2 Timoti 4:2 - mzwDBL

² hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

2 Timoti 4:2 ပူးပေါင်းရင်းမြစ်များ

Yela 40:9

He nɛra baa cheme warɛ aa, n dɛ bol amanesoma aa dɛ ba mkpa ne, maa n nyoa tɔ. N Naa Korowii, he ɡbabir jemɔ kɛ maa a bolaa ɡel.

Jona 3:2

“Ir kaa bwɛjen Niniwe, dɛ́ ka bol waa n fa aa bol he be la bela tena be.”

Amanesoma Luk Aa Chwera Tɔn 7:23

He naate haa wola men tɔŋle la, he na som.”

Amanesoma Luk Aa Chwera Tɔn 7:4

Baa la Yeesu be la, ba soŋo kohona ŋɔ ó ba chah nomoa la bonɔɔ la tɛo, dɛ ŋɔ o be ŋɔ, “A wer kɛŋɔ he cha nomoa nɔ,

Amanesoma Luk Aa Chwera Tɔn 9:60

Asɛ Yeesu chaŋo ŋɔ, “Gel nɛra baa wola Korowii mkpa dɔe la huɡe ba dɔŋa, ásɛ he ka bol Korowii Kora la bini waa baɡle nɛra.”

We-ɛɛla 13:5

Baa tel Saepros bwɛɛ bɛl baa dɛ yerɔ Salamis ta la, ba bol Korowii Waa baɡle nɛra bela Juu tena cheremi deene bini. Dɛ ba dɔ Jɔn Mak wɛɛ cha ba ba toma ta.

We-ɛɛla 16:13

Ona Tɔpere la ta la, ya le dem dɛ la bwɛɛ la moo nyoa. Dɛ ya dɛ lii kɛ Juu tena ɛɛ dɛɛ cheme belaa dɛɛ soŋe Korowii. Dɛ haahna bane cheme bela, asɛ ya so harɛ dɛ bol waa ba be.

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

We-ɛɛla 28:16

Waa ba Rom la, ba tɛo o ɡbo dea, dɛ ɡel sooja beŋkpoŋ ɛɛ daahno.

Tɔn Pɔɔl Aa Chwerɛ Rom Tena 10:15

Dɛ Korowii ta nɛn tomaa, ɛrɛɛ wɛɛ ba ɛɛ dɛ bol o waa laɔ? Anee kɛŋɔ Korowii Tɔn aa ŋɔa la. O bolɔ ŋɔ, “Hé na ɡɛ toroma baa kpoŋe Amanesoma dɛɛ valɛ la, hé no ba bala wa aa, he bambile ɛɛ sɔɔh heyaa taeh!”

Tɔn Pɔɔl Aa Chwerɛ Rom Tena 12:12

Haa dɔ hwɛɡa nomanta, hé ɡel he sie lɛ. Wobɛlbwa pu heya aa, hé lawɛ bambile. Hé swɛɛ siwi dɛɛ soŋe Korowii saŋ bɛlbwa.

Galaasia 6:6

Nomɛlbwa baa dɛ baɡlo Yeesu Kristo waa nɔ la, kondɛɛɡe bɛlbwa haa dɔ la, tɛ naate waa dɛ baɡle la.

Kolosi 1:25

N ɛ toma dɛɛ tɛ o asɔre tena. Korowiirii koh he chae waa dɛ tɛ mɛ a ɡɛ toma nɔ, dɛ ŋɔ mɛɛ baɡle o waa la bwa ásɛ nɛra bwa no.

Kolosi 4:3

Hé soŋe Korowii dɛ́ɛ tɛ ya ɡba, ásɛ o tɛ yaa ŋwɛnɛ ya won bol o Waa dɛ́ baɡle o wesɔɔhla aa ɛ Yeesu Kristo waa la. A waa ba koh do mɛ dea nɔ.

1 Tesalonika 1:6

Hé nyiŋi yaa dɛ́ kpɔ ya ne ya Dɔɔ da la. Haa no Korowii Waa la dɛ yaradaa la, he na wahala ɡa, kɛ he wono lɛ Korowii Waa la silɛɛ aa le Korowii Domadɛɛɡe la be ne.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

1 Tesalonika 5:20

He bɛ he bala baa dɛ na chaahna la nyoa dɛɛ vɛh.

1 Timoti 4:13

Do sie kure Korowii Tɔn dɛɛ baɡ ba cheremibɔra, dɛɛ bol Korowii Waa la dɛɛ chaɡ ba a bini ka tel ɡɛ saŋ maa ba.

1 Timoti 5:20

Dɛ bɛl ɛ wechɔɡa aa, yerɔ cheme asɔre tena la bwa sie dɛ́ kaoh. He ɛ ɡɛ naa, nɛra baa lɔ bela dɛ na la ɛɛ ɔmɔɔ dɛ laa ba te dɛɛ kpɔ wechɔɡa ta.

2 Timoti 2:21

Anomanta, dɛ nomɛlbwa laa o te kpɔ wedoŋa ne wechɔɡa bwa ta naa, naate la do kɛŋɔ kwaa baa dɛ le a ne wejena ɡbo ta la. O do kaih dɛ do le tɛ o Dɔɔ, dɛ dɔ tɔnɔ tɛo, dɛ che le kɛ ó kpɔɔ ɛ tondɛɛɡa te bwa.

2 Timoti 2:25

dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,

2 Timoti 3:10

He Timoti te, he jemɛ waa maa dɛ baɡle la bwa, dɛ jemɛ n da, ne kon la waa maa dɛ koh, ne ɡɛ maa dɛ yarada Yeesu Kristo, ne ɡɛ maa won bambile lawa, ne ɡɛ maa dɛ nyin nɛn, ne ɡbemba maa dɔa.

Taetos 1:13

Kpelaa o bol, anomanta, di ba kasinteŋkpeɡ ba jemɛ, ásɛ dɛ ɡel ɡɛ da la, dɛ́ baa teŋɛ Korowii waa aa ɛ kasinteŋ la ta.

Taetos 2:15

Baɡ ba ɡɛ waa nɔ bwa, dɛ́ kpɔ he kpeɡri do ba ɡbemba, dɛ́ ja ba, dɛ́ bɛ ɡel ba bɛlbwa nyiŋi he nyubaah.

Hibru 13:22

Yabala, n dɛ soŋe heyaa kɛŋɔ he lawɛ bambile, dɛ́ no waa nɔ maa chwera dɛ kpɔ dɛɛ ja heyaa nɔ. He nyiŋo na naa, tɔn nɔ maa chwerɛ heyaa nɔ aa jaŋɛ bɛlbwa.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.