2 Webena 1:11 - mzwDBL

¹¹ Ate, Korowii ŋɔ Kooro Solomɔn be ŋɔ, “Haa lii wedɛɛɡa aa do ken, he ta kondɛɛɡa kɛɛ kondɔɔh kɛɛ waa aa ɡel he dɔ sɔn, kɛɛ he dɔma fe serewe, hale he ta he mkpa dɔe waa soŋɛ, dɛ soŋe wejema ne waa mun noe dɛ́ won nyiŋi n nɛra maa ɡela hɛɛ di kora ba nɛɛ nɔ nomanta,

2 Webena 1:11 ပူးပေါင်းရင်းမြစ်များ

1 Koranar 10:24

Nɛra bwa yon dɛɛ nyin o be bala dɛ́ ba no wejemwaa Korowii aa tɛo la.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Koranar 8:18

Asɛ Korowii ŋɔ Kooro Devid be ŋɔ, ‘Haa dɔ liire kɛŋɔ hɛɛ do Dea n sɔn taa nɔ, he ɛ waa kɛŋɔ haa lii ɡɛ,

1 Webena 28:2

Ate, Kooro Devid ir che dɛ ŋɔ, “Hé no n be, bwɛɛla. N liiro ŋɔ a chɛ kɛ ń do dea dɛ́ kpɔ Korowii Ne Nɛwɛnyina Fɔo Daka la ba cheɡ o bini, ó ɛ Korowii natiɡribɔr. Asɛ dɛ baɡle ɡɛ baa mao.

2 Webena 1:12

mɛɛ tɛɛ wejema ne waa mun noe. Mɛɛ berɔ tɛɛ kondɔɔh ne kondɛɛɡa dɛ jirima kohona, he dɔŋ aa wola lee do koranar bwa baa tɔ sie ba di kora, ne banɔ la baa ba di kora he habɔɔ.”

Sɛɡla 14:8

Wejereme jemɛ waa aa wera kɛ o ɛ. Gɛnee yon dɛɛ neɡre o nyu kɛ o jemɔ.

Sɛɡla 23:7

Gɛ naate la liire aa doa la, ɡɛɛ o ɡbaɡba do. Wɛɛ ŋɔ he bee ŋɔ, “Di he tea bwa.” Kɛ dɛ o bambile bwa ne laa.

Sɛɡla 8:15

N cha koranar baa di kora, ásɛ nomonome won mmarare aa wera doe.

We-ɛɛla 5:4

Haa wola harɛ la yoɡe mɔɔ la, dɛ hen dɔ he kon. Haa yoɡu tonɛ la ɡe la, dɛ suuɡa la ɡe ɛ he kwa. Aah dɛ bɔkwaa ɡela he ɛ ɡɛ nɔɔ? Nɛwɛnyini laa he neɡre nɔ. Korowiirii he neɡre la!”

Hibru 4:12

Korowii waa waa bola do kɛ kon o siwi aa lole, dɛɛ ɛ toma. A nyɛɡre ɡe ɡwaa naŋɡɔse bɛlbwa, hale dɛ́ fe won pere hweera le lileo ta, dɛ́ won jo sema bini, hale dɛ́ fe won pere hoɡa ne fɔɔla baah. A wono dɛɛ jemɛ nɛwɛnyini liire ne o wesɔɔhla bwa.

Jems 3:13

He bini umee ɛ wejereme dɛɛ no waa mun ɔ? Gel o pwɛr o te dɛɛ ɛ wedɛɛɡa, ásɛ o da baɡle kɛ o ɛ wejereme.

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”