Kooro Solomɔn bibaa Kooro Rɛhoboam di kora Juda harɛ ta, dɛ o di bene fifraanaarɛ dɛ beŋkpoŋ. O di kora bene fi dɛ anuanɛ Jerusalam, bwɛjen Korowii aa lea le Israel deene bwɛɛre bini baa tomɔ bela la. Kooro Rɛhoboam nya sɔne Naama, Amɔn tee.
Ásɛ nɛra chaŋe ŋɔ, ‘Baa le Korowii baa dɛ tomɔ, o le ba naawa ne Ijipt harɛ ta habɔɔ, dɛ berɛ kaa yarada voɡa ane dɛɛ toma la waa Korowii kpɔ ɡɛ wekpeɡa nɔ ta ba nɛɛ la.’ ”
Kooro Rɛhoboam ɛ wejemwa, dɛ kpɔ o bibaala la bɛlbwa ka so Juda ne Bɛnjamen deene harɛre bwɛjena baa ma danjwɛkpeɡa bara la ta. O ta tea, dɛ tɛɛ ba ba konnyina kohona, dɛ mo haahna ɡe tɛɛ ba warɛ.
Kooro Rɛhoboam di bene fifraanaarɛ dɛ beŋkpoŋ mɔɔ dɛ di kora. O kora cheɡɔ kiŋkiŋ, o so Jerusalam Korowii aa lea cheɡ Israel harɛre bwa bini ŋɔ, baa tomɔ bela la, dɛ di kora bene fi dɛ anuanɛ. O nya sɔne Naama, Amɔn tee.
Juda harɛ nɛra vɛh Korowii ba naawa fa aa dɛ tomɔ la ka toma o Dea bela, dɛ kaa tomɛ voɡhaah Asera dajaŋa ne voɡa. A ɡɛ wechɔɡa nɔ nomanta, Korowii baah di Juda tena ne Jerusalam tena nɛ.
Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.
He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’
He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”
Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.