2 Webena 13:7 - mzwDBL

⁷ A habɔɔ, nɛnsale bane boa ba nyoa, dɛ ba ja o nɛ, dɛ vuuɡi Kooro Rɛhoboam, ɡɛ saŋ dɛ o nɔn ta kao waa wola wobɛlbwa jemɛ, dɛ puu ba yo.

2 Webena 13:7 ပူးပေါင်းရင်းမြစ်များ

2 Samoɛl 3:39

Fini, Korowii fuɡe noo do n nyu ta dɛ lee mɛ cheɡ kɛ kooro te, kɛ n ɡwɛɡrɔ. Seruya bibaala nɔ kpeɡri ɡwaa n nɛ. Korowiirii dɛ́ bɔ nɛnchɔɡe waa ɛ ɡɛ nɔ kem ɡɛ aa chɛa.”

1 Koranar 21:10

Hé nyin nyosonteŋna banɛ ba so, ásɛ ba ne o sie chaɡɛ dɔŋa. Ásɛ ba haŋɛ o nyoa nɛra la baah ta kɛŋɔ o taah Korowii ne kooro, dɛ́ lawɔ le bwɛjen la ta dɛ́ ka foɡro bwea kpo.”

1 Koranar 21:13

Nyosonteŋna banɛ la baa so ba ne o sie chaɡɛ dɔŋa, ba haŋɛ o nyoa nɛra la bwa baah ta kɛŋɔ o taah Korowii ne kooro la. Anomanta, ba lawɔ le bwɛjen la ta dɛ ka foɡro bwea kpo.

2 Webena 10:16

Nɛra baa ja Kooro Jɛroboam nɛ aa naa kɛŋɔ, kooro ta ba waa la ta noɛ la, ba ŋɔ o be ŋɔ, “Ya ne Kooro Devid naanar toole wobɛlbwa bini. Bɔkwaa ba ɛ tɛ yaa bwa nɔ? Ya bala Israel tena, hé ɡel ya kaa dem. Hé ɡel Kooro Rɛhoboam di o kora.” Gɛɛ a do Israel tena pa mun ɛo deŋnekpeɡ, dɛ bwa kaa ba deremi.

2 Webena 12:13

Kooro Rɛhoboam di bene fifraanaarɛ dɛ beŋkpoŋ mɔɔ dɛ di kora. O kora cheɡɔ kiŋkiŋ, o so Jerusalam Korowii aa lea cheɡ Israel harɛre bwa bini ŋɔ, baa tomɔ bela la, dɛ di kora bene fi dɛ anuanɛ. O nya sɔne Naama, Amɔn tee.

Job Tɔn 30:8

Ba ɛ nɛra ba wa aa wola tɔnɔ dɔe, ba ta sɔna dɔe, ba doŋ ba le harɛ la ta.

Yela 26:4

N ne nyosonteŋna aa darame kpɔ, n ne nɛnchɔɡa toole wobɛlbwa bini.

Sɛɡla 12:11

Paa waa swɛɛ siwi dɛɛ ɛ toma laanee, dɛɛ dɔ kondikwaa kohona. Gɛnee dɛɛ chɔɡ o te toma aa wola tɔnɔ dɔe ta.

Sɛɡla 28:19

Paa waa swɛɛ siwi dɛɛ ɛ toma laanee, dɛɛ dɔ kondikwaa kohona, kɛ onɔ la waa teŋɛ wesale ta la te dɛ nya.

Wejereme 10:16

Harɛ o nɛra kooro aa ɛ bonɔmbi, ba nomonome ɛɛ di kondikonjena, dɛɛ lɛ ba sie jwaana la, ba bwɛɛlɛ!

Aesaya 3:4

Bonɔmbiee mɛɛ ba ɡela bá chɔ ba nyoa, nɛra baa wola kpeɡee dɛɛ ba ba harɛre la ta nyiŋa.

We-ɛɛla 17:5

Nɛra baa yarada Pɔɔlwa waa la, dɛ baa ja asɔre tena la nɛɛ la aa dɛ warɛ la, dɛ aa somɛ Juu tena la be, asɛ ba ka nyin nɛŋkasale baa wola toma dɔe dɛ yon do dembaah dɛɛ ɡaaɡe ɡbo la, dɛ ir ba bwaawee, asɛ ba ne ba valɛ dɛɛ do ɡbɔɡa bwɛɛ la bwa. Ba la Jasen dem ŋɔ bá fe ka lawɛ Pɔɔl ne Silas ba tɛ bwɛɛla la.

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

Mmarare 13:13

ɡɛ hiribi nɛra nɔ iro dɛɛ neɡre nɛra ŋɔ baa tomɛ voɡfala aa,

Taetos 1:10

Deŋnekpeɡ tena lole taraken taeh, dɛ kpɔ wepuu dɛɛ neɡre nɛra. Juu tena baa lɔ he bini dɛɛ maŋkura penteŋ laanee dena dɛɛ ɛ ɡɛ kohona.

Hibru 5:12

Haa lea hweli waa nɔ biɡro, a chɛ kɛ saŋ nɔ he fe aa jema dɛɛ baɡle nɛra a wa. Kɛ he ta do kɛ nɛra baa pa mun dɛɛ hweli Korowii wa, asɛ a chɛ kɛ ba le mun ta dɛ́ baɡ ba a wa. A fe aa chɛ kɛ he won dɛɛ di kondikwaa tenten la, elee he ta ɛɛ ɔr.

Sitɔɔla 11:3

Anomanta, o chwao le ba bini dɛ ka so Tob harɛ ta. Belaa nɛra bane baa wola waane dɔe dɛɛ ɛ la, ba ja o nɛɛ dɛɛ teŋɛ o nɛ.

Sitɔɔla 9:4

Ba kpɔ suuɡapoŋa fifraanuanɛ le ba voɡ Baal Bɛret dea ba tɛo. O kpɔ ɡɛ suuɡa la bɔ nɛra ba siwi aa kpeɡa paa ba ba teŋɛ o nɛ.

1 Samoɛl 22:2

Banɔ la baa dɛ fiɡ ba ne nɛra baa di kema, dɛ banɔ la ba bambile aa chɔɡa bwa baa teŋɛ o nɛ. Nɛra dɛ ɛ lafraanaarɛɛ baa cheme o sie, o ɛ ba nomoa.