2 Webena 10:17 - mzwDBL

¹⁷ Kɛ Israel tena baa lɔ Juda harɛ bwɛɛre ta la te, dɛ Kooro Rɛhoboam dɛ di kora ba nɛ.

2 Webena 10:17 ပူးပေါင်းရင်းမြစ်များ

1 Koranar 11:36

Mɛɛ kpɔ dea beŋkpoŋ nɛraa do o nɔn ta, ɡɛ aa ɛ ásɛ n dɔ n bonɔɔ Devid naa saŋ bɛlbwa wɛɛ di kora Jerusalam, bwɛjen maa lea cheɡ ŋɔ baa tom mɛ la ta.

1 Koranar 12:17

Kɛ, Israel tena baa lɔ Juda harɛ bwɛɛre ta la te, dɛ Kooro Rɛhoboam dɛ́ di kora ba nɛ.

2 Webena 10:16

Nɛra baa ja Kooro Jɛroboam nɛ aa naa kɛŋɔ, kooro ta ba waa la ta noɛ la, ba ŋɔ o be ŋɔ, “Ya ne Kooro Devid naanar toole wobɛlbwa bini. Bɔkwaa ba ɛ tɛ yaa bwa nɔ? Ya bala Israel tena, hé ɡel ya kaa dem. Hé ɡel Kooro Rɛhoboam di o kora.” Gɛɛ a do Israel tena pa mun ɛo deŋnekpeɡ, dɛ bwa kaa ba deremi.

2 Webena 10:18

Belaa Kooro Rɛhoboam tomɛ Adoniram, waa chɔ tomkpeɡa ɛɛ nyoa ŋɔ ó la Israel tena be. Asɛ ba bwa foɡro bwea kpo. Kooro Rɛhoboam dɔ warane, dɛ jo o torɔɡo bini, dɛ chwa ka sɔh Jerusalam.

2 Webena 11:1

Kooro Rɛhoboam aa tel Jerusalam la, o boa Juda ne Bɛnjamen deene tena baala baa jemɛ yoi nyoa nɛra kaɡboŋa lafa fifraanuatoro ŋɔ, bá ka yo Israel deene aa lɔ weekaŋle nyunduabɔr, ásɛ o won di kora harɛ la bwa ta.

2 Webena 11:12

ne kwaa baa kpɔa dɛɛ tɔ ɡbemɡbe laa ta ne lampeare. Gɛɛ o ɛ dɛ lɛ Juda ne Bɛnjamen deene harɛ ba do o lɔɡa.

2 Webena 11:3

“Ŋɔ Kooro Solomɔn bie Kooro Rɛhoboam, Juda dea kooro la, ne Juda ne Bɛnjamen deene tena nɛra baa jaa la be ŋɔ,

Ɛsekeɛl 37:16

“Nɛwɛnyini bie, kpɔ da ásɛ dɛ chwerɛ o ta ŋɔ, ‘Kon nɔ ɛ Juda ne Israel tena baa ja o nɛɛ la kon.’ Berɛ kpɔ danɛɛte dɛ́ chwerɛ o ta ŋɔ, ‘Kon nɔ ɛ Efrem kon, dɛ che tɛ Josef ne Israel tena baa ja o nɛɛ la kon.’