2 Webena 12:3 - mzwDBL

³ O kpɔ kwaa aa do kɛ torɔɡore kaɡboŋ lafraanɛ, ne nɛra baa soɡe jaɡre ta kaɡboŋa fifraanumɛl, dɛ laa tena baa wola won kur ba, le Lebya ne Itiopia ne Suk tena ja o nɛɛ le Ijipt harɛ.

2 Webena 12:3 ပူးပေါင်းရင်းမြစ်များ

2 Samoɛl 10:18

Kɛ Siiria laa tena ta wone che Israel laa tena la sie. Kooro Devid ne o laa tena kpoo nɛra baa soɡe kwaa aa do kɛŋɔ torɔɡore bini lafraanuanɛ, ne laa tena kaɡboŋa fifraanaarɛ baa dɛ valɛ. Ba kpo Sobak waa chɔ ba laa tena nyoa la ɡe.

2 Koranar 7:6

dɛkalkɛ Korowii ɡelɔ Siiria laa tena la no ɡbɔɡa kɛŋɔ torɔɡore, ne jaɡre nakpale sii dɛ laa tena damanta ɡbɔɡa kɛŋɔ baa dɛ ba ba be, asɛ ba ŋɔ dɔŋa be ŋɔ, “Hé na, Israel kooro kaa kpɔ Hiti ne Ijipt koranar ŋɔ, ba laa tena ba yo yaa.”

2 Webena 14:12

Korowii cha Kooro Asa ne Juda laa tena, asɛ ba pɔ Itiopia tena la nɛ. Ba chwao,

2 Webena 14:8

Dɛ Kooro Asa dɔ laa tena kaɡboŋa lafraatoro Juda dea ba kpoŋe kwaa baa kpɔa dɛɛ tɔ ɡbemɡbe laa ta anjena ne lampeare. Dɛ berɛ dɔ laa tena kaɡboŋa lafraanɛ fifraanuatoro baa kpoŋe kwaa baa kpɔa dɛɛ tɔ ɡbemɡbe anjeɡre laa ta, ne tori le Bɛnjamen dea. Dɛ ba bwa ɛ banyoola kɛrɛdɛ!

2 Webena 14:9

Sɛra waa le Itiopia kpɔ laa tena baa wara kohona, ne kwaa aa do kɛ torɔɡore lafraatoro dɛ ba bwɛjen Maresa.

2 Webena 16:8

Itiopia tena ne Lebya laa tena fa ta warɛ taeh dɛ dɔ kwaa aa do kɛŋɔ torɔɡore, ne nɛra baa dɛ so jaɡre ta naa? Kɛ haa kpɔ he te dawɛ Korowii nɛɛ la, o ɡelɔ he pɔ ba nɛ aa?”

Aesaya 43:3

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Ɛsekeɛl 30:5

Baa kpoo Itiopia ne Lidia ne Arab, dɛ Lebya harɛre laa tena baa kaa kpɔ ba, ba ba cha ba la bwa laa taa, dɛ́ kpoo n nɛra la bini bane ɡe.’ ”

Daneɛl 11:43

Wɛɛ pa Ijipt suuɡaswɛm ne suuɡapoŋa koŋkwaare dɛ kondɔɔh bɛlbwaa, dɛ́ le bela ka yo Lebya ne Itiopia harɛre tena, dɛ́ pɔ ba nɛ.

Neehum 3:9

Onee dɛɛ nyiŋi Itiopia ne Ijipt harɛre ta, o kpeɡri ta nyoa dɔe, Put ne Lebya harɛre nɛra bwa ɡe jao dɛɛ chao.

Wepila 9:16

Ba baɡlɔ kɛŋɔ Bɔnsam toroma la dɔ soojare kaɡboŋa bele kaɡboŋ ɡe bele lafraanɛ dɛ so jaɡre ta.

Sitɔɔla 4:13

o kpɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la lafraanuanaarɛ ne o laa tena baa lɔ o be bwa, dɛ kpoŋe le Harɔsɛt Haɡoyim kaa Kesɔn Moo la nyoa.

Sitɔɔla 6:5

Ba cheɡɛ ba tɛnte deene ba ne ba kondɛɛra fuɡe le aa, ba do kɛŋɔ tontombɛ ken. Haa won kure ba ne ba nyoɡmare. Ba dɛ so harɛ la ta dɛ́ chɔɡ ba kwaa bwa.

1 Samoɛl 13:5

Filisti tena la chemo kɛ bá ka yo Israel tena. Ba dɔ kwaa aa do kɛ torɔɡo baa vɔwa pɛl jaɡre kaɡboŋa atoro, asɛ laa tena kaɡboŋa banumɛl so jaɡre ta, dɛ laa tena baa wara kohona kɛŋɔ mpo nyoa hɛŋle ken. Ba kaa cheme Mikmas, waa lɔ bwɛɛ Bɛt Avɛn wee leebɔr.