2 Webena 13:15 - mzwDBL

¹⁵ asɛ Juda laa tena la do laa lɔŋɔ, asɛ Kooro Abija tɔ ba sie ba ka yoo ba. Korowii ɡelɔ ba pɔ Kooro Jɛroboam ne Israel tena nɛ.

2 Webena 13:15 ပူးပေါင်းရင်းမြစ်များ

2 Koranar 5:1

Dɛ baa bɛl lole baa yerɔ Naaman. Dɛ onee Siiria kooro laa sitɔɔ. Dɛ o ɛ nɛnjen asɛ o dɔɔ kooro ɛɛ duuru kohona. Dɛkalkɛ a cheɡɛ o nɛ Korowii cha ba, dɛ ɡel ba pɔ ba dɔma nɛ. Kɛ dɛ wee lɔ Naaman nɛ.

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

2 Webena 14:12

Korowii cha Kooro Asa ne Juda laa tena, asɛ ba pɔ Itiopia tena la nɛ. Ba chwao,

2 Webena 18:31

Laa sitɔɔla la aa na Kooro Jehosafat la, ba liiro ŋɔ Israel kooroo, asɛ ba laa berɛ ŋɔ bá ka yoo. Kɛ waa dɛ dooɡe lɔŋɔre la, Korowii chao dɛ ɡel ba laa berɛ kaa.

2 Webena 20:21

Kooro ne nɛra la bane bol wa, asɛ o le yelɡoola bane ŋɔ bá ɡo yela kpɛɛ Korowii, o ɡoroŋ waa doa dɛ do kan kohona la wa, asɛ ba tɔ laa tena la sie dɛɛ ɡo yela ŋɔ, “Hé kpɛɛ Korowii o nyina waa dɛ nyin yaa lole saŋ bɛlbwa dɛɛ la.”

2 Webena 20:22

Baa pa mun dɛɛ ɡo yela la, Korowii ɡelɔ Amɔn ne Moab, dɛ Edom laa tena baa dɛ ba ba lɔ tɔ Juda tena nɛɛ dɛ́ yoo ba la wili.

Yela 47:1

Harɛre bwa nɛra, hé lɔ kpaŋa, á baɡle kɛ he sie lɛo, hé do lɔŋɔre kpɛɛ Korowii silɛɛ yela ne.

Yela 47:5

Korowii iro dɛɛ la ka so o kookara ta, nɛra hoh bɛle silɛɛ ne dɛɛ moo.

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Nɛra Kura 32:4

Korowii aa sɔɔh a nɛra kpeɡri nyoa dɛ lɛ tɛ ya Israel tena la wer ne kwaa dɛɛra, he bonɔɔna ɡe, ya dɔ kondɛɛra.

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Josua 6:16

Baa bara kera anuanɛ ta la, sɔfore la hoh ba bɛle la, asɛ Josua ŋɔ nɛra la be ŋɔ, “Hé do lɔŋɔre! Korowii kpɔ bwɛjen nɔ do he nɔn ta!

Josua 6:20

Bɛle la aa sia la, nɛra la do lɔŋɔre kohona asɛ danjwɛɛ baa maa bar bwɛjen la den kuuɡi kwaraa. Ate, laa tena la den jo bwɛjen la ta dɛ lɛ bwɛɛ la bwa dɔɔh.

Sitɔɔla 4:15

Barak aa dɛ tel Sisera be la, Korowii yoo tɛ Israel tena ba pɔ Sisera ne kwaa aa do kɛ torɔɡo ba vɔwɛ dɛɛ pɛla la bwa, ne o laa tena nɛɛ ba wili, asɛ Sisera tu le o bune kon waa do kɛ torɔɡo ba vɔwɛ pɛl jaaɡɔ la dɛ kpɔ nakpale ta chwa kaa.