2 Webena 10:16 - mzwDBL

¹⁶ Nɛra baa ja Kooro Jɛroboam nɛ aa naa kɛŋɔ, kooro ta ba waa la ta noɛ la, ba ŋɔ o be ŋɔ, “Ya ne Kooro Devid naanar toole wobɛlbwa bini. Bɔkwaa ba ɛ tɛ yaa bwa nɔ? Ya bala Israel tena, hé ɡel ya kaa dem. Hé ɡel Kooro Rɛhoboam di o kora.” Gɛɛ a do Israel tena pa mun ɛo deŋnekpeɡ, dɛ bwa kaa ba deremi.

2 Webena 10:16 ပူးပေါင်းရင်းမြစ်များ

2 Samoɛl 15:13

Awola bɛl, torome bɛl baa ŋɔ Kooro Devid be ŋɔ, “Israel tena bwa bambile lawɛ Absalɔm waa dɛɛ teŋɛ o nɛ.”

2 Samoɛl 16:11

Belaa Kooro Devid ŋɔ Abisae ne o nomonome la bwa be ŋɔ, “N bilole ɡbabir dɛ nyin mɛ dɛ́ kpo, ɛrɛɛ he ɡel Bɛnjamen dea nɛn nɔ wa ɛɛ ɛɛ nyokpoa ɔ? Hé ɡelo wɛɛ taah, Korowiirii tɛo ŋwɛnɛ.

2 Samoɛl 20:1

A balɔ kɛŋɔ Bikri bibaa Seeba lɔ Gelɡal harɛ, o le Bɛnjamen dea. Dɛ o dɔ dichɔɡa o nyu bini. O hoh bɛla dɛ ŋɔ, “Ya ta dibɔr bɛlbwa dɔe Kooro Devid be, yaa Jese bibaa nɛɛ teŋɛ! Israel baa bɛlbwa berɛ kaa dem.”

1 Koranar 11:13

Kɛ mɛɛ koh n bonɔɔ Kooro Devid ne bwɛjen Jerusalam maa kpɔa ɛ n bwɛɛ la waa, maa kora la bwaa lɛ. Mɛɛ ɡel dea beŋkpoŋ nɛraa tɛ he bie.”

1 Webena 17:14

Mɛɛ kpɔ n nɛra ne n harɛɛ do o nɔn ta, ásɛ n ɡel o kora che kiŋkiŋ saŋ bɛlbwa dɛɛ la.”

2 Webena 10:17

Kɛ Israel tena baa lɔ Juda harɛ bwɛɛre ta la te, dɛ Kooro Rɛhoboam dɛ di kora ba nɛ.

2 Webena 10:19

Le a ɡɛ saŋee Israel tena baa lɔ weekaŋle nyunduabɔr ɛ Kooro Devid dem tena deŋnekpeɡ, dɛ pere ba te le ba nɛɛ dɛ ba le fini.

Yela 132:17

Mɛɛ lawɛ Kooro Devid naanar la bini bɛlee, dɛ́ cheɡo kora ta Saayɔn wɛɛ di kpeɡri, dɛ́ ɡel kooro maa leo cheɡ la jirima ɛɛ chaah, kɛŋɔ nii waa dɛ chaah saŋ bɛlbwa ken.

Yela 76:10

Kasinteŋ, he baah di nɛra nɛ aa, a ɡelɔ baa kpɛɛre. Banɔ la baa le he bandia nyoa la, ba dɛ nyiŋi ba te kɛrɛdɛ.

Aesaya 11:1

Kooro bɛl ɛɛ le Jese bie Devid luɡe taa dɛ́ ba, kɛŋɔ daa yon pamɛ le o muŋkpul ta, dɛ dɔ kpala dɛ nɔnɛ la.

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Amanesoma Luk Aa Chwera Tɔn 19:14

Waa kaala la, o waa ta o bwɛɛ tena tea toorɛ, asɛ ba tomɛ toroma bá tiu dɛ ka ŋɔ, ‘Yaa baa nɔ nyin kɛ o ɛ ya kooro.’

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Amanesoma Jɔn Aa Chwera Tɔn 6:66

A ɡɛ waa nɔ taa a che nɛra ba fa aa teŋɛ o nɛɛ la kɛrɛdɛ le mumur dɛ ɡel o nɛɛ teŋa.

Amanesoma Jɔn Aa Chwera Tɔn 7:53

Belaa ba bwa ir kaa ba deremi.

We-ɛɛla 2:30

Kɛ o ɛ Korowii keame, dɛ berɛ jemɛ nyoa Korowii aa ŋwɛɛ ntam baɡɛ ŋɔ wɛɛ ɡeloo Devid naa bɛl ba di o kara la.

1 Kɔrent 15:25

Yeesu Kristo chɛ kɛŋɔ ó di kpeɡri komɛlbwa waa lɔ harɛ nɔ ta nɛɛ ka tel kɛŋɔ waa pɔ o dɔma bwa nɛ.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

Sitɔɔla 8:35

Wedɛɛɡa Gedeɔn baa dɛ yerɔ Jerub Baal aa ɛa tɛ Israel tena la, ba te ta wone ɛ ane tɛ o dem tena.

1 Samoɛl 20:27

Tɔ aa pera Korobifale Tɔpejen tɔpenɛɛte ta la, dɛ Devid sobɔr la chɔ pɛɛ ja. Anee Kooro Sɔɔl bɔɔ o bibaa Jonatan ŋɔ, “Bɔkwa waa bala Jese bibaa la aa wola kondikwaa nɔ bɔr balɛ dɛ ne fini bwa nɔɔ?”

1 Samoɛl 22:13

Anee Kooro Sɔɔl ŋɔ o be ŋɔ, “Ɛrɛɛ he ne Jese bibaa sɔh dɛɛ vɔrɔwe n vɔrɔwa, he tɛo kondikwa ne kere dɛ berɛ bɔɔ le Korowii be tɛo nɔɔ? A ɡelɔ o ɛɛ mɛ deŋnekpeɡ dɛɛ nyin mɛ dɛ́ kpo fini tɔpere.”

1 Samoɛl 22:7

Asɛ Kooro Sɔɔl ŋɔ ba be ŋɔ, “N bala haa le Bɛnjamen dea, hé no! Jese bibaa nɔ ɛɛ won tɛ he bwa harɛre ne daa kooni aa? Wɛɛ won cheɡ heyaa nomonome he chɔ laa tena kaɡboŋa kɛɛ lafare nyoa aa?

1 Samoɛl 22:9

Ate, Edom te Doeɡ o ne Kooro Sɔɔl laa nomonome la aa cheɡa la ŋɔ, “N na Jese bibaa la o ba Nɔb, Ahitub bibaa sɔfo Ahemɛlɛk be.