2 Webena 14:11 - mzwDBL

¹¹ Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

2 Webena 14:11 ပူးပေါင်းရင်းမြစ်များ

1 Koranar 8:44

Kooro Solomɔn berɔ ŋɔ, “Dɛ he do he nɛra bobɛlbwa ŋɔ bá ka yo ba dɔma, asɛ ba berɛ sie chaɡɛ he bwɛjen ne he Dea maa doa he sɔn ta dɛ soŋe naa,

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

2 Webena 13:12

Korowii ja ya nɛ, onee ya sitɔɔ. O sɔfore ɛɛ hoh laa bɛlee yerɛ yaa yá ba yo heya. Israel tena, he bɛ Korowii he naawa aa tomɔ yo, haa won pɔ o nɛ.”

2 Webena 13:14

Juda tena laa tena nao kɛŋɔ Israel laa tena la bar ba cheme, belaa ba do lɔŋɔ yerɛ Korowii. Asɛ sɔfore la hoh bɛle,

2 Webena 13:15

asɛ Juda laa tena la do laa lɔŋɔ, asɛ Kooro Abija tɔ ba sie ba ka yoo ba. Korowii ɡelɔ ba pɔ Kooro Jɛroboam ne Israel tena nɛ.

2 Webena 13:18

Gɛɛ Juda tena pɔ Israel tena nɛ, dɛ sɔɔh ba nyoa, dɛkalkɛ ba kpɔ ba te dawɛ Korowii ba naawa aa tomɔ nɛ.

2 Webena 14:10

Ate, Kooro Asa le, dɛ ka puu yo, bɛlbwa ne o laa tena cheɡɛ ba chebɔra Sɛfata Fɛlembɔjen bini, o bɛne Maresa.

2 Webena 16:7

A ɡɛ saŋ la, Korowii keame Hanani ba Kooro Asa be dɛ ŋɔ, “Haa kpɔ he te dawɛ Siiria kooro nɛɛ dɛ vɛh he te kpɔe dɛ dawɛ Korowii haa dɛ tomɔ nɛɛ nomanta, Siiria kooro laa tena la le he habɔɔ.

2 Webena 18:31

Laa sitɔɔla la aa na Kooro Jehosafat la, ba liiro ŋɔ Israel kooroo, asɛ ba laa berɛ ŋɔ bá ka yoo. Kɛ waa dɛ dooɡe lɔŋɔre la, Korowii chao dɛ ɡel ba laa berɛ kaa.

2 Webena 20:12

Henee Korowii yaa dɛ tomɛ. Tɛr ba deŋne, dɛkalkɛ ya ta kpeɡri dɔe dɛ́ won che laa tena baa wara dɛɛ ba ya nɛɛ nɔ sie. Yaa jemɛ ɡɛ yaa ɛ, he siwi taa yaa nyiŋi.”

2 Webena 20:32

Kooro Jehosafat ɛ ɡɛ o mɛɛ Kooro Asa aa ɛa wobɛlbwa ta, o ta an ɡelɛ. O ɛ waa aa toɡra Korowii be.

2 Webena 25:8

He dɛ lii kɛŋɔ ba ja he nɛ aa, anee he do kpeɡri laa la ta, kɛ Korowiirii dɔ kpeɡri, dɛ ɡel nɛn ɛɛ pɔ o dɔŋ nɛɛ kɛɛ wɛɛ chole. Wɛɛ ɡeloo he dɔma pɔ he nɛ.”

2 Webena 26:7

Korowii chao o pɔ Filisti tena ne Arab tena baa soɡe Gur Baal, dɛ Meuni tena nɛ.

2 Webena 32:20

Ate, Kooro Hɛsɛkea ne Emɔɔs bibaa Korowii keame Aesaya wi no Korowii ŋɔ ó cha ba.

2 Webena 32:8

Nɛwɛnyini kpeɡrii ba dɔ, kɛ ya te, Korowii yaa dɛ tomɔ laanee dɛ́ cha yaa, dɛ́ yo tɛ yaa.” Ate, nɛra la dɔ hwɛɡa dɛ le waa Juda Kooro Hɛsɛkea aa bola la ta.

Yela 120:1

N fa aa lɔ wenaale ta la, n wio no Korowii, asɛ o chaŋ mɛ.

Yela 18:6

N wahala bini n wio no hen Korowii ŋɔ hé lɛɛ mɛ, n wio no hen Korowii maa dɛ tomɛ ŋɔ, hé cha mɛ, he no n taa he Dea la bini, n wii la tel he be, asɛ he no.

Yela 20:5

Ásɛ ya kpɔ silɛɛ moo, pɔe haa pɔ ya dɔma nɛɛ la wa, dɛ́ ir ya fraŋkaare, Korowii yaa dɛ tomɛ sɔn ta. Kórowii no he wesoŋa bwa.

Yela 20:7

Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Yela 20:8

A ɡɛ nɛra nɔ ɛɛ lɔ naa, dɛ́ choɡli, kɛ ya te ɛɛ iruu, dɛ́ che kiŋkiŋ.

