2 Timoti 4:17 - mzwDBL

¹⁷ Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

2 Timoti 4:17 ပူးပေါင်းရင်းမြစ်များ

Yela 109:31

dɛkalkɛ o dɛ che nyaara habɔɔ, dɛ lɛɛ ba dɛɛ le nɛra baa kpoo ba nɔn ta.

Yela 22:21

Lɛɛ mɛ n dɔma baa do kɛ nyujentena nɔ nɔn ta, lɛɛ mɛ le n dɔma baa do kɛ, nabala nyeɡlare nɔ nyoa.

Sɛɡla 20:2

Kooro bandia do kɛŋɔ nyujente aa dɛ si ken. Nomɛlbwa waa dɛ doo bwaawee la dɛ ta o nyu.

Sɛɡla 28:15

Nomonchɔɡe waa dɛ nyiŋi nɛŋɡwɛɡra la, o do kɛŋɔ nyujente kɛɛ sisire yon dɛɛ kɔɡre, dɛɛ nyin ola dɛ́ lawɛ la.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Jeremia 2:30

Pɛɛpɛɛ n tɛr he deŋne, haa nyin kɛ he charɛ he liire le waa haa dɛ ɛ ta. He kpoo keamere maa tom ba he be kɛŋɔ nyujente lɔr aa dɛ kpoo ken.

Daneɛl 6:22

Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”

Daneɛl 6:27

Onee dɛɛ lɛ nɛn dɛ ɡel o dɔ o nyu dɛɛ di, dɛɛ ɛ nyokpowa, o we-ɛɛla ɡe do kan nyundua ne harɛ bwa. Onee lɛ Daneɛl nyujentena nɔn ta aa wola on kpoe.”

Matiu 10:19

Dɛ ba baa lawɛ heyaa dɛ la he ne ba sie naa, he bɛ ɡel waa haa dɛ ba bola, ne ɡɛ haa bol dɛ́ lɛ he te hiah heya. A baa tel kɛŋɔ hé bol wa aa, hɛɛ jemɛ waa haa dɛ ba bolaa.

Amanesoma Luk Aa Chwera Tɔn 1:1

Nomoa Teɔfelɔs, nɛra warɔ dɛ takapɔ ŋɔ baa chwerɛ waa aa chiɡ ya binii.

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

We-ɛɛla 23:11

Awola jwaana ne la, ya Dɔɔ Yeesu baa che Pɔɔl jwɛh dɛ ŋɔ o be ŋɔ, “Bɛ ɔmɛ. Hɛɛ di danseɛ tɛ mɛ Rom ɡɛ haa dia tɛ mɛ Jerusalam nɔ.”

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

Tɔn Pɔɔl Aa Chwerɛ Rom Tena 15:31

Hé soŋe Korowii tɛ mɛ ásɛ o kpɔ nɔn tɔ n nɛɛ Juda harɛ tena baa wola Yeesu yarada la bini, ásɛ waa maa dɛ la ka ɛ Jerusalam Korowii nɛra ba wa aa toɡra bini la, bá sie lɛ a ta,

2 Kɔrent 12:9

asɛ o ŋɔ, “Chae maa sune he nɛɛ dɛ chae nɔ ɡbo maɡre he ne. Bela nɛn aa ɡwɛɡra la, belaa baa na n kpeɡri kohona.” Anomanta, a do n som kohona kɛ maa dɛ maŋkura n te n ɡwɛɡra ta, dɛkalkɛŋɔ a taa mɛɛ na Yeesu Kristo kpeɡri n nɛ.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

1 Timoti 1:12

N dɛ jam ya Dɔɔ Yeesu Kristo waa tɛ mɛ o kpeɡri la kɛ waa yarada mɛ dɛ kpɔ o toma nɔ do n nɔn ta nɔ.

2 Timoti 2:1

N bie Timoti, che kiŋkiŋ kpeɡri ya Dɔɔ Yeesu Kristo aa chae he dɔ le pɛɛ he ne waa pɛa la ta.

2 Timoti 2:9

dɛ koh a waa dɛɛ na wa, hale nɛra koh a waa dɛ kpɔ jɔɡrɔre vɔɡ mɛ, dɛ do mɛ dea kɛ wechɔɡ-ɛɛ. Kɛ Korowii waa te, nɛn aa won kpɔ jɔɡrɔre vɔwa.

2 Timoti 3:11

Fiiɡa baa fiɡ mɛ ne n wenaale maa naa Anteɔk, Ikooniam ne Lestra, n lawɛ bambile a bwa ta la, he jemɛ a bwa. Kɛ ya Dɔɔ la cha mɛ dɛ lɛɛ mɛ a ɡɛ waa la bwa ta.

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

Taetos 1:3

Tɔpere o tea aa toora la, o ɡelɔ mɛɛ bol a waa nɛra jemɛ. Ya Lɛɛ Korowiirii kpɔa do n nɔn ta dɛ ŋɔ mɛ́ɛ baɡle nɛra.

Hibru 11:33

A ɡɛ nɛra nɔ bwa yarada Korowii kohona, dɛ che ba yarada ta yo koranar dɛ pɔ ba nɛ, dɛ ɡel nɛra ɛɛ ɛ waa aa toɡra Korowii ŋwɛnɛ ta, asɛ Korowii ɛ waa waa baɡɛ nyoa la ane ba bere saŋ. Ba wono tɔ nyujentena nyoo, a ta wone laɡ ba.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.

1 Samoɛl 17:37

Korowii waa lɛɛ mɛ le nyujente ne sisire nɔn ta la, wɛɛ lɛɛ mɛ le Filisti te nɔ nɔn ta.” Ate, Kooro Sɔɔl ŋɔ Devid be ŋɔ, “Kaa, Korowii ja he nɛ.”