2 Webena 13:11 - mzwDBL

¹¹ Chɔɔ ne jɔmɔra bwaa ba kpɔ saraha kwaa ba baa fuh, dɛ fuh daawiile a sɔɔh aa soma dɛɛ tɛ Korowii. Ba kpɔ paanoo dɛɛ dawɛ teebur waa do ɡoroŋ doŋa bɛlbwa aa wola toole o ta, dɛ choŋi kandere aa lɔ kandea daa baa kpɔ suuɡaswɛm ɛo jɔmɔra bɛlbwa. Ya dɛ ɛ waa Korowii yaa dɛ tomɔ la aa do yaa, kɛ he te vɛoh.

2 Webena 13:11 ပူးပေါင်းရင်းမြစ်များ

Mumpar 26:5

Dɛkalkɛŋɔ Abraham no n be, dɛ ɛ ɡɛ maa dɛ nyin, ne ɡɛ maa doo ŋɔ o ɛ, dɛɛ teŋɛ me Mmara te bɛlbwa ta.”

2 Webena 13:10

Ya te, Korowiirii yaa tomɛ, ya ta on vɛɛh. Arɔn naanar ɛ sɔfore dɛɛ ɛ Korowii toma, asɛ Lewi dea tena ɡe ɛɛ cha ba.

2 Webena 2:3

Kooro Solomɔn kpɔ kala tɛ Taaya Kooro Hiram ŋɔ, “Tɛ mɛ peleme daa ɡɛ haa tɛ n mɛɛ Kooro Devid o do koodem la.

2 Webena 2:4

N dɛ ba Dea doe tɛ Korowii maa dɛ tomɔ, ásɛ baa tomɔ o bini. Wɛɛ do ɡoroŋee, ásɛ n ne n nɛra fuh daawiile a sɔɔh aa soma dɛɛ tomɔ bela, dɛ́ kpɔ paanoo baa lea cheɡ tɛ Korowii o do ɡoroŋ dɛɛ ba o sie tɔpere bɛlbwa, dɛɛ fuh saraha kwaa chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane Korowii yaa dɛ tomɔ aa lea cheɡ. Gɛ waa nɔ chɔ le tɛ Israel tena saŋ bɛlbwa dɛɛ la.

2 Webena 4:20

kandea daa baa kpɔ suuɡaswɛm tenten ɛa ne a kandere aa dɛ chaah Korowii Dea la bini tenten la sie ɡɛ baa baɡla,

Kaala 29:38

Kwaa haa lawɛ ba saraha kon la ta ba ɛ saraha tɛ mɛ tɔpere bɛlbwa laanee pebiiri anɛ, a bɛlbwa aa di benanyoa.

Ɛsekeɛl 44:15

Kɛ Sadɔk naanar baa ɛ Lewi dea sɔfore dɛ kpɔ kasinteŋ ba tom mɛ n Dea bela, ɡɛ saŋ Israel tena aa le n habɔɔ la, banee ba n sie bela dɛ ba tom mɛ. Kɛ taraken, bá ba che n sie dɛ́ kpɔ ola noorare ne a chale ɛ sarahare dɛɛ tɛ mɛ. Men Nemenɛ Korowiirii bola.

Ɛsekeɛl 44:8

Heyaa chɛ kɛ he nyiŋi n waa aa do ɡoroŋ ta n Dea bela, kɛ he berɔ kpɔ do nɛŋhɔɔhra nɔn ta.

Ɛsekeɛl 48:11

Wɛɛ ɛ sɔfore la konee, Sadɔk naanar baa tom mɛ kasinteŋ ne, ba ta n ŋwɛnɛ ta leɛ, kɛŋɔ Lewi dea tena la bane aa ɛa ɡɛ saŋ Israel tena aa berɛ habɔɔ kpo mɛ la.

Nɛra Kura 1:53

Kɛ Léwi dea tena la te baŋre ba tɛnte deene bar n Tɛnte Dea la, ásɛ n bandia bɛ Israel tena la bwa nɛɛ ba. Lewi dea tena laanee chɛ kɛŋɔ báa nyiŋi n Tɛnte Dea la bwa ta.”

Nɛra Kura 16:46

Belaa Mosis ŋɔ Arɔn be ŋɔ, “Kpɔ kon baa dɛ fuh daawiile o bini la dɛ́ do ane o ta, dɛ́ buh nii le saraha kon la ta do o ta. Ɛ warane kpɔ kaa nɛra la baah ta, dɛ́ ka soŋe ba wechɔɡa Korowii be ó kpɔ kɛ ba. Korowii baah di ba nɛ, weechɔɡa la pa mun ba bini.”

Nɛra Kura 16:6

Kɛ hen Kora te, waa aa chɛ kɛŋɔ he ne he bala la ɛ laanee kɛŋɔ, hé kpɔ kwaa baa kpɔa dɛɛ buh nii la,

Nɛra Kura 9:19

Saŋ te bɛlbwa bam la aa tɔ o nyundua bela biɡri la, Israel tena la dɛ no ɡɛ Korowii aa dɛ baɡ ba dɛ so dɛɛ biɡri.

Amanesoma Luk Aa Chwera Tɔn 1:9

Gɛ sɔfore yon dɛɛ ɛ la, ba ta chacha mɔɔ dɛ leo ŋɔ ó jo Korowii Dea dɛ́ ka fuh daawiile a sɔɔh aa soma.