dɛ ba bela ira la, Korowii ɡelɔ ɔmee kohona chole nɛra baa lɔ bwɛɛre aa bɛne bela tena bwa nɛ ba ta wone ti ba dɛ ɛɛ ba wobɛlbwa.

1 Koranar 15:23

Waa Kooro Asa aa ɛa o kora dii ta, ne bwɛɛre waa ma danjwɛɛ bara, ne laa waa yoa dɛ pɔ nɛra nɛɛ la, ba chwera do Juda Koranar Waa Tɔne bini. O hwɛɛhra bini la, o we nakpaweela ane soo siwi.

2 Koranar 7:16

Ate, nɛra le bwɛjen Samaria ta, dɛ ka kah kwaa aa lɔ bela Siiria tena aa baa so la. Ba pa kwaa kohona, a ɡel ba yoɡ lakaja baa do mea suuɡapoŋ beŋkpoŋ, ɡɛ Korowii aa ŋɔa la.

2 Webena 14:15

Ba kaa yo nɛra bane ɡe baa dɛ nyiŋi boohna ne peera nɛ, bela baa soɡa, dɛ larawe boohna ne peera, dɛ nyoɡmare kohona dɛ laa berɛ ba Jerusalam.

2 Webena 17:10

Korowii kpɔ ɔmee ta harɛre aa bar Juda la nɛ kɛŋɔ, bá la ka yo Kooro Jehosafat laa.

2 Webena 20:25

Ate, Kooro Jehosafat ne o laa tena la ka pa ba laala kɛŋɔ laa ta kwa. Ba na nae ne dɔmkwa dɛ suuɡaswɛm koŋkwaare a yoɡ aa kpeɡa warɛ taeh. Tɔpera atoroo ba won kpɔ boa a bwa nyoa, kɛ ba ta wone kpɔ a bwa, dɛkalkɛ dɛ a warɔ kɛrɛdɛ.

2 Webena 20:29

Harɛ bɛlbwa nɛra no ɡɛ Korowii aa yo Israel tena dɔma tɛɛ ba la aa, dɛ ɔmee kohona laɡ ba.

Job Tɔn 15:21

Ɔmewa ɛɛ chole ba deŋna taa, ɡɛ saŋ baa ŋɔ ba soɡe deŋnesɔɔhna ta, ŋwɛɛra den lɔ ba tɔ ba nɛ.

Yela 68:12

“Koranar ne ba laa tena chwao le dɛɛ kaa!” Haahna baa ka dem la kpɔ laala baa kpɔa laa ta la bɔne dɔŋa.

Aesaya 31:9

Ba koojen ɛɛ ɔmɔɔ dɛ́ chwa, ásɛ ba nomonome baa chɔ laa nyoa la kpɔ ɔmee dɛ́ chwa ɡel ba laa fraŋkaa.” Korowiirii bola. O nii waa kpɔa dɛ fuh saraha kwaa la lɔ Jerusalam Saayɔn Bwejen ta.

Aesaya 33:23

Gboɡbie dɔma aa kpɔa baŋre ba ɡbeni yal la yɔɡɔ. A ta wone lawɛ dajaŋ yal la aa lɔ o ta la kɛrɛdɛ, Nɛra ɛɛ bɔne dɔma laaladamanta baa paa laa ta laanee, hale boobie kwaraa pa ane.

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

Mmarare 2:25

Fini tɔpere nɔ, mɛɛ pa munii dɛ́ ɡel harɛre bwa nɛra baa no he waa la ɛɛ ɔmɛ kohona, dɛ́ kpɔ ɔmee ne bochela ta ba nɛ.’

Josua 2:24

Ba ŋɔ o be ŋɔ, “Ya nao kɛŋɔ Korowii kpɔ harɛ la bwa do ya nɔn ta. Bela tena bwa jum jah ya wa.”

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Sitɔɔla 14:19

Korowii Doma baa so Samsen nɛɛ dɛ tɛo kpeɡri. O la Filisti tena bwɛɛ Askɛlɔn, dɛ ka kpoo baala fifraatoro, dɛ pa ba laala ba tɛ nɛra baa baɡlo wobobeele la mun la. O baah diu kɛrɛdɛ, o chiɡ ŋwɛnɛ ta kaa o bwɛ o mɛɛ be.

1 Samoɛl 14:15

Belaa ɔmee kohona chole laa tena la bwa nɛɛ baa chel, banɔ la baa lɔ bela baa baŋre ba tɛnte deene ne banɔ la baa lɔ kpɔɡ bini, dɛ nɛra baa laŋa dɛɛ la ka yo bwa. Korowii ɡelɔ harɛ jiɡri ɔmee kohona chole ba nɛ.