2 Webena 12:2 - mzwDBL

² Kooro Rɛhoboam aa di kora bene anue ta la, Ijipt harɛ Kooro Sisak baa yo Jerusalam tena, ba deŋnekpeɡ baa ɛa dɛ vɛh Korowii la wa.

2 Webena 12:2 ပူးပေါင်းရင်းမြစ်များ

1 Koranar 11:40

Kooro Solomɔn takapɔ kɛŋɔ ó kpo Jɛroboam, asɛ o chwa kaa Ijipt harɛ ta Kooro Sisak be ka tel kɛŋɔ Kooro Solomɔn aa sewa.

2 Koranar 7:6

dɛkalkɛ Korowii ɡelɔ Siiria laa tena la no ɡbɔɡa kɛŋɔ torɔɡore, ne jaɡre nakpale sii dɛ laa tena damanta ɡbɔɡa kɛŋɔ baa dɛ ba ba be, asɛ ba ŋɔ dɔŋa be ŋɔ, “Hé na, Israel kooro kaa kpɔ Hiti ne Ijipt koranar ŋɔ, ba laa tena ba yo yaa.”

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

2 Webena 14:8

Dɛ Kooro Asa dɔ laa tena kaɡboŋa lafraatoro Juda dea ba kpoŋe kwaa baa kpɔa dɛɛ tɔ ɡbemɡbe laa ta anjena ne lampeare. Dɛ berɛ dɔ laa tena kaɡboŋa lafraanɛ fifraanuatoro baa kpoŋe kwaa baa kpɔa dɛɛ tɔ ɡbemɡbe anjeɡre laa ta, ne tori le Bɛnjamen dea. Dɛ ba bwa ɛ banyoola kɛrɛdɛ!

2 Webena 14:9

Sɛra waa le Itiopia kpɔ laa tena baa wara kohona, ne kwaa aa do kɛ torɔɡore lafraatoro dɛ ba bwɛjen Maresa.

2 Webena 24:18

Juda harɛ nɛra vɛh Korowii ba naawa fa aa dɛ tomɔ la ka toma o Dea bela, dɛ kaa tomɛ voɡhaah Asera dajaŋa ne voɡa. A ɡɛ wechɔɡa nɔ nomanta, Korowii baah di Juda tena ne Jerusalam tena nɛ.

Aesaya 18:2

Ba dɛ tomɛ toroma bá so dafɛɡa ɡbeni bini, dɛ́ kpɔ Nael Moo sie. Toroma haa ɡbaŋa, hé la harɛ o nɛra aa kpeɡa kohona ba bwara loɡa la be, nɛra baa do ɔma harɛ nɔ bwa ta, dɛɛ tiɡri ba dɔma nɛ neerare peɡri ba harɛ bini.

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Wiile 5:15

Silɛɛ toole ya bini kpa. Ya dɔ silɛɛ aa, anee ya yon dɛɛ sa, taraken te ya dɛ wi, dɛkalkɛ ya lɔ suna dii ta.