2 Timoti 4:10 - mzwDBL

¹⁰ dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

2 Timoti 4:10 ပူးပေါင်းရင်းမြစ်များ

2 Timoti 1:15

He jemɔ kɛ nɛra baa lɔ Eesia harɛ ta bwa chwa mɛ, hale Fejelas ne Hɛmojenes ɡba jao.

2 Kɔrent 2:13

Kɛ maa wola ya dɔŋ Taetos ka pue bela la, n baah ta men sɔɔhnɛ. Anomanta, n kal bela tena dɛ kaa Makidoonia harɛ.

We-ɛɛla 16:6

Ba valɔ dɛ ka kpɔ harɛre baa dɛ yera Frejea ne Galaasia la ta, dɛkalkɛ Korowii Domadɛɛɡe la ta ban ŋwɛnɛ tɛɛ bá bol Yeesu waa la Eesia harɛ.

Faelemɔn 1:24

Gɛɛ Mak ne Aristakus ne Demas dɛ Luk baa ɛ n bala tom-ɛɛra la ɡe ɛɛ nae.

2 Timoti 4:16

Baa yer mɛ cheme ŋɔ ń ba tɔh n nyoa loɡla la, n ta nomɛlbwa dɔe ó ba che n habɔɔ. Nɛra bwa chwa mɛ. Korowii bɛ ɡel a ɛ wechɔɡa ɡure ba nɛ.

Felepae 2:21

Dɛ o laa aa, bɛlbwa sese dɛ dawɛ o ɡbaɡba wa, waa Yeesu Kristo waa dawɛ.

2 Kɔrent 7:6

Kɛ Korowii aa dɛ larawe tebinichɔɡ te bwara la nomanta, Taetos bala la ɡelɔ ya dɔ bɔlarawa.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

We-ɛɛla 17:1

Pɔɔl ne Silas aa ira dɛɛ kaa la, ba kaa kpɔ bwɛɛre ane baa dɛ yera Amfepɔles ne Apolonia ta dɛ ka le Tesalonika. Dɛ Tesalonika Juu tena dɔ cheremi dea bela.

2 Pita 2:15

Ba ɡel ŋwɛnɛtoɡre la, dɛ nyoɡre. Ba kpɔ Beɔ bie Balam o fa aa ɛ Korowii keame la ŋwɛnɛ la. O sie aa beɡre suuɡa kohona nomanta, o kpɔ ŋwɛnɛchɔɡe ta dɛ nyin suuɡa.

Taetos 1:4

N bie Taetos, henee n chwerɛ tɔn nɔ dɛɛ tɛ. Waa ya bwa aa dɛ yarada la taa a che he ɛ n bie tenten. Ń Naa Korowii ne ya Lɛɛ Yeesu Kristo chae dɛ́ tɛɛ bosɔɔhna.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.

Galaasia 1:2

N ne yabala baa lɔ n be bonɔ nɔ bwaa chwera dɛɛ tɛ asɔre tena haa lɔ Galaasia harɛ ta bwa.

2 Kɔrent 8:16

Ya dɛ jam Korowii kohona kɛŋɔ waa ɡela Taetos siwi swɛɛ wɛɛ cha heyaa kɛŋɔ ya siwi aa swɛɛ he nɛɛ la.

2 Kɔrent 8:6

Anomanta, ya ŋɔ Taetos be ŋɔ tondɛɛɡa nɔ soo waa pa a mun la, ó den ba choŋi a ta, ásɛ dɛ cha heyaa he ɛ wedɛɛɡa haa dɛ ɛ kwaa kɛɛ bɔr la ka tonɛ.

We-ɛɛla 18:23

Waa soɡe bela tama la, o le bela dɛ valɛ Galaasia harɛ ne Frejea harɛ bwɛɛre ta, dɛɛ ja nɛra baa dɛ teŋɛ Yeesu nɛɛ dɛ do bela la, dɛɛ do ba ɡbemba.

We-ɛɛla 17:13

Juu tena baa lɔ Tesalonika aa noa kɛŋɔ Pɔɔl kaa bol Korowii Waa Bɛrea ɡe la, ba ba bela dɛ ba do ba, asɛ ba bwaawee ir Pɔɔlwa nɛ.

We-ɛɛla 15:38

Dɛ Pɔɔl ɡe be la, a ta maɡrɛ kɛ Jɔn Mak la bɛl, dɛkalkɛŋɔ o fa teŋɛ ba nɛɛ toma la ta, dɛ ka tel baah ta, dɛ chwa ɡel ba Pamfilia.

We-ɛɛla 13:13

Pɔɔl ne nɛra o ne baa dɛ valɛ la jo ɡbera ta le Pafɔs bela, dɛ ba Pɛɛɡa waa lɔ Pamfilia harɛ ta. Jɔn Mak ɡel ba bela dɛ berɛ kaa Jerusalam.

Amanesoma Luk Aa Chwera Tɔn 17:32

Hé lii waa aa pu Lɔt haah la.

Amanesoma Luk Aa Chwera Tɔn 16:13

Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.”

Amanesoma Luk Aa Chwera Tɔn 14:33

Gɛ tentenee a chɛ kɛ he so lii mɔɔ. Nomɛlbwa ta o komɛlbwa ɡelaa, waa won ɛ n habɔteŋre.

Matiu 26:56

Anɔ bwa ɛo ásɛ waa Korowii keamere la aa chwera Korowii Tɔn bini la ɛ kpela.” Belaa Yeesu habɔteŋra la bwa chwa peɡre a kao.

Matiu 12:32

Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”

2 Kɔrent 8:23

Taetos te la, n ne onee dɛɛ ɛ toma nɔ dɛɛ cha heya. Yabala baa ja o nɛɛ la ɡe la, asɔre tenaa lee ba. Ba nɛɛ Yeesu Kristo che dɔ sɔn.