2 Timoti 4:16 - mzwDBL

¹⁶ Baa yer mɛ cheme ŋɔ ń ba tɔh n nyoa loɡla la, n ta nomɛlbwa dɔe ó ba che n habɔɔ. Nɛra bwa chwa mɛ. Korowii bɛ ɡel a ɛ wechɔɡa ɡure ba nɛ.

2 Timoti 4:16 ပူးပေါင်းရင်းမြစ်များ

Amanesoma Mak Aa Chwera Tɔn 14:50

Belaa Yeesu habɔteŋra la bwa lɔ peɡre dɛ chwao.

Amanesoma Luk Aa Chwera Tɔn 12:11

Dɛ ba yerɛ heyaa ka che cheremi deene bini ne harɛ nɔ ta nomonome sie naa, he bɛ ɡel waa haa bol dɛ lɛ he te la hiah heya,

Amanesoma Jɔn Aa Chwera Tɔn 16:32

Tɔpere bɛl dɛ ba, o joɔ tonɛ, he bwa dɛ ba chwae peɡre kaa he deremi ásɛ a ka n ɡbo. N ne n Mɛɛ aa lole saŋ bɛlbwa nomanta, aa n ɡbo kae ba.

We-ɛɛla 22:1

“N mɛɛwa ne n dɔɔranarwa, hé do deŋna n be ásɛ n bol n kon hé no.”

We-ɛɛla 25:16

Baa ŋɔ ɡɛ la, n ŋɔ ba be ŋɔ ya Rom tena te aa ɡɛ ɛ. Ya te bwɛ, dɛ nɛn ne o dɔŋ dɔɔ, dɛ ya ta on ŋwɛnɛ tɛɛ o ne nɛn waa kpɔ waa dawɔ la cheme o bol o kon, o ɡe bol, asɛ a bɔɔ waa, yaa on bolchɔɡe pa ɡɛ.

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

1 Kɔrent 13:5

Waa waa saɡasaɡa ɛ o bala be. Waa o ɡbo nyin, o dɛ nyin nomɛlbwa. O baah aa nɛra nɛɛ di warawara. Waa nɛn waa lɛɛ dɛɛ do o bini.

1 Kɔrent 9:3

Dɛ nɛra dɛ pwaah mɛ naa, kenii mɛɛ ŋɔ.

2 Kɔrent 7:11

Tebinichɔɡ Korowii aa dɛ nyin he dɔ laanee he dɔ la. Hé na waa aa lea tɛ heya. Hé na ɡɛ haa dɛ takapɔ, asɛ he siwi swɛɛ hɛɛ nyin he baɡle kɛ he ta wechɔɡa ɛɛ. Hé na ɡɛ he bwaawee aa ir wechɔɡa ta, hé na ɡɛ haa dɛ ɔmɛ. A ɡelɔ he pɛla lawɛ yaa, asɛ he siwi swɛɛ waa aa toɡra ta. A ɡelɔ he siwi swɛɛ nɛra baa wola wedɛɛɡa ɛɛ nɛɛ he tɛr ba deŋne. He wono baɡle kɛ he ta wechɔɡa bɛlbwa ɛɛ waa la ta.

Felepae 1:17

Banɔ la ɡe, ba ɡbaɡba sɔn nyina waa baa bol Yeesu Kristo wa, ba tepoŋ ne laa. Ba dɛ lii kɛŋɔ ba ɛ ɡɛ naa, baa wonoo ɡel n tea bini chɔɡ dɛ́ ja n dea chɔe nɔ ta.

Felepae 1:7

Aŋwɛnɛ taa n dɔ he hwɛɡa ɡɛ la, dɛkalkɛ he bwa waa lɔ n bambile ta. Baa do mɛ dea la, ne yoi maa yoa lɛ Amanesoma la cheɡ dɛ bol kasinteŋ aa lɔ a ta dɛɛ baɡle nɛra la, n ne he bwa nɛɛ Korowii sune dɛ cha yaa a ta.

2 Timoti 1:15

He jemɔ kɛ nɛra baa lɔ Eesia harɛ ta bwa chwa mɛ, hale Fejelas ne Hɛmojenes ɡba jao.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

2 Timoti 4:15

Hé ɡe nyiŋi he te kɛrɛdɛ, dɛɛ ke he te o nɛ, dɛkalkɛ o ta yaa sie tɛɛ ya webaɡla ta kwaraa.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.