2 Webena 1:1 - mzwDBL

¹ Kooro Devid bibaa Solomɔn soɡo kiŋkiŋ o kora ta Israel harɛ ta bwa, asɛ Korowii waa dɛ tomɔ che o mun ta, dɛ ɛo nɛnjen kohona.

2 Webena 1:1 ပူးပေါင်းရင်းမြစ်များ

Mumpar 21:22

A ɡɛ saŋ la, Kooro Abemɛlɛk kpɔ o laa tena nomoa Fekɔl dɛ la Abraham be dɛ ka ŋɔ, “He wobɛlbwa haa dɛ ɛ la, Korowii ja he nɛ.

Mumpar 39:2

Korowii teŋɛ Josef nɛ, anomanta, o ɡelɔ o wobɛlbwa do wer tɛo asɛ o so nomoa la dem.

Mumpar 39:21

Kɛ Korowii teŋɛ o nɛ, dɛ tɛo jirima dɛ ɛo kɛrɛdɛ, dɛ ɡel nomoa waa dɛ nyiŋi ba nɛɛ dea bela la sie lɛ o nɛ.

Mumpar 39:3

O nomoa la ɡe nao kɛŋɔ Korowii teŋɛ o nɛ dɛ ɡel o wobɛlbwa do wer tɛo.

1 Koranar 2:12

Kooro Solomɔn soɡe o mɛɛ Devid kora la ta asɛ o kora che kiŋkiŋ.

1 Koranar 2:46

Asɛ kooro yerɛ Bɛnaya ŋɔ ó ba lawɛ Simei le buse dɛ́ ka kpoo. Ásɛ name te kora la che Solomɔn nɔn ta kiŋkiŋ ken.

1 Webena 17:8

N ja he nɛ bobɛlbwa haa laŋa, dɛ yo he dɔma baa lɔ he sie, dɛ pɔ ba nɛɛ tɛɛ. Mɛɛ ɡeloo he sɔn le kɛŋɔ harɛ nɔ ta nɛnjena ken.

1 Webena 22:11

N bidɛɛɡe, Korowii haa dɛ tomɔ ja he nɛɛ dɛ́ tɛɛ hɛɛra he won do Dea tɛo ɡɛ waa bola la.

1 Webena 22:16

kɛŋɔ suuɡaswɛm ne suuɡapoŋa ta, ne ayaawa ne bune. Nɛra baa jemɛ kwaa bwa soo siwi sɛɛh baa wola nyoa dɔe. Name, pa toma la mun, Kórowii ja he nɛ.”

1 Webena 29:23

Gɛɛ Kooro Solomɔn ba so kora Korowii aa cheɡo ta, o chiɡ o mɛɛ Kooro Devid naa ta. O wobɛlbwa wer tɛo, Israel tena bwa kpɔ duure tɛo.

1 Webena 29:25

Korowii ɡɔɔ Kooro Solomɔn Israel tena bwa sie, dɛ tɛo jirima kohona Israel harɛ ta kooro bɛlbwa aa wola a dɔŋ dɔe.

1 Webena 29:30

ne ɡɛ waa di kora dɛ di kpeɡri, dɛ waa bwa aa chiɡa o bere saŋ, dɛ Israel harɛ ta waa ne harɛre ane ɡe ta waa bwa.

2 Webena 32:23

Nɛra warɔ kpɔ saraha kwaa ba tɛ Korowii Jerusalam pirim, ne koŋkɛɛla a yoɡ aa kpeɡa ba tɛ Juda Kooro Hɛsɛkea. Le bela dɛɛ kaa la, harɛre nɛra bwa kpɔ jirima tɛo kohona.

Kaala 3:12

Asɛ Korowii chaŋo ŋɔ, “Mɛɛ ja he nɛɛ, ásɛ dɛ he baa kpɔ n nɛra le Ijipt harɛ ta ba naa, bá baa tom mɛ bwejen nɔ ta. Anee dɛɛ ba baɡla kɛŋɔ menee tomɛ.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Josua 3:7

Belaa Korowii ŋɔ Josua be ŋɔ, “Finii mɛɛ ba mun pae dɛ́ ɡel Israel tena bwa jemɛ kɛŋɔ henee ba sitɔɔ, ásɛ ba jemɛ kɛrɛdɛ kɛŋɔ n ja he nɛɛ kɛŋɔ n fa aa ja Mosis nɛɛ la.”