Yela 22:5

Ba wio noe, asɛ he lɛɛ ba le siswɛm ta, ba kpɔ ba te dawɛ he nɛ, he ta ɡelɛ a ɛ pɛɛ.

Yela 22:6

N ta nɛn ɛɛ kpa, n do kɛ sɔɡlɔ, nɛra baa hah mɛ, dɛɛ nyiŋi n nyubaah.

Yela 34:6

Nɛŋɡwɛɡra wio no Korowii, o no ba be, dɛ lɛɛ ba le ba wenaale bwa ta.

Yela 37:5

Hé kpɔ he waa bwa do Korowii nɔn ta, hé kpɔ he te dawɛ o nɛ, ásɛ o cha heya.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 9:19

N Naa Korowii, ir nyu ne. Bɛ ɡel nɛwɛnyini nyiŋi he nyubaah. Ba voɡtoroma ne he sie, dɛ́ pa ba bolchɔɡe.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Kaala 14:10

Kooro ne o laa tena aa dɛ bɛn ba asɛ Israel tena ke nyiŋi la, ba nao kɛŋɔ Ijipt tena puu ba tonɛ. Asɛ ɔmee kohona nomanta, ba wi dɛɛ yerɛ Korowii ŋɔ ó ba cha ba.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Aesaya 10:20

Gɛ saŋ la, Israel tena baa kaa la aa hwɛɡaa dɔ Asiiria koojen waa lɔ ba harɛ la nɛɛ kpa. Korowii Israel Nɛŋɡoroŋ la nɛɛ baa ba ba kpɔ ba te dawɛ kasinteŋ ne.

Aesaya 2:22

He bɛ hwɛɡa kpɔ do nɛwɛnyini nɛɛ kpa. Waa sewaa? Bɔkwaa nɛwɛnyini ɡeɔ?

Aesaya 26:13

Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.

Jeremia 1:19

Baa yoi, kɛ baa won pɔ he nɛ, dɛkalkɛ n ja he nɛɛ ásɛ dɛ lɛɛ, men Korowiirii bola.”

Lewi Dea Tena 26:8

ásɛ he nɛra banue yo nɛra lafa dɛ́ won pɔ ba nɛ, he nɛra lafa ɡe won yo nɛra kaɡboŋa fi dɛ́ pɔ ba nɛ.

Emɔs 5:9

Onee dɛɛ chɔɡ ba dekpeɡa, dɛ ɡel bwɛjen baa ma danjwɛɛ baro ɛɛ berɛ dimɡbia.

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Amanesoma Jɔn Aa Chwera Tɔn 14:1

Yeesu berɔ ŋɔ, “He bɛ ɡel he bambile chɔɡ! Hɛ́ɛ yarada Korowii ásɛ dɛɛ yarada n ɡe.

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

We-ɛɛla 2:21

A ɡɛ saŋ la, nomɛlbwa waa yerɛ men Korowii sɔn la, mɛɛ lɛo.’

We-ɛɛla 3:16

O sɔnee ya yerɛ asɛ baa nɔ ɡbaŋre la. Yarada yaa dɛ yarada Yeesu la, a taa a che waa nɔ haa naa nɔ won ɛ la. O waa la yaa dɛ yarada la, a ɡbosoroo chah baa nɔ he bwa aa jemɔ nɔ la. He bwa ɡee naa kɛŋɔ o ɡbaŋrɔ.

We-ɛɛla 9:4

Belaa o chole harɛ dɛ no kɛŋɔ nomɛl aa dɛ yerɔ dɛɛ ŋɔ, “Oo, Sɔɔl! Ɛrɛɛ he che n nɛɛ ɡɛ nɔɔ?”

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Mmarare 32:27

Dɛ berɛ lii kɛŋɔ he dɔma bɛ ba te ba maŋkura dɛ́ ŋɔ banee pɔ n nɛra nɛ, kɛ dɛ menee wona ɛ ɡɛ.’

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Sitɔɔla 7:7

Belaa Korowii ŋɔ Gedeɔn be ŋɔ, “Nɛra lafraatoro baa lɔ nee ta nyoa la nɛɛ mɛɛ ba cheɡa, dɛ́ lɛ heyaa he pɔ Midian tena nɛ. Gel ba kar la bɛlbwa kaa bela waa lea ba.”

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”

1 Samoɛl 17:47

Nɛra baa cheme bonɔ bwa ɛɛ jemɔɔ kɛŋɔ kere kɛɛ lampea ne laa Korowii ɛɛ lɛ nɛn, yoi la ɛ Korowii kon, wɛɛ kpɔ he bwaa do ya nɔn ta.”

1 Samoɛl 2:9

He dɛ tɔ he nɛra ba wa aa toɡra ɡbemɡbe, kɛ nyubinikpeɡ tena te, he dɛ kpoo ba. Nɛn aa won che o bokpeɡa ta ɛ wobɛlbwa